Jon 1:45 - Namiae

⁴⁵ Regavo Firif fun madu e Natanior nisaime kua, No e iji usuibe Mosis ga e iji Godon vuak vierafene kuaivo iji bu buk akaij ijia isoime kuai fu ruakno kuainva iji non bien. Regavo e iji Jesu fu Josofon farif ga fu ai Nasaretkor.

Jon 1:45 Iomraidhean Croise

Metiu 13:55

Bu ijeg kuaiknum kuai e iji fu Josof e iji ar samon ijiga bara Meri iji non vierafenva ijiebuon farif. Regavo madu fu e Jeims ga Josof ga Saimon ga e Judas iji non giavo ijiebuon uviaij.

Metiu 21:11

Bu ijeg kuaivga e fok Jesuna vako ijieb uri kume, E igi fu Jesu e iji Godon vuak vierafene kuaimon ijin. Regavo fu ar Nasaret Gareri guf ijekorno kumen.

Mak 6:3

Regavo madu bu kuai, E iji fum e be ar samon ijin revo madu fu barak Merion farif ijin. Regavo uviaifijaf iji e Jeims ga Josof ga Judas ga e Saimon ijin. Regavo madu makifijaf bun igia karijo iji non vierafenvano kuain. Bu ijeg kuaime vierafega buka jufdiamga bu ijefuon fu uzain.

Ruk 18:37

Fu ijeg kiamga bu kua, Fu Jesu e Nasaretko ijar ruvakno kuain. Bu ijeg kuavga fu uri kume, Jesu e Devidon uifarif gafe ni afikin igi na abejo iji gieme nun oifian abene ifejdiemne kumen.

Ruk 2:4

Ijefuon e mamkanuk e daoijo iji bu usem Josof kua, Aiji a e Devidon uifarif be ijefuon ni una va Betriem ar bu sat on Devid nafenva ijia if on isoimne kuain. Ijefuon Josof fun bara Meri kaifuon iji afeme Nasaret Gareri guf iji areme una Betriem Judia guf ijia vain. Regavo bara Meri e Josof fu abekno kuainva iji fun fudien.

Ruk 24:27

Jesu fu ijeg kuardiame uri vuak irerag fok bu fuisina buk akaij ijia isoinva iji kuardiame nijaidiain. Fu amur e Mosison vuak fu isoinma ijia anerene kuardiame dab E Godon vuak vierafene kuaivo kafobuo ijia vain.

Ruk 24:44

Ijegreare fu uri e vuak fuon faivo iji kia, Ire fok nan vek iji na jana oinva ijia izeg na guame una urikfuon iji nan kuardiain. Regavo madu irerag fok e Mosison akaij ijia fu nuisina isoinma ijigam e Godon vuak vierafene kuaivo bu isoinva ijigam buk Sams ijia bu isoinva iji fun aresrenmano kiain.

Ruk 3:23

Areme Jesu fu ofrene vake juaivasia teti (30) ijeg abega fu ijia anerene ik fuon iji ren. Regavo igi Jesuon saifarif iji bu Adamon uifarif ijia anere ruainva ijin. Regavo e uruvana bu vierafe Jesu fu Josofon farif ga Josof fu e Erin farif ga Eri fu e Mataton farif ga Matat fu e Rivaion farif. Regavo Rivai fu e Merkin farif ga e Merki fu Janain farif ga Janai fu e Josofon farif ga Josof fu e Mataiason farif ga e Mataias fu e Emoson farif ga e Emos fu e Neamon farif ga Neam fu e Esrin farif ga e Esri fu e Nagain farif. Rega e Nagai fu e Maton farif ga e Mat fu e Mataiason farif ga e Mataias fu e Semeinon farif ga e Semein fu e Josekon farif ga e Josek fu e Jodan farif ga e Joda fu e Joananon farif ga e Joanan fu e Resan farif. Rega Resa fu e Zerubaberon farif ga e Zerubaber fu e Seatieron farif ga e Seatier fu e Nerin farif ga e Neri fu e Merkin farif ga e Merki fu e Adin farif ga e Adi fu e Kosamon farif ga e Kosam fu e Ermadamon farif ga e Ermadam fu e Eron farif. Regavo Er fu e Josuan farif ga e Josua fu e Eriesan farif ga e Eriesa fu e Jorimon farif ga e Jorim fu e Mataton farif ga e Matat fu e Rivain farif ga e Rivai fu e Simionon farif ga e Simion fu e Judan farif ga e Juda fu e Josofon farif ga e Josof fu e Jonamon farif. Regavo e Jonam fu e Eriakimon farif ga e Eriakim fu e Merian farif ga e Meria fu e Menan farif ga e Mena fu e Matatan farif ga e Matata fu e Netanon farif ga e Netan fu e Devidon farif. Regavo e Devid fu e Jesin farif ga e Jesi fu e Obedon farif ga e Obed fu e Boazon farif ga e Boaz fu e Sarmonon farif ga e Sarmon fu e Nasonon farif ga e Nason fu e Aminadabon farif ga e Aminadab fu e Adminon farif ga fu e Anin farif ga e Ani fu e Esronon farif. Rega e Esron fu e Ferezon farif ga e Ferez fu e Judan farif ga e Juda fu e Jekafon farif ga e Jekaf fu e Aisekon farif ga e Aisek fu e Eburamon farif ga e Eburam fu e Teran farif ga e Tera fu e Neoron farif ga e Neor fu e Serugon farif ga e Serug fu e Reun farif ga e Reu fu e Feregon farif ga e Fereg fu e Eban farif. Regavo e Eba fu e Seran farif ga e Sera fu e Keinanon farif ga e Keinan fu e Afaksadon farif ga Afaksad fu e Semon farif ga e Sem fu e Noan farif ga e Noa fu e Remekon farif ga e Remek fu e Metusaran farif. Rega e Metusara fu e Enokon farif ga e Enok fu e Jaredon farif ga e Jared fu e Marareron farif ga e Mararer fu e Keinanon farif ga e Keinan fu e Inoson farif. Regavo e Inos fu e Seton farif ga e Set fu e Adamon farif ga e Adam fu Godon farif ijin. Ijefuon e agan bu ijeg uinvene ruain.

