Jon 4:23 - Namiae

²³ Regavo e iji bu kaven ma vierafeknum Godon sirimameknum fu aroikva ijefuon tavan iji fu vek gavo na ma kuardav ire iji bun iviakma igijar rej. Ijefuon God fu e ijeg sirimamejo fu iji vierafeknum nisaidiam.

Jon 4:23 Iomraidhean Croise

Jon 1:17

Regavo God fu akai fuon abe Mosis mama fur abe no kuarduin ga Godon oijmiamo ijiga fuon ma iji fun kege Jesu vajama fur kege no vajuin.

Jon 12:23

Bu ijeg kuardava Jesu fu una roin kia, Tavan iji God fu Ema buon Farif iji abe fuon izeg fu kege ruainma ijefuon aroime kuaga fu fuon sanainma ijia fikfuon iji fun igijar.

Jon 16:2

Regavo ja e Jiusbuon ar bu afuime vuak kuaivo ijia aru vakva bu kuriaireme rotkuriak. Regavo tavan abekma bu e igi ja oijo ijia be kanaga fu guak. Regavo bu ijegrekva bu vierafero bu Godon ik rejoro bu ijeg vierafek.

Jon 16:32

Tavan iji fu roko iji fun iviakma ruain ijefuon ja subinai ar jon ijia tata vaga na ja ijia unieko vak. Regavo naiji na nunkua bakin na vek Asoinun ijek oij.

Jon 4:21

Fu ijeg kuamga Jesu fu una kua, Ni vuak igi na kuardavo igi ma vierafe tavan abekma noba una uruor igia ga ai Jerusarem ijia karine Godon sirimameknum fu aroik.

Jon 5:25

Regavo vuak igi na ma kuardiav tavan iji fun samairen gavo fu iga ruaido e gami aoinva iji bu Godon Farif na i nun igi faik revo eraneb bu faikva bu una ma karivak.

Jon 5:28

Ijegvo jab vuak igi na kuardiavo ijefuon uri oiserdiavo. Tavan iji fun samairedo e gami mako ijia uniainva iji bu i fuon iji faikva bu mako ijia una usem ruak. Bu mako buon ijia una usemvo e iji bu ma kegoinva iji bu una ijia karivak revo e iji bu isema kegoinva iji bu una uri vajaifian abek.

Romens 1:9

Regavo God fun na gie na tavan bog sirimamejor na ja vierafej. Regavo fun giega naiji na oinun fok na God nun ijefuon ik rej ijefuon maiji na Farifuon ijefuon vuak ma iji abe e roin kuardiav. Na nun sirimamejo ijia naka ja vierafejo iji God fun gieme vierafen. Ijefuon na God kuaga fur radkma ijia fuon fu vierafeno ijia kiega na una ja giak vuak.

Romens 8:15

Regavo eraneb bu Godon Kaven Akai ijar oibuon ijia samuagdiako bu oijo e iji buba God game juk. Ijefuon maiji Kaven Akai ijar no aferduoma no una Godon afijaf ren. Ijefuon iviakma non una fu kua Ate Asoinuvuono kuav.

Romens 8:26

Regavo madu nuvuon vierafejo iji fuka ma zazaikin revo fu Godon Kaven Akai ijar no ifejduom. No ijeg Godon sirimamekfuon iji noka ba vierafen revo fu Kaven Akai ijar nuvuifuon Godon sirimamen. Vuak iji Kaven fu God kuardakreno iji fuka ir afisen ga fuka vajai fian abeknum nuvuifuon God soisoime kuardam.

Garesiens 4:6

No afuon ijefuon tavan amur iji no Jesu ma vierafenva ijia fu Farif fuon ijefuon Kaven iji unafduomga fu oinuvuon ijia aru fine kume Ate Asoinuno kumen.

Efisiens 6:18

Regavo ire fok ja rekva iji ni arega Kaven Akai ijar nijaidaga ni ijia jame sirimamef. Ijefuon jab dazme karikfuon gavo jaka uri samuaknum karik. Regavo tavan kafokafo ijia ja sirimamejo ijia ni e iji God ma vierafejo ijiebuon sirimamef.

Firifiens 3:3

E ijekin iji agordiaf ijefuon maiji God fu vierafega buiji bu anf fuon ma iji abenva bakin. Regavo nor no ma anf fuon ma iji aben ijefuon maiji no Kaven Akai iji ma vierafene God sirimameknum vo madu Jesu Kurais ire fok fu nuvuifuon renma iji ma vierafeknum oimarev. Regavo noba ire kafo vajai surif nuvuon ijia reoijo iji kege ma vierafek. Ijefuon maiji ijeg no rejo iji noba Godon nifak ijia maturain.

1 Fita 2:9

Regavo e iji ja ma vierafejo iji ja Godon e rej. Regavo jar e iji bu isuf baroijo bu ikrejo ijeg e ma ijefuon ikrej. Regavo jaiji ja Godon e iji ja fuon ikrekuai fu kege uniainma ijin. Regavo madu God fu ja kege uniainmado jar e iji vuak fuon ma iji kuardiak. Revo fur e iji ja vek nakinma ijia karinva iji fur aferdiame una fuon ma iji sanainma ijia uniain.