Jon 5:18 - Namiae

¹⁸ Jesu fu vuak ijeg kuainma ijefuon e Jiusbuon e mamkanuk iji buka uruvana deajidiamga bu uri Jesu kanakuai vierafen. Ijefuon maiji fu akaij iji bu isuar karine God oimardavo iji bu abedenva ijesugin abe tuasenma bakigavo fu madu kuai fu God Asoifuon ijek bu besumno kuainma ijefuon bu ijeg ren.

Jon 5:18 Iomraidhean Croise

Metiu 12:5

Regavo madu ja e Mosison akai fu isoinma ja ijia dame gabatie ja gia e iji bu God isuf baroijo iji bu tavan Sabat (Satade) uruvana buka tavan iji e bu isuar karijo ijefuon akaij iji dab tuaseme una ikrejo iji ja giak. Regavo iji bu rejo iji bu Godon nifak ijia ise rejo bakin.

Jon 1:19

Areme e Jiusbuon e mamkanuk ai Jerusarem karinva bu e Godon isuf baroijo iji abevo e Rivait iji kiavga bu va Jon kua, Aiji a erano kuain.

Jon 10:33

Fu ijeg kuardiamga bu kua, No ire ma sumakin uruvana a renma ijefuon kanakrejo bakin. Regavo ar koikon Godon if iji abe buze imo ijefuon no iji ijeg rej. Aiji a ema igi no aikin gavo aka koikon dab God aikin amaremno kuain.

Jon 14:23

Fu ijeg kuamga Jesu fu una roin kua, Erar fu na mukoi oijmiekma fu vuak nun iji mukoi faime igiak. Regavo erar fu ijegreno iji Asoinun fu e ijin game oijmak ga na Asoinun ijek tavan bog no e ijiena oifuon ijia kariok.

Jon 14:9

Fu ijeg kuamga Jesu fu una roin kua, Firif! Na tavan uruvana na jana oin gavo jaka vek naba gieme mukoi vierafen. Regavo erar fu na gienma iji fu Asoinun fun gain. Regavo ja irerafuon na kie, Ni Asoion nijaiduo no gavno kiev?

Jon 19:7

Fairet fu ijeg kuardiamga e Jius fok buka uri kume, No akai nuvuon ijia e ijekin iji no kania bu aoivno kuain ijefuon no vierafe fuka guak. Ijefuon maiji fu koikfuon kuai, Naiji Godon Farifno kuain.

Jon 5:15

Jesu fu ijeg kuardame vakoga e iji fun va e Jiusbuon e mamkanuk iji kuardiame kia, E iji fu Jesur na amardienmano kiain.

Jon 5:16

Ijefuon e mamkanuk iji bun va unam iji Jesu fu renma ijefuon bu uri vuak ise kafokafo fuisina kuain. Ijefuon maiji e adagin iji fu tavan Sabat (Satade) akaij iji e Jius bu isuar karine God oimardavo ijia amardain.

Jon 5:17

Bu ijeg kuaivga Jesu fu giame uri kia, Asoinun iji fu tavan bog ikreno ijefuon nak na ikrejno kiain.

Jon 5:23

Regavo na ijegrega e fok bu Asoinun iji bu aroivo ijeg bu una na abe arordiek. Ijefuon eraneb buba arordievo iji bu Asoinun iji fu na kiema na ari ruainva iji buba aroiv.

Jon 7:1

Areme Jesu fun ai Gareri ijia oknum e iji vuak nijaidiaoin. Regavo fu una ai Judia ijia fuba oin ijefuon maiji Jius e mamkanuk iji bu fu kanakuai samuame karinva ijefuon fuba ijia vuak nijaidiain.

Jon 7:19

Mosis fuka akai uruvana kege ja vajiain gavo e fok guri ja karinva ijia e besum fu erar akaij iji mukoi igiainma bakin. Regavo ja irerafuon ja na kaniekuai nisaidievno kiain.

Jon 8:54

Bu ijeg kuardavga fu kia, Na uri koiknu nun sanainma iji abe aroikva iji na vierafe fuba marek. Regavo e iji fu nun sanainma iji abe arordiekfuon iji fun Asoinun e iji ja kume fuka God jonno kumejo ijar fuonkua arordiek.

Jon 8:58

Bu ijeg kuardavga fu kia, Vuak igi na ma kuardiav Eburam bu rad nafen gavo naiji nan ur ijia firuainvano kiain. Fu ijeg kuardiamga e Jius iji bu vuak iji vierafega buba aresren. Ijefuon bu uri mun tuame Jesu kanakrejga fu Godon ar bomana iji areme fun keko vain.

Firifiens 2:6

Regavo Jesu fu kegoinma iji fu ijeg keoin. Fuiji fu God ga bu busik buka besum ga fuba una asoifuok ar kaf iji bu karinva ijia fikafa vierafen. Regavo fum uri ire iji fu asoifuok samuagdiamo fok fuka nuigafiain.

Revareson 22:1

Areme anera iji fun una do be e bu ine ijia karivako iji fu ruvako ijin nijaidien. Regavo do iji fuka mukoi abarenma ijar God ko Maf-Sif Uka ijiebuon fata rotit ijia kaname keko ruain. Revo do iji fu kaname mai ijefuon unam iji vainma ijefuon uf ijia vain. Regavo do irif roinroin ijia bu in iji sunin iji tura ine tavan bog ijia karivako ijieb ijia name vain. Regavo in iji bu asam besubesum guf ijia kiravo ga juaivasia besum iji buka kukma kiravo. Regavo in ijefuon ak iji e moikigia oijo bu iji turame matan buon ga vajai fian buon omaniga bu madiamo.

Revareson 22:3

Regavo ire iji ba maturainva iji God fu uzamo iji a mai ijia giakma bakin. Regavo God ko Maf-Sif Uka ijiebuon fata iji fu mai ijia manikega e Godon ikrejo fok bu buon sirimamek.