Jon 17:22 - Namiae

²² Na sanainma on iji a abe na mienma iji nan abe bu miain. Na sanainma iji abe miaga bu izeg na osik no besum karinva ijeg bu besum karik.

Jon 17:22 Iomraidhean Croise

Mak 6:7

Fu ijia vuak nijaidiaoino ijia fu e tuer (12) vuak fuon faivo iji kumega bu fuon ruain. Bu fuon ruainki fu daro miaga bu e iji kaven ise ijieb rosdiainva iji kuriairega bu usem vakuai bu iji ruain. Bu rokga fun uri kia, Ja e nokarok (2) ga nokarok (2) ijeg mazime use vakno kiain.

Ruk 22:30

Ja ijegrenki ja rad nana ar iji asoinun fu samuamo ijia fata ma iji abe ijia karik. Ja ijia karine duok iknum vo do iknum e mamkanuk rene e Isrerko ijiebuon agan tuer (12) iji samuagdiakno kiain.

Jon 1:14

Areme Vuak iji fun ema rene tavan ivuankbe nona besum moikigia oin. Fu Asoifuon kaf gufia fino ijefuon Farif besum ijin ga fuon sanainma asoifuon fu abe mainma iji non gain. Jesu fu unam ma ijiga Godon ma ijekma oin.

Jon 1:16

Godon maiji zarainma fu kanafu nainma iji fu tavan bog vajuoknum ifejduom.

Jon 14:20

Ijefuon tavan iji abekma ja ijia gieme vierafero naiji na Asoinun ijek fioga ja nana karioij ijefuon maiji na oijon ijia fij.

Jon 17:24

O Asoinun ar e iji kege na vajien ijefuon na vierafe bu nana ar na fikfuon ijia vak revo bu ijia nun sanainma a abe na mienma bu iji gak. Ijefuon maiji a ik anej a moikigi ba amarenma ijia an na oijmien ijefuon a on sanainma ijin abe mien.

Eks 5:41

Bu ar e Jiusbuon e mamkanuk bu vuak kuaivo iji are usem ai makaf ijia ruaknum Godon bomana oimaren. Ijefuon maiji bu Jesuon azan ijia vajai fian abejo ijefuon bu oimaren.

Romens 8:30

Regavo e iji God fu usuibe kege uniainma iji fun kumenma ijefuon fu bu ken. Regavo madu e iji God fu kumenma iji fun karauniame ke una unam fuon ma ijia uniain. Regavo e iji God fu kege una unam fuon ma ijia uniainma iji bun fuon sanainma iji abe funa karij.

2 Korintiens 3:18

Regavo noiji no oinuvuon iji non karoime una E Bomana iji vajain ijefuon ire iji fu oinuvuon iji okuruinma iji fun baren. Ijefuon e uruvana bun unam izeg no karioijo ijia God fu e izekin iji bun samakaf gav. Ijefuon fun Kaven Akai iji oinuvuon ijia ikreno ijar no kege una ka E Bomana iji aikin ren. Fur no kege una fu aikin ren ijefuon e uruvana bu nakikmazak nuvuon no karioijo ijia bu God fu e izekin bu iji giav.

2 Korintiens 5:20

No Kuraison ik rejo ijefuon no fuon fateroin ijia vuak abe kuaimoij. Regavo vuak iji no kuaimoijo iji fu Godri ir nuvuon ijia ja kuardiamo igekin. Ijefuon no Jesuon fateroin ijia ja kuardiavno ni oijon ke karoime una God ma vierafef. Ja ijegrenki ja e ani fuon rejo iji ja areme una funa afuime karikfuon.

2 Korintiens 6:1

Regavo efnun no jana besum Godna ikrej ijefuon no soisoime kiavno jab izeg God fu ja ifejdiame ma rediainma ijin abe nisek.

Efisiens 2:20

Regavo jak madu jaiji Godon ar iji fu tuar azan ijia name kuniai kiriainma ijin. Ar ijefuon tuar iji e iji bu Godon vuak vierafene kuaivo ijiga e afasor iji bu Kuraison vuak abe kuaimoijo ijin. Regavo tuar uf iji ar fok kunaime manino iji fu Jesur.

Firifiens 1:29

Ijefuon maiji ja fun Godri vek ik amur ijia ja Jesu Kuraison ikrekfuon iji ken. Regavo ja fu ma vierafekva ijesugin bagavo ja madu fuifuon vajai fian kafokafo biediak.

Korosiens 1:24

Na joifuon vajai fian abejo iji na bomana oimarev. Ijefuon iviakma na Kurais vajai fian izeg na abekfuon fu vierafenma iji nan biedia barev. Regavo iviakma na e God ma vierafejo ijiebuon fateroin ijia vajai fian igin abej. Regavo e iji God ma vierafejo iji bu Jesuon sos ijin.

1 Jon 1:3

Ijefuon no irerag no giainva ijiga fainva no ijin abe ja kuardiav. No kuardiaga ja roga nona besum afuime no una Asoinuvuon ijiga Farifuon Jesu Kurais bu karinva ijia buna agan besum rene oimarknum karik.

1 Jon 3:24

Regavo erar fu Godon vuak iji mukorigia faime igakma e iji fu tavan bog Godk oke God fu fusik ok. God fun Kaven fuon kege no uniafduin ijefuon noka ma vierafega God fu tavan bog nona oin.

1 Jon 4:17

No mukorigia God oijmaknum kaifnuvuon iji mukoi oijmiakva tavan iji God fu fine e fokbuon ise iji kege mazim giamo ijia noba fu game juk. No God mukoi oijmakva no Jesu Kurais fu moik igia oinma no ijeg ok.

Revareson 21:14

Regavo mai ijefuon fak iji bu anerene kirainva iji bu mun tuer (12) mamkanuk ijiebuon azan ijia kira ajien. Regavo mun tuer (12) iji bu e iji Maf-Sif Uka ijefuon afasor rene ikreoijo ijiebuon if tuer (12) iji isoin.