Jon 13:5 - Namiae

⁵ Fu kirame fun uri dis ijia do jiame e vuak fuon faivo ijiebuon diak iji sodiame taver abe safik fimdiain.

Jon 13:5 Iomraidhean Croise

Ruk 7:38

Fu abe keko Jesuon nuon iji diak fu korenma ijia manine niraiko nido fuon ijar Jesuon diak azan ijia arin. Fu ijegrene uri nigen jau fuon ijia fidame fun uri diak iji kam irkuardiame uri do iji udi mukor urino iji abe ijia usemdain.

Ruk 7:44

Areme fu dakaroim una bara iji gavknum Saimon kua, A bara igi abe gain? Na ar on igia ajie rokga aba diak tat nun iji do somdien. Regavo fu bara igar nido fuon ijia diak tat nun somdieme nigen jau fuon ijia fidien.

Jon 13:10

Fu ijeg kuardamgavo Jesu fu una kua, Erar fu amur do fok ruainma iji fuka maren. Fu vajai fuon muin iji fuka soin ijefuon fuba una do ruaik. Regavo fu do ruaikafa vierafekma fu diak ijesugin ruaik. Ijegvo e guri ja fun maradiain revo e besum fuba maren fu vek muigin kiain.

Jon 13:6

Fu ijegredia roke e Saimon Fita fino ijia keko diak sodakvega fu uri kua, E Bomana a irerafuon diak nun sodiemno kuain?

Jon 13:8

Fu ijeg kuardain gavo Fita fu una madu kua, A iviakma igia ga rad a diak nun igi sodiekma iji naka ma isediemno kuain. Fu ijeg kuamga Jesu fu una kua, Na diak on iji ba sodakva iji aiji a e vuak nun faimo bano kuain.

Jon 19:34

Bu areko e bijaivo be fu uri juaf iji fu kunainma ijia dab Jesuon ken ijia bijako migegare kavuan ijiga do iji bu ijia arin.

Eks 22:16

Ijefuon iviakma a irerafuon fine saroim. Ni uri Jesu kuaga fu ise on uruvana giame arega bu a abe if fuon ijia do ruardavno kien.

1 Korintiens 6:11

Regavo ur tavan kafo e roin jak jaka unam ma ise igi na kuardiavo ja ijeg reoin. Regavo fun E Bomana nuvuon Jesu Kuraisri kavuan fuon ijia abe ise jon iji somdiain. Fu somdiame ke una e akai fuon ren. Fu ise jon ijesugin somdiainma bakin gavo fu madu Kaven Akai ijefuon daro ijia ja karauniame ke una unam fuon ma ijia uniain.

Efisiens 5:26

Regavo Kurais fu efuon ijiebuon guainma iji fuka vajai fuon abe isuf igeg God baroidain. Regavo fu e iji bu fu ma vierafejo iji kege una e akai igeg uniakafa vierafen. Ijefuon fu ja do ruardiainma ijiga ja uri vuak fuon ma vierafenva ijar fun ise jon iji somdiain.

1 Timoti 5:10

Regavo fuiji buka e fok ijieb fu ma vierafejo ijefuon maiji unam fuon fu reno iji fu ma ijia ren. Regavo unam ma iji roin am mukoi samuagdia ga e sumakin ifejdiaknum samuagdia vo adumaduigin Godon e iji ifejdiamo. Regavo madu Godon e iji vajai fian abejo iji oi fuon ma ijekma mukorigia ifejdiaknum vo unam ma kafokafo e kafobuon reno.

1 Jon 1:7

Regavo no tavan bog no God fu sanainma ga fu fivako no ijeg kari vakva no agan besum rene karik. No agan besum rene karivakva Farif fuon Jesuon kavuan ijar ise nuvuon fok no reoijo ijia karaunuok.

1 Jon 5:6

Na Jesu Kuraison vuak iji kuai. Jesu fu moikigia ari ruainma iji fu ire nokarok (2) ren. Fu ire iji rega no ijia game vierafero fu ma Godon Farifro no ijeg vierafen. Ire nokarok (2) fu rena no giainva iji be bu fu abe Godon if ijia do ruardain revo be iji fu guamga kavuan fuon fu moikigia usen. Regavo bu abe do ruardainva ijesugin bagavo fu madu kavuan fuon abe nuvuifuon moikigia usen. Regavo iji fun Godon Kaven Akaij ijar no kuarduome kuo Jesu irerag fu moikigia renma iji fu mano kuin.

Revareson 1:5

Regavo na sirimamega Jesu Kurais e iji fu nuibakin rene Godon vuak ma iji abe ruainma iji fuk ja mardiame ifejdiakfuon. Fur amur guame una uri E Bomana rene moik igefuon e mamkanuk fok samuagdia fin. Jesu Kurais fu no oijmuomo ijefuon fu guame kavuan fuon useme ise iji fu no anu kunuinma ijia somduome baren.

Revareson 7:14

Na kua, E Bomana naba giain revo aiji an vierafenmano kuain. Revo e iji fu una na kie, E iji irenva iji bu e iji bu unam ise ijia vajai fian abene roke igia usenva ijieb irenvano kien. Bu ugon buon iji bu sainva iji bun Maf-Sif Uka ijefuon kavuan ijar somdiamga fu abaren.