Ibru 6:12 - Namiae

¹² Regavo ja zazaime uzakva no vierafe fuba maren ijefuon jaba arek. Regavo jaka e iji bu adumaduigin vierafejo ijeg buonak rekfuon.

Ibru 6:12 Iomraidhean Croise

Metiu 22:32

Regavo vuak iji bu isoinva iji God fu ijeg kuai, Naiji na e Eburam ga e Aisek ga e Jekafbuon Godno kuain. Ijefuon maiji fu e iji nivek karijo ijiebuon God. Regavo fu e iji buka mukor aoivo ijiebuon God bano kiain.

Metiu 25:26

Fu ijeg kuardamga e bomana fuon fu kua, Aiji aka nuifuon ik mukorigia reoino bakin revo aka e nuon gikin. Regavo igia fai. Irerag na imut nun ijia ba oijo iji na kiaga bu kege vajievo iji an vierafen.

Ruk 16:22

Fu ijegrevake tavan be e sinuom bakin iji fu guamga anera ijieb dabme ajie Godon ar ma iji Eburam fu fino ijia unain. Fu ijia fikoga e sinuom zarainma iji fuk rad guamga bu abe mako ruin.

Ruk 8:15

Regavo uij iji moik ma ijia arime mukoi tavuame sunin kiravo iji e iji bu Godon vuak iji amarigia faime oijmame abe oijbuon ijia abedevo ijin. Bu abe oijbuon ijia abedeme uri giriesame nuibakin rene kaifijaf roin nijaidiaga buk rad Jesu ma vierafejo ijin.

Romens 12:11

Regavo jab zazaik nika giriesame E Bomana ijefuon ik iji reof. Regavo madu nika oijon ga kaven jon ijekma E Bomana ijefuon ik iji reof.

Romens 2:7

E kafo buka tavan uruvana mimatame unam ma ijia reoij. Bu tavan uruvana kaifijaf ga e kafokafo ifejdiaga God fu bu arordiaknum nidosiakro bu iji vierafen. E iji ijeg kegoijo iji God fu buon oimarmo ijefuon fu bu kege uniaga tavan rad bu ma karivak.

Romens 4:12

Regavo e Eburam fu e Jius iji bu surif buon kania ufume Godon anf nainva ijiebuon asoij. Regavo e Jius iji buba vierafero buiji bu Godon anf iji nainva ijefuon bu e Eburamon uifarifro bu ijeg buba vierafek. Buiji bu Eburamon uifarif ijefuon maiji e Eburam fu Godon anf iji fuba abenma ijia fu izeg God ma vierafeknum fioinma iji e Jius iji buk bun ijeg reoij. Ijefuon bu e Eburamon uifarif.

1 Tesaroniens 1:3

No God Asoinuvuon iji no sirimamejo noka ja vierafej. Ijefuon maiji ja Jesu Kurais ma vierafejo ijefuon jaka ik jon mukorigia rej revo madu izeg ja jon oijmanamivo ijefuon jaka vajai fian abeknum ifenamiv. Regavo madu izeg E Bomana Jesu Kurais fu una ruakfuon ja vierafejo iji jaka arevo bakin revo jaka giriesame ma vierafeknum kegoij.

2 Tesaroniens 1:4

Jan ijegrejo ijefuon no Godon ar kafo bu afuivo ijia arume aroikaraknum if jon kege ajiev. No unam izeg ja ise kafokafo biediako bu ja kam vajai fian vajiaga ja vajai fian abejo iji jaka vek giriesame ma vierafejo ijefuon no joisina kuaiv.

Ibru 1:14

Ijefuon maiji anera iji bu kaven iji Godon ikrejo iji fu uniaga bu tavan bog ari moikigia e iji God fu karauniamo iji ifejdiak.

Ibru 10:36

Jaka oi mafaime nakikmazak God ma vierafef. Ja izeg God irerag fu vierafenma iji rekva ja ire iji God fu kuainma iji kekfuon.

Ibru 11:33

Bu ma vierafenva ijefuon bu moik roin ijia e roin kania kuriame moik buon aben. Bu unam ma iji renva ijefuon bu ire iji God fu kuainma iji ken. Bu ire raion ijiebuon ir bijukuriaknum mian faruikin naino iji mafaiknum e kafob bijia kaniakfuon ijia bu subime usem vain. Bu e ma zazaikin revo rad buka e darokin rene e ai kafoko ijiebuon e bijaivo iji kaniava bu aoin.

Ibru 12:1

E fok na kuardiainva iji bu ma vierafenva na ijin kuardiain. Revo iviakma e iji bun karine no nikajuov. Ijefuon ruaf no ire fok bu unam nuvuon ijia rarenva ijin kege koref. Regavo ire ise nuvuon bu no kunuome gigikin rene karinva iji kege kozme uri giriesame Jesuon unam ijia kukubijaf.

Ibru 13:7

Regavo uviaifnun ni e mamkanuk jon iji bu Godon vuak iji abe ja kuardiainva iji izeg bu karioinva ijiga izeg bu Kurais ma vierafene mimatainva ijin vierafene uri bu kenva ijeg ka ma vierafef.

Ibru 5:11

Jesu ko Mekisidekbuon vuak iji no kuardiavo iji fuka ma bomana. Regavo na nijaidiakva fuka ma gigikin ja vierafekva bakin ijefuon maiji vuak ja faivo iji jaka saroime vierafej.

Jeims 1:3

Ijefuon maiji ire ise iji bu jon ruak revo jon ja ma vierafejo ijar ifejdiakma ja giriesame ok.

2 Fita 1:10

Ijefuon efnun nika giriesame Godon unam ma iji na kuainva iji vierafene mimatame reoga e bu iji giame vierafero jaiji ja e kafo Godri kumene ja karauniamga ja efuon renro bu ijeg vierafek. Regavo ja tavan bog ijegrejknum okva ja zazaime una ise kafo rekva bakin. Regavo rad ja aoikva E Bomana Jesu Kurais e iji fu e fok karauniamo ijar ja oimarknum anadiame aferdia ar fuon maiji fu samuamo iji tavan bog ijia karivako ijia uniak.

1 Jon 2:25