Ruk 4:22

E uruvana bun isuar igia karine vuak fuon ma iji fu ir fuon ijia fu kuaimon iji faiva buka oiserdiain. Ijefuon e iji bu uri kuai, E guri fu Josofon farif gavo fu izeg vuak ijekin iji kuaimno kuain.

Jon 1:44

Regavo Firif fu ai Betsaidano kuavo ijia ruain. Regavo Saimon ko Edru bu madu bu ar ijekor.

Jon 12:21

Ijefuon bu usem e Firif ai Besaida Gareri guf ijia ruainma ijin bieme kua, No Jesu gakuai vierafenvano kuain.

Jon 14:8

Jesu fu ijeg kuaimga e Firif fu uri Jesu kua, E Bomana no Asoion iji gakuai vierafenvano ni nijaiduoga no ga fu oimaduomno kuain.

Jon 18:5

Fu ijeg kiamga bu una roin kua, No e Jesu ai Nasaretko iji nisaim rokno kuain. Bu ijeg kuardavga fu kia, E iji ja nisaim roko iji na igijano kiain. Regavo Judas e iji fu Jesu abe una e ani iji miainma iji fu e ijiena ruainma fu ijia manin.

Jon 18:7

Areme Jesu fu madu kia, E garie ja era nisaim rokno kiain? Fu ijeg kiamga bu kua, No Jesu e Nasaretko iji nisaimoijno kuain.

Jon 19:19

Regavo Fairet fun vuak be isoime abe Jesuon kuros buin ijia kanain. Regavo vuak iji bu ijeg isoi, E igi Jesu ai Nasaretko fu e Jiusbuon Kin ijino kuain.

Jon 21:2

Fu Saimon e Fitano kuavo ijigam Tomas e iji bu kua Didimasno kuavo ijigam e Natanior ai Keinan Gareri guf ijekor ijigam e Zebedion afijaf nokarok (2) ijiga madu e vuak fuon faivo nokarok (2) ijiena bu besum ijia afuim karin.

Jon 6:42

Bu kuai, E iji fu Jesu e Josofon farif iji non vierafenva ijin. No eofijaf iji non giavo gavo fu irerafuon kuai naiji na kaf gufia ari ruainvano kuaim?

Jon 6:5

Rene Jesu fu una dakaroim gia buka e uruvana javga fu una Firif kua, Buka e uruvana rok revo a vierafe duok iji no izia kimene vajiaga bu ikno kuain.

Jon 6:7

Fu ijeg kuardamga Firif fu una roin kua, E guri buka e uruvana ijefuon a mon ka ma uruvana kege bred uruvana kimene vajiaga bu ikva iji madu na vierafe fuka ba aresremano kuain.

Eks 2:22

Ijefuon e Isrerko gurie vuak igi faif. God fu Jesu e Nasaretko kuamga fu ire sumakin ga anf kafokafo ja amur ba giainva iji samakaf rena jan giain.

Eks 22:8

Fu ijeg kumega na uri roin kua, E Bomana a e gufi erarno kumen? Na ijeg kumejga fu una roin kume, Na Jesu ar Nasaretko iji nar revo aka na dab ire ise kafo rejknum vajai fian vajiemno kumen.

Eks 26:9

Ur nak na Jesu e Nasaretko ijefuon if iji dab ire ise kafo rekafie vierafen.

Eks 3:6

Regavo Fita fu uri e iji kua, Naka mon bakin ga ire iji na abe a makfuon iji na Jesu Kurais e Nasaretko ijefuon if ijia kua, Ni koikon uri vakne kuav.