Jon 13:34 - Namiae

³⁴ Regavo ni vuak iviamkor be na kuardiakrejo igi faif. Ni jon oijmanamif. Izeg na ja oijmia ruainva ijegvo jasik una jon ijeg oijmanamif.

Jon 13:34 Iomraidhean Croise

Metiu 5:44

Regavo na kuardiakrejo ni faif. E ani jon iji amarigia oijmiavo e iji bu jon ise rejknum vajai fian vajiavo iji ni buon sirimamef.

Jon 15:17

Regavo na una madu kia, Nika jon mukoi oijmanamiknum kariof.

Jon 17:21

Na sirimamega bu agan besum igegrene kariok. O Asoinun na osik no besum karinva ijeg ni bu aferdiaga bu nona agan besum rek. A bu aferdia agan besum rekma e moikigia karinva iji bu ma vierafero naiji na ma ar kiema na moikigia ruainvaro bu ijeg vierafek.

Romens 12:10

Regavo jaiji jan Godna agan besum ren ijefuon nika mukorigia jon oijmanamif. Regavo madu nika kaifjon mukorigia agordiakfuon iji abe bomana vierafe of.

Romens 13:10

Regavo ja e roin ijeg mukoi oijmiakva jab ise kafo buon rekfuon. Ijefuon eraneb ja ijegreoijo iji ja Godon akai fok jan mukoi igiav.

Romens 13:8

Ijefuon e kafo bu mon ga ire kafo kege ja vajiakva ni migegare una ef kege vajiaf. Regavo ire be iji ja tavan uruvana rekfuon iji nika e fok oijmiaf. Ijefuon maiji eraneb bu e fok mukorigia tavan uruvana oijmiakva bu Godon akaij iji bu igiavo iji fuka ijekma riarek.

Garesiens 5:22

Regavo Godon Kaven iji fu oinuvuon ijia fikma no fu vierafenma ijia jame keok. Ijefuon ire iji bu nuvuon no karine vako ijia rega e kafo bu giakfuon iji unam e roin oijmiavo ijigam oimarknum kariokfuon ijefuon maiji God fu no samuagduom. Regavo afurvejo ijigam unam kabuaikabuaikin karijo ijigam oi mafaime kaifnuvuon ijiena karijo ijigam e suaivki ga unam ma ijesugin e kafo marediavo ga ire ma iji nuibakin tavan bog giriesame kuniaime reoijo ga koiknuvuon samuanamik. Regavo ire iji bu Kaven Akai ijefuon ire ma ijefuon fu erar akai be abedeme ire iji bijukuriakma bakin.

Garesiens 5:6

Regavo e iji no Kuraisna besum renva iji ja e vajai jon ijia kania ufume anf nain revo jaba anf nakva iji jab bomana vierafek revo ja e ni kafokaforo jab ijeg vierafejo. Regavo ire besum iji ka ma bomana iji jon ja Kurais ma vierafejo ijar ja ifejdiaga ja e oijmiaknum ma rediakfuon.

Garesiens 6:10

Ijefuon tavan ma kafo ruakma ni e fok eraneb bu oifian abejo iji ifejdiaknum of. Regavo e iji bu jana agan besum rene God ma vierafejo iji bu bomana vierafene bu ma rediaf.

Garesiens 6:2

Regavo madu ja e kafobuon afik iji abe dabeknum dasumdiakva iji ja Kuraison vuak oijmanamivo iji jav.

Efisiens 5:2

Regavo jon ja nakikmazak karivako ijia nika unam izeg Kurais fu no oijmuinma ijeg jak kaifjon oijmiaf. Ijefuon maiji fu no ifejduokafa vierafene areko bu fu kanain. Regavo fu guainma iji fuka isuf udi mukor ijar utuame ajie vakga God fuka isuf ijin faime oimaren.

Korosiens 1:4

Ijefuon maiji no jon izeg ja Jesu Kurais ma vierafejo ijiga jon izeg ja e God ma vierafejo iji oijmiavo no iji fain.

1 Tesaroniens 3:12

Regavo no vierafe E Bomana ijar ja ifejdiaga izeg no ja oijmiavo ijeg ja una jon oijmanamikfuon. Regavo madu no vierafe fuka tavan bog oijon ijia uruv madu vierafe vajiake ja e oijmiaknum kariok.

2 Tesaroniens 1:3

Efnun iji fuka mardo noka joifuon tavan bog Godon oimarek. Ijefuon maiji jon izeg ja Kurais ma vierafejo iji fuka gigikin ren. Regavo madu izeg e besubesum ja una kaifjon roin oijmiavo iji madu fuka ma bomana ren.

Ibru 13:1

Uviaifnun nika giriesame kaifjon iji God ma vierafejo ijiena jon oijmanamif.

Jeims 2:8

Regavo ja vuak akai bomana iji bu buk akaij ijia isoime kuai, Vajai jon ja oijmiavo ijeg una e kafo iji oijmiafno kuainva iji ja mukoi game reokva iji ja fuka maradiak.

1 Fita 1:22

Godon vuak iji tavan bog ijia navako ijar unam iviamkor ma iji abe miain. Regavo ja Godon vuak ma iji ja ma igain ijefuon oijon iji fun mukorigia amardo iviakma jan kaifjon bu God ma vierafejo iji oijmiav. Ijefuon iviakma ni oijon ga daro jon ijekma jon oijmanamif.

1 Jon 3:11

Vuak iji ik anej ijia ja fainva iji igin noka kaifnuvuon na oijmanamik.

1 Jon 3:23

Regavo vuak iji God fu no kuinma iji ijeg. Fu kuo nika Farinun iji ma vierafe vo izeg Jesu fu kuardiainma ijeg kaifjon mukoi oijmiafno kuin.

1 Jon 4:21

Regavo Jesu Kurais fu no kuo, Erar fu God oijmakma ni kaifijaf mukoi oijmiamne kuin.

2 Jon 1:5

Ijefuon bara maigure na a kuav. Noka nakikmazak uri kaifnuvuon oijmiak. Regavo vuak igi na isoim nijavo iji fu iviamkor bakin revo vuak iji non usuibe faime ruain.