Mak 1:21 - Namiae

²¹ Jesu fun e vuak fuon faivo ijiena roke ar Kafoniam kuavo ijia usebijain. Regavo afarma tavan Sabat (Satade) iji e bu isuar karijo ijia Jesu fun e Jiusbuon ar iji bu afuim vuak kuaivo ijia arume anerene vuak nijaidiain.

Mak 1:21 Iomraidhean Croise

Metiu 4:13

Fu va Nasaret keko gavo fuba ijia fin revo fu asime va ai Kafoniam ijia fin. Regavo ar iji fu do Gareri nafuinma samaij ijia gavo fu ar Zeburun ko Nafetari guf ijia.

Metiu 4:23

Areme Jesu fun ve ijia urine ai Gareri guf ijia ar ukakna e Jius bu afuime vuak kuaivo ijia arume oknum vuak nijaidiaoin. Fu vuak nijaidiaknum e uruvana vuak ma iji God fu izeg oibuon iji samuagdiakfuon iji kuardiaoin. Fu ijegrejknum madu e zazaikin uruvana adam abeknum vo aikirariainva iji karauniain.

Mak 1:20

Jesu fu giame uri kumega bu asoibuon Zebedi ga ebuon ikrejo iji bu vanag ijia uniame uri Jesu jame vain.

Mak 1:29

Jesu fun e Jiusbuon ar bu afuim vuak kuaivo iji areme e Jeims ko Jon aferdia bun Saimon ko Edruk buon ar ijia vain.

Mak 1:33

E ar Kafoniam karinva ijieb e adagin iji aferdia ar vien ijia afuinva fuka ma uruvana.

Mak 1:39

Ijefuon Jesu fu moik Gareri guf ijia oijknum e Jiusbuon ar bu afuim vuak kuaivo ijia aru vuak nijaidiain. Fu vuak nijaidiaknum kaven ise iji bu e rosdiavo iji kuriairemga bu e iji areme usem vain.

Mak 10:1

Areme Jesu fun ar iji areme una Judia guf ijia do Jodan ruvainma irif gara ijia vain. Fu ijia vakga e uruvana bu una fuon rokga fu amur fu renma ijeg fu una madu vuak nijaidiain.

Mak 2:1

Naki sibank barekoga Jesu fu una madu Kafoniam rokga vuak iji fu ifene vakga e uruvana bu fain.

Mak 3:1

Ijegreare tavan be Jesu fu madu una e Jiusbuon ar bu afuime vua kuaivo ijia arume vaga e imut abe kirainma iji fu ijia fin.

Mak 6:2

Bun va Nasaret useme bun tavan Sabat (Satade) iji e bu isuar karijo iji rokga Jesu fun e Jiusbuon ar bu afuime vuak kuaivo ijia arume vuak nijaidiain. Regavo buka e fok ijia karine vuak fuon faiv ijefuon buka oiserdiamga bu uri kua, E iji fu erar vuak iji nijainvo vierafe vajam? Regavo madu fu izia iji kege kuaimoijknum ire sumakin kafokafo iji reoinon kuain?

Ruk 10:15

Rega e ar Kafoniamko iji jak jaka juf. Ijefuon maiji ja vierafero jaiji jan aresredo ja Godon ar ijia vakro ja iji vierafe gavo iji fu bakin. God ja fuka kam ar ise mian naino ijia kozekno kiain.

Ruk 13:10

Areme tavan Sabat (Satade) be e Jius bu isuar karine God sirimamejo ijia Jesu fu e Jiusbuon ar bu afuime vuak kuaivo ijia arume vuak nijaidiam.

Ruk 4:16

Areme Jesu fun una madu Nasaret ar iji bu fu nafenva ijia vain. Regavo tavan Sabat (Satade) iji e Jius bu isuar karijo ijia Jesu fun izeg fu tavan uruvana reoino ijeg fun ar bu afuime vuak kuaivo ijia aru vain. Fu ijia arume va manine kiamga bun Asaia e Godon vuak vierafene kuaimon ijefuon buk ijin abe main. Bu abe mavga fu kafarbe irame vuak be bu ijeg isoinva iji dain.

Ruk 4:23

Bu ijeg kuaivga Jesu fu una kia, Na giaga ja vuak be ijeg kuaikuai vierafen. Ja kuai, A e karauniamo ijefuon ni koikon oi keunanamimne. Regavo ni izeg a ar Kafoniam ijia ire iji a reoina no fainva ijeg una ar on ma igia rega no game a ma vierafejno kiekuai vierafenvano kuain.

Eks 17:2

Regavo For fun naikafar izeg fu reoino ijeg fun ar iji e Jius bu afuime vuak kuaivo ijia vain. Regavo tavan nokbek (3) iji e Jius bu isuar karijo ijia For fun e ijiena besum Godon vuak bu usuibe isoinva iji abe kuardiaknum amarigia nijaidiain. Fu ijeg nijaidiamga bu vuak iji faime vierafero e iji God fu kuama fu ari ruainma iji fu igia nuvuifuon vajai fian abe guamevo una urinmaro bu ijeg vierafen. For fu ijeg kuardiaknum madu kia, E iji Jesu na fuisina kuardiavo iji fu ma e iji God fu kuama fu ari ruainma ijino kiain.

Eks 18:4

Regavo For tavan uruvana fuka tavan iji bu isuar karijo ijia va e Jiusbuon ar bu afuime vuak kuaivo ijia vuak kuardiam. Fu vierafe fu e Jius ijiga e Jius bakin ijin oibuon iji kam karoga bu vuak fuon iji faime abekuai fu ijefuon ijeg ren.