Jon 1:10 - Namiae

¹⁰ Areme Jesu fun ema igegrene moikigia oin. God fu Jesuon azan ijia moikigi amaren. Regavo e fok buba fu mukoi game ma vierafen.

Jon 1:10 Iomraidhean Croise

Metiu 11:27

Jesu fu ijeg sirimamene una e iji kia, Ire fok na vierafeknum kegoijo iji fun Asoinun ijar kuardienma na ijia vierafeknum reoij. Regavo fu erar na amarigia gieme vierafekma bakin revo fun Asoinun ijar fuonkua na fun vierafen. Regavo madu fu erar Asoinun iji game vierafenma bakin revo nan farifuon igi nar nunkua fu nan game vierafen. Regavo nar koiknun na era vierafekva na iji amarigia ifejdaga fu Asoinun iji mukor game vierafekno kiain.

Jon 1:11

Fu moik fuon ijia rokga efuon iji bu fuba oimarknum afen.

Jon 1:18

Regavo God fu erar gainma bakin. Fun Farifuon iji fuk God renma ga fu tavan bog fusik fino ijar Godon vuak iji abe e fok kuardiain.

Jon 1:3

God fu Jesuon if ijia ga daro fuon ijia ire fok amardiain.

Jon 1:5

Jesu fu sanainma iji abe moikigi nakinma ijia rokga e moikigia ise reoijo iji buba abe unain.

Jon 17:25

Asoinun ma ijesugin kegoino e iji moikigia karioijo iji bu a buba mukoi vierafen gavo na a nan mukoi vierafen. Regavo madu e vuak nun faivo iji buk bu ma vierafega ar na kiema na moikigia ruain.

Jon 5:17

Bu ijeg kuaivga Jesu fu giame uri kia, Asoinun iji fu tavan bog ikreno ijefuon nak na ikrejno kiain.

1 Korintiens 1:21

Ijefuon God fu fuon vierafenma ijia fu e iji bu buon bu mukoi vierafejo ijia God gakuai giriesavo ijiebuon vierafe iji fuka mukorigia bijukuriain. Fu ijegrediagavo una e iji bu vuak fuon ma iji ma vierafejo iji fu karauniam. Regavo vuak iji e bu abe ma vierafejo iji e moik igekor bu vierafero fu isero bu ijeg vierafej.

1 Korintiens 2:8

Regavo e mamkanuk moikigia karinva iji besum be fu erar Godon vierafe mukor fu sauinma iji gainma bakin. Ijefuon maiji bu God irerag fu reno iji bu gavobatie bu E Bomana iji fu Godon ire fok samuagdiamo iji buba abe kuros kanak.

Korosiens 1:16

Regavo duadok fuon ijia God fu ire fok moikigia no giavo ga roin no giavo bakin ijiga ire fok varur gufia naoivo iji amardiain. Regavo duadok fuon ijia God fuk kaven ma iji amardiain revo kaven ijieb buka ma darokido bu ire fok samuagdiav. Regavo God ire fok fu amardiainma iji fu Jesuon duadok ijia fu oimarkfuon iji amardiain.

Ibru 11:3

No ma vierafejo ijia no vierafega ire fok moikigia ga varur gufia naoivo iji fu God vuak fuon ijar abe amardiain. Regavo ire fok iji fu amardiainma iji fu ire iji noba giavo ijia kege amardiain.

1 Jon 3:1

Regavo ni Asoinuvuon iji fu izeg no oijmuinma iji gaf! Fu no oijmuinma iji fuka ma bomana ijefuon noiji fu kuo, Jaiji ja afnuno kuin. Regavo iji fuka ma noiji noka ma Godon afijaf. Regavo e iji moikigia ise reoijo iji bu God buba mukoi vierafenva ijefuon noiji no afijaf ijeg buba mukoi vierafen.