Mak 10:23 - Namiae

²³ Areme Jesu fu una dakaroime e vuak fuon faivo iji giame kia, E iji sinuom zarainva bu sinuom ijia biduame karijo iji bu Godon e iji fu oibuon iji samuagdiamo ijiena besum mazikfuon iji fuka ma gigikino kiain.

Mak 10:23 Iomraidhean Croise

Mak 10:15

Ijefuon ni vuak igi na kuardiakrejo iji amarigia faif. Erar fu am ukaknak igi bu na ma vierafejo ijeg God ma vierafekma fu Godon e iji fu oibuon ijia samuagdiamo ijiena mazikfuon. Regavo fu bakma fu izeg buna mazikma bano kiain.

Mak 10:22

Ijefuon e nivek iji fu vuak iji faima fuka bomana oifiaimga fu oifiaigma vain. Ijefuon maiji fu vierafega fuka sinuom ma uruvana zarain.

Mak 3:5

Jesu fu uri e iji giama fuka deajin. Regavo madu fu giamga oibuon iji buka gigikin ijefuon fuka bomana oifiain. Ijegreare fun uri e iji imut abe kirainma iji kuama fu imut akozemga imut fuon fu una maren.

Mak 5:32

Regavo Jesu fuka e iji erar fu ugon fuon kunainma iji gakafa nisain.

Ruk 18:24

Ijegreare Jesu fu gak e iji fuka oifiain magame fu uri kua, E iji bu sinuom uruvana zarainva iji bu una e iji God fu oibuon iji samuagdiafo ijiena mazikva fuka ma gigikin.

Jon 3:5

Fu ijeg kuardamga Jesu fu una kua, Vuak igi na ma kuardav. Erar fu vierafe fu e iji God fu oibuon iji samuagdiamo ijiena mazikma e iji fuka God kuaga fu daro fuon ijia do ijiga Godon Kaven ijefuon azan ijia oifuon iji somdaga fu una e iviamkor rek.

1 Korintiens 1:26

Regavo kaifnun nin izeg ur ja oijga God fu kumena ja una e fuon renva iji vierafef. Tavan ijia e sibank roin ja e iji bu moikigia vuak mukoi vierafejo iji no kuaivo ijeg jak ja mukoi vierafej. Regavo madu e sibank roin jak jaka daro mamkanuk kege e roin samuagdiav. Regavo madu e sibank roin iji ja e ikin ijiebuon agan ijia nafene samuagdiain.

Jeims 2:5

Efnun vuak igi e sinuom bakin ijiebuono mukorigia faif. E uruvana sinuom bakin iji Godri aferdiain. Fu aferdia bu fu mukorigia ma vierafevo aganfuon rene unam ma karivako iji fu e iji bu fu oijmavo iji miakafa kiainma iji abek.

Jeims 4:4

Regavo jaiji ja bara iji fu baru fuon ba ma vierafen revo fu baru fuon ijefuon e ani iji oijmiamo ijekin. Ijefuon e guri ka ba vierafenva gurie igia faif ja moik igefuon ire iji oimarknum oijmiavo iji ni vierafe jak ja Godon e ani.