Ibru 6:17 - Namiae

¹⁷ Ijefuon God fu vierafe fu vuak iji fu kia bu abekno kiainma iji fuka abe samafrediak revo fuba vuak iji fu kuainma iji abe tuasek. Ijefuon God fu if fuon ijia kuranamime kuain.

Ibru 6:17 Iomraidhean Croise

Jon 10:10

Regavo e niekin iji fum niesaknum vo maf-sif iji kam arafiriaknum kaniakafa fu iji rok. Regavo naiji na ruainva iji na ma karivako iji abe miaga ja abenkin jam tavan bog ijia oimarknum ma karivakro na iji ruain.

Romens 11:29

Regavo God fu oi dakaroime una kafokafo vierafeno bakin. Regavo fu vierafe fu ire ma kafo kege e kafo vajiakreno iji fum kege vajiam. Regavo madu fu vierafe fu e roin kega bu e fuon rekva iji fum kege uniam.

Romens 8:17

Noiji no Godon afijaf ijefuon tavan rad God fu ire ma iji fu kege afijaf namdiainma iji kafo fu kege no vajuok. Regavo amur no uri Jesu Kurais fu vajai fian abenma no ijeg vajai fian abekva God fu ire ma iji fu kege Jesu Kurais namdainma iji kafo fu kege no vajuok. Regavo madu no fuon sanainma fateroin abekfuon.

Garesiens 3:29

Regavo ja Kuraison e renva iji jan Eburamon e uifarif ijefuon ja ire ma iji God fu Eburam vajakafa kuainma iji jar karkfuon.

Efisiens 1:11

Ijefuon God fun vierafe fuon ijesugin javknum ire fok amardiam. Regavo madu fun fuon vierafenma ijia fu usuibe no kege unuin. Fu vierafe fu no kege unuinkin no Jesu Kuraisna agan besum rene una Godon e rekafa fu ijeg vierafen. Regavo fu ik amur ijia fu no kege unuinma iji fu anej ma ijefuon kege unuin.

Ibru 11:7

Regavo madu fun ma vierafejo ijar Noa ifejdamga fu ire ise iji fu ni fuon ijia giamo bakin iji bu rekfuon iji God fu ju kuardainma iji ma vierafen. Fu God jume vuak fuon iji igame sisim amarenma ijia fu aganfuon ijiena buon karaunianamin. Noaon ma vierafeno ijar fu keunain revo e iji buba vuak fuon fainva iji God fu kam arafirian. Rene God fu Noa kua, Aiji anka maturainmano kuain.

Ibru 11:9

Fu ma vierafenma ijefuon fu e aibeko rene e kafobuon moik iji God fu kuainma ijia ar ukakna same ijia fioin. Ijegvo madu farif fuon Aisek ko saifuon Jekaf buk bu vuak ni besum iji God fu kuainma iji faime ijeg karioin.

Ibru 6:12

Regavo ja zazaime uzakva no vierafe fuba maren ijefuon jaba arek. Regavo jaka e iji bu adumaduigin vierafejo ijeg buonak rekfuon.

Ibru 6:16

Regavo e roin bu oine vuak kuaivo bu if be ka if buon iji ma asidiainma ijia kurame kuaik. Regavo madu e musikuaivo bu Godon if ijia kuavori bu musikuaivo iji bu ijia arev.

Ibru 6:18

Ijefuon fu ire nokarok (2) iji fu kuainma iji fuba una kufuimek. Ijefuon e iji no God ma vierafejo iji ire nokarok (2) if fuon fu kuranaminma ijiga vuak darokin fuon iji bu no soisoiga no Kurais ma vierafene unam ma karivako fu kuinma iji noka ma vierafekfuon.

Jeims 1:17

Regavo irerag fok God fu vajuomo iji fuka ma ijesugin. Regavo ire ma iji fok fuka e iji varur gufi sanainma iji amarenma ijar kege no vajuom. Fu tavan bog ijegreno revo fu no nuigafuome vako no nakinma ijia karioijo bakin.

Jeims 2:5

Efnun vuak igi e sinuom bakin ijiebuono mukorigia faif. E uruvana sinuom bakin iji Godri aferdiain. Fu aferdia bu fu mukorigia ma vierafevo aganfuon rene unam ma karivako iji fu e iji bu fu oijmavo iji miakafa kiainma iji abek.

1 Fita 1:3

No God ga e Bomana Jesu Kuraison Asoij iji fuon bomana oimarek. Revo fuon fu no oijmuoknum ifejduomo iji fuka bomana ijefuon fu unam iviamkor no ma karivako iji abe muin. God fu Jesu guamga fu keunama fu una urin ijefuon no unam fuon iviamkor ijia jak.

1 Fita 3:7

Regavo madu baru iji ja barafjon izeg samuagdiakfuon iji jan vierafen. Ijefuon ja barafjon ijiena karikva ni mukorigia buna vuak soisoigin kuaim oimarknum karif. Ijefuon maiji bu bara zazaikin revo baru iji jai bakin. Regavo be iji bu izeg ja Godon ma karivako iji ja abenva ijeg buk bu Godon ma karivako iji abek. Ja barafjon iji ijeg oijmiakva sirim jon iji ja Godon amejo iji fuba faime arek.