Jon 6:15 - Namiae

¹⁵ Regavo Jesu fun giamga e iji bu fu dab Kin buon rekuai ejafavga fu uri fuonkua uruor ijia ajie vain.

Jon 6:15 Iomraidhean Croise

Jon 18:36

Fu ijeg kuardamga Jesu fu uri kua, Na e mamkanuk moik igeko bu e fok moikigia oijo iji bu samuagdiavo ijeg na bakin. Regavo na moik igefuon e bomanabatie ivia e vuak nun faivo iji bu na mafardieme una e igi ja na aferdie abe e Jius miakrejo ijiena bijaikfuon. Regavo ar nun fu moikigia bano kuain.

Ruk 19:38

Bu oimarknum kume, No vierafe Godri Kin igi fu E Bomana ijefuon if ijia rokon igi daro mak. Regavo no vierafega ire fok varur gufia naoivo bu afuime ijia naoim vak. Regavo madu noka Godon if iji dab aroikno kumen.

Mak 11:9

E roin bu amur vako roin bu rad ja vaknum kume, No Godon if iji abe aroiken. Godri e igi fu E Bomana ijefuon if ijia roko iji daro maken. Fu amur Devid fu saifnuvuon fu samuagdiainma ijeg e igi fu no samuagduokro roko iji daro mak. No God E Bomana kaf ijia fino ijefuon if iji abe ajiekno kumen.

Ibru 4:13

Ire fok Godri amardiain ijefuon ire be fu God ni sauikurame namo bakin revo ire fok bun samakaf Godon nifak ijia naoiv. Regavo madu ire fok no moikigia renva iji no God besum ijefuon nifak ijia ireme vuak nuvuon ma ga ise no renva ijin kuardaga fu faik.

Jon 5:41

Na ema jar na dab arordiekro na iji vierafenva bakin. Revo madu ja naka samakaf giain. Na giamga ja Godon oijmiamo iji jaba abe oijon ijia abeden.

Jon 6:3

Jesu fun e vuak fuon faivo ijiena uruor be ajie vake makaf ijia usem ijia karin. Regavo iji fun e Jiusbuon iro Fasova iji bu ijo iji samairenma ijia bu ijeg ren.

Metiu 5:1

Areme tavan be Jesu fu giak e uruvana bu fuon rokga fu giame uri uruor ijia ajie vain. Fu uruor makaf ijia ajie vakoga e vuak fuon faivo bu ijia usem kari ameoine arekoga fu uri anerene vuak nijaidiain.

Jon 6:22

Areme afarma e iji do irif gara fu bred ga kijum vajiama bu inva ijieb uri Jesu nisain. Bu vanag iji fu besum do irif ijia namo iji bun e Jesuon vuak faivo ijieb abe vaka bun gain revo Jesu fuba buna vanag ijia ajiema bu gainva ijefuon bu fu nisain.