Mak 10:17 - Namiae

¹⁷ Areme Jesu fun e vuak fuon faivo ijiena una unam ijia roko ijia e be fu kukum ruain. Fu kekome Jesu roko nifak ijia ato same kua, E maiguri e nijaidiamon na ire ma iji na irerag iji rega na unam ma karivako iji abekno kuain?

Mak 10:17 Iomraidhean Croise

Metiu 17:14

Bun ijeg kuaiknum una ari roke e gumi bu afuinva ijia usevga e be fu migegare kekome Jesu manino nifak ijia ato sain.

Metiu 25:34

Areme rad E Bomana nar uri e maturainva iji ij maink nun ijia karinva iji kiak, Jaiji fun Asoinun ijar daro miain. Ijefuon ni ro ar ma iji sanainma God fu ik anej fu moik ga varur igi ba amarenma ijia fu joifuon amardiainma iji abe karifno kiak.

Metiu 28:8

Anera iji fu ijeg kuardiamga bara nokarok (2) iji bun mako iji areme bun migegare igia una ar vain. Buka juin gavo bu oimarknum una kukubijame e vuak fuon faivo iji kuardiakuai vain.

Mak 1:40

Jesu fu ijeg vuak nijaidiamoine e be adam kasi igekin bu kua refrosi kuavo iji abenma ijar Jesuon ruain. Fu kekome Jesuon nifak ijia ato same uri soisoime kuain. A vierafega a vajai nun igi amardiega fu una madiekman ni ijegrene kuain.

Mak 10:18

Fu iji kuamga Jesu fu una kua, A irerafuon na kie e maigurieno kien? Fu e be fu erar e ma bakin revo fun e besum Godri fuonkua e ma.

Mak 12:14

Bu va usem kua, E nijaidiamon no vierafega vuak irerag a kuaimon iji aka vuak ma ijesugin kuaim. Regavo e iji a vuak kuardiamo iji bu e mamkanuk ga e ukaknak iji a juvknum kuardiamo bakin. Regavo aka vuak ma iji izeg God fu e igiebuon vierafenma a ijin e igi nijaidiam. Ijefuon a vierafega akai nuvuon ijia no Sisa e Romkobuon e bomana iji fuon takes abesvo iji kafu maren ki fuba maren? Regavo nobe takes abesek ga no arekfuon iji ni ar kuarduoga no faivno kuain? Regavo Jesu fu vuak kufui buon fun giame vierafen ijefuon fu kia, Ja irerafuon na biesiekuai rej? Ni mon sunin iji abe nijaidie na gavno kiain.

Mak 9:25

Ijegrene Jesu fu gak buka vek e uruvana rokga fu uri kaven ise iji kuriaireme kua, Kaven ada bijukin vuak ba kuaimo gure na a kuavo ni e iji areme kek vakne. Rega ab una ro fu niroimne kuain.

Ruk 10:25

Tavan be e vuak akai nijaidiamon ijar Jesu biesuame kua, E Nijaidiamo na izegrekva na unam ma fivako iji abekno kuain?

Jon 5:39

Ja vierafe ja Godon vuak bu usuibe isoinva iji amarigia dakva ja unam ma karivakfuon iji ja ijia abekuai ja ijeg vierafen. Regavo vuak fok bu kuaime isoinva iji bu nuisina isoin.

Jon 6:40

Regavo Asoinun ijar vierafenma iji erar Farifuon na gieme una na ma vierafekva bu unam ma ijia ma karivak. Bu ijegrenki tavan radkma ijia bu aoikva na kiaga bu una uri unam ma ijia ma karivakno kiain.

Eks 16:30

Areme fun aferdiame ai makaf ijia kekome kia, E mamkanuk gurie na irerag abekva God fu ise nun gieme arekno kiain?

Eks 2:37

E bu vuak iji faiva vuak ijar oi kediama buka oi karoime uri Fita ga e afasor roin iji kia, Efnun No izegrekno kiain?

Eks 20:32

Regavo iviakma ja nan kege una Godon imut tat ijia uniaido ja vuak fuon ma iji abekva ja mukoi karikfuon. Regavo fur izeg fu e fuon uruvana iji ma rediainma ijeg fu ja ifejdiame ma rediake ja kariok.

Romens 2:7

E kafo buka tavan uruvana mimatame unam ma ijia reoij. Bu tavan uruvana kaifijaf ga e kafokafo ifejdiaga God fu bu arordiaknum nidosiakro bu iji vierafen. E iji ijeg kegoijo iji God fu buon oimarmo ijefuon fu bu kege uniaga tavan rad bu ma karivak.

Romens 6:23

Ja iviakma ise reoijo iji tavan rad ja unam ma iji abekva bakin revo kaven jon bum vajai fian abene aoik. Regavo bu aoikva buba Godna karivak. Regavo no Jesu E Bomana nuvuon ma vierafekva God fu duadok fuon ijia unam fuon ma karivako iji fum efkin abe muok.

Efisiens 1:18

Regavo na madu joifuon sirimamega Kaven Akai ijar nigen jon kege samafrediaga ja ire ma iji God fu joifuon rediamo ja iji mukorigia giame vierafek. Regavo madu Kaven Akai ijar nigen jon kege samafrediaga ja izeg Godon ma rediamon iji fu efkin vajiamon iji mukorigia giame vierafek.

Taitas 3:7

Regavo God fu ijegrenma ijia fu ma reduome no karaunuome unam arir ijia unuin. Regavo Kaven Akai fuon muido no unam ma karivako iji no ma vierafene samua roko iji abek. Regavo vuak iji na kufui kuardiavo bakin revo naka ma kuardiav.

Ibru 1:14

Ijefuon maiji anera iji bu kaven iji Godon ikrejo iji fu uniaga bu tavan bog ari moikigia e iji God fu karauniamo iji ifejdiak.

1 Fita 1:4

Ijefuon maiji no vierafe tavan be no God ire ma kafo fu kaven nuvuon ijiebuon kaf gufia nainma no iji kek. Regavo ire iji fu kaf ijia namduinma iji bu izeg muture ga isere ga barekfuon bakin.

1 Jon 2:25

Regavo Jesu Kurais fu koikfuon vuak ma iji abe no muokno kuin. Ire iji fu abe no muokno kuinma iji fu unam ma karivako iji abe muok.