Jon 5:3 - Namiae

³ Ijefuon e adam abejo ga e diak ise ga e ni zuriaigin ga vajai garenva uruvana bu ar ijefuon banad ijia naoiga do iji fu katiga bu gakuai bu iji samua naoiv.

Jon 5:3 Iomraidhean Croise

Metiu 15:30

Fu ijia ajie kekome fikoga e ka uruvana bu e adam kafokafo kenva iji aferdiame fuon ruain. Bu e iji aikirariainva ga ni zuriainva ga vua ba kuaivo ga adam abenva ijin aferdia ijia ruain. Bu aferdiame usem Jesu manino ijia uniavga fu amardiama bu una madiain.

Metiu 4:24

Fu ijegreokogame e bu vuak fuon iji dab kuaime ai Siria guf ijia oin. Ijefuon e uruvana ijia karinva iji bu vuak iji faime uri e adam ise kafokafo ga vajai fian abejo ga e kaven ise urasdiainva ga e iji bu ir sabatenva ijin aferdiame fuon ruain. Bu madu e vajai garadiainva iji aferdiame rokga fu amardiamga bu una madiain.

Ruk 7:22

Fu ijegreoinon ijia fu uri e Jonon vuak abe vainva iji kia, Ni una va Jon irerag ja ni jon ijia giaknum fainva ijin kuardaf. Va kuardame kua, E ni zuriaigin iji bun una ni narako e aikirariainva iji buk bun una uri oijno kuaf. Regavo madu e iji bu adam refrosi abenva iji bun una madiav revo e ada bijukuriainma iji bun una faiv ga e aoinva iji bun una urij. Rega vuak ma iji bun abe e isema karioijo iji kuardiavno kuaf.

Jon 5:2

Regavo ai Jerusarem ijia vien bomana be bu kua Sif Vieno kuavo iji samaij ijia do be fu ijia nafuin. Regavo do iji nafuinma iji bu e Ibrukobuon isama ijia bu kua Betesdano kuavo. Do iji nafuinma irif ijia bu ar kafo sa ameoine aren.

Jon 5:4

Ijefuon maiji Godon anera iji bu tavan kafokafo do ijia ari dab kativ. Regavo e adagin erar fu amur migegare do iji fu katime areke fu ijia arime una ajiekma e iji adam fuon irerag fu abeno iji fuka migegare barek.

Romens 8:25

Regavo ire kafo no ni nuvuon ijia giavo bakin iji no ma vierafene samuakva iji noka oi mafaime samua karik.

Jeims 5:7

Uviaifnun igie ni isuar igia oknum E Bomana fu ruakreno iji samuaf. Ijegvo ni e be fu juar fuon be mene samuame okoga juar fuon iji fuka mukoi duinma iji vierafe. Fu rad kekome vasiaguain revo fuka magame oine are juar fuon iji masinma iji vierafef.