Jon 15:10 - Namiae

¹⁰ Na Asoinun ijefuon vuak iji mukoi faime igavo ijefuon na fuon oijmiamo ijia tavan bog biduame firok. Unam besum ijeg jak ja vuak nun mukoi faime igiekva ja nun oijmiamo ijia biduame karivak.

Jon 15:10 Iomraidhean Croise

Jon 10:18

Naiji fu erar na dab kaniekma bakin. Regavo naka koiknu vajai nun igi abe ijia nijaidiaga bu kanie na guak. Na e darokin ijefuon bu kaniega na guame rad na daro nun ijia una urik. Regavo iji fun Asoi nun iji fu kiema na ruainva ijar na ijegrekfuon fu iji kuardienmano kiain.

Jon 12:49

Regavo na vuak kufui kuardiavo bakin ijefuon maiji na vuak nun na vierafenva ijin abe kuardiavo bakin. Regavo vuak irerag fok na kuardiavo iji fun Asoinun iji fu kiema na ruainva ijefuon vuak na iji abe ja kuardiav.

Jon 14:15

Ja na mukoi oijmiekva nika vuak nun fok mukoi faime igiame reof.

Jon 14:21

Erar fu vuak nun fok na kuardiavo iji mukoi faime igiamo e iji fu tavan bog na oijmiem. Regavo e iji na mukoi oijmiemo iji Asoinun fu e iji mukoi oijmak ga nak na e iji mukoi oijmaknum na koiknu abe fu samafredaga fu na giek.

Jon 14:23

Fu ijeg kuamga Jesu fu una roin kua, Erar fu na mukoi oijmiekma fu vuak nun iji mukoi faime igiak. Regavo erar fu ijegreno iji Asoinun fu e ijin game oijmak ga na Asoinun ijek tavan bog no e ijiena oifuon ijia kariok.

Jon 17:4

Na on sanainma iji nan abe e moikigia karinva iji nijaidia ga madu ik on fok a kiema na ruainva iji nan re baren.

Jon 4:34

Bu una bui ijeg kuaivga Jesu fun giame una kia, Na ire iji na bijame kuardiavo iji na Asoinun ire iji fu vierafenma iji igame vo ik fuon iji fu na kuardiema na ruainva iji ka re barek.

Jon 8:29

Regavo Asoinun iji fu kiema na ruainva iji fuba na unieko vain. Ijefuon maiji tavan bog irerag na reoijo iji na fu oimarkfuon ijia reoijno kiain.

Jon 8:55

Jaiji ja Asoinun iji jaba vierafen ga nar na fu vierafen. Revo na ivia igia kiak na fu naba vierafenvano kiakva iji na ja kuaivo ijeg naka vuak kufui kuardiak. Regavo na fu nan vierafen revo vuak fuon iji na igiav.

1 Korintiens 7:19

Ijefuon maiji erar fu surif fuon kania ufume Godon anf iji abeko erar fuba surif fuon kania ufuinma iji Godon nifak ijia ire iji fu ire ikin bakin. Regavo ire ikin iji no mukoi agoikfuon iji noka Godon akaij iji mukorigia igiak.

1 Tesaroniens 4:1

Regavo efnun iviakma na vuak radkma iji isoime kuardiakrejo iji unam izeg God fu oimaikfuon ijia karivakfuon iji non nijaidiava jan ijeg kari rok. Regavo iviakma no E Bomana Jesuon if ijia darokma ja anadiame kia, Ni unam ma iji God fu oimaimo ijia ja kari roko ijeg una uruvana rejknum kari vaf.

Ibru 7:26

E Bomana isuf baroino Jesu fuka ma e iji no mukorigia ifejduomo ijin. Fuiji fuka ma e akai ga fu ire ise reno bakin revo ka e maturain revo fu e ise reoinva ijeg fioinma bakin. Fun varur asim ajieme ma varur kaf ijia ajie fin.

2 Fita 2:21

Bu Godon unam ma iji ba ur vierafekva iji fun maren. Regavo bu God ur vierafene rad una karoime Godon vuak akaij iji uzavo ijefuon God fu bu kege ma arafiriak.

1 Jon 2:3

Regavo no Godon akai fok fu kuarduinma iji mukoi faime rekva iji no vierafero noka ma fu vierafejro no ijeg vierafek.

1 Jon 2:5

Regavo erar fu vuak fuon mukoi faime rekma fuon izeg fu God oijmamo iji fuka ma bomana rene vak. Regavo erar fu kuai fu Godk fioino kuaikma e iji fuka Jesu Kurais fu fivainma ijeg fiok. Regavo fu ijeg fiokma no ma vierafero fu Godk finoro no ijeg vierafek.

1 Jon 5:3

Regavo no God vuak fuon fok fu kuarduomo iji mukorigia igiakva na ijia vierafero non fu mukoi oijmavro no ijeg vierafek. Revo vuak fuon fok fu kuarduomo iji fuka gigikin bakin. Ijefuon maiji e fok no Godon afijaf revo noka aresredo no Godon vuak iji igiame Setan nuigafak. Regavo unam ise iji Setan fu no biesuoga no rekfuon iji noba rek. Ijefuon maiji noiji non Jesu ma vierafene unam fuon ijia reoij.

Revareson 22:14

E iji bu oibuon iji ugon igeg some abarenva iji buka oimarkfuon. Ijefuon maiji bun aresredo bu in sunin bu ine tavan bog ijia karivakfuon bu iji nubume ik. Regavo madu bu aresredo bu ar mai iviamkor ijia arume guf ijia vak.