Ibru 7:14 - Namiae

¹⁴ No iji vierafen ijefuon maiji no vierafe Jesu fu e Judiakbuo uifarif. Regavo Mosis fuba kuai e Judiakbuo uifarif ijia be fu e bomana Godon isuf baroidiamo rekno kuin.

Ibru 7:14 Iomraidhean Croise

Metiu 2:6

Ai Judia guf ijia mai mamkanuk roin iji bu karinva ijiebuon kafar ijia mai Betriem aiji aka mai ma ukakbe bakin. Ijefuon maiji rad ar am farif be mai ijia nafek. A am iji nafega fur rad e bomana rene e Isrerko nun fok samuagdiakno kuain.

Ruk 1:43

A E Bomana ijefuon asie iji ar na giekafa ruain. Regavo irerafuon ire ka ma sumakin igi fu nun ren?

Jon 20:13

Bu ijia karijga Meri fu amainko giamga bu uri kua, Bara gafe a irerafuon ijia manine niraimno kuain. Bu ijeg kuavga fu kia, Na e Bomana nun ijefuon surif fuon igi bu dab izia abedenva naka ba vierafenva ijefuon na iji niraivno kiain.

Jon 20:28

Fu ijeg kuamga Tomas fu uri kua, Na vierafega aiji aka ma E Bomana nun ga madu aka ma God nuno kuain.

Romens 1:3

Regavo vuak ma iji fu kuarduinma iji fu Farifuon ijefuon kuarduin. Farifuon Jesu Kurais fu E Bomana nuvuon ga fuiji fu ma ema ijieb moikigia nafen. Fuiji fu ma ema ga fu Kin Devidon agan ijia uinre ruain. Regavo fu guamga Godri kuamga fu una urin. Ijefuon fu una urinma ijia fu e fok no anf nijuin. No ijia game vierafero fu iji fu ma Godon Farif ga fu e darokin ga fu sanainma iji abe oinonro no ijeg vierafekro fu iji Godri kuamga fu una urin.

Romens 2:3

Regavo efnun ja e kafobuon ise bu rejo iji giame kiav revo jak ja ise besum iji reoijo ijefuon ni giame aref. Regavo a magaga e kafobuon ise iji giame kiakma iji God fu una ruakma a izeg ko sauikma bakin.

Efisiens 1:3

No God E Bomana nuvuon Jesu Kuraison Asoij iji aroik. No Jesu Kuraisna agan besum renva ijefuon God fu fuon ma iji fu varur gufia nainma iji fum efkin vajuom. Regavo iji fu vajuomo iji fu kaven nuvuon daro miam.

Firifiens 3:8

Ijefuon iviakma unam kafo ga ire fok na ur kegoinva iji naka rubdien. Na rubdiegavo naka oi besum izeg na Kurais E Bomana nun game ma vierafekfuon ijar fuka ma bomanak. Ijefuon na fuifuon ire fok na ur rejknum vierafenva iji na ire mutur igeg nuigafiagavo na una Kuraison unam ka ma ijesugin reoij.

Ibru 7:13

Fuiji fu e befuon agan revo aganfuon ijia e be fuba e bomana rene ar isuf baroijo ijia ik ren.

Ibru 7:15

Regavo iviakma e iviamkor be madu e Mekisidek aikin fu isuf baroino iji fun ruain.

Revareson 22:16

Na Jesu nar anera nun iji kiavga bu vuak iji sos ijia ja kuardiakuai vuain. Naiji na e Devidon uifarif ga na aganfuon ijia uinve ruain. Regavo naiji na ire mujur iji mukorigia sanamo iji fu tavan irasmo ijia ajiemo ijin.

Revareson 5:5

Regavo e uguaikin be fu kie, Ab niraikno kien. Ni ga e darokin be Judian agan ijia ga Devidon uifarif ijar ise ijefuon daro iji fun mukorigia asin. Ijefuon fun aresredo fur kajek tamug seven (7) iji ufuseme buk iji abe irame dak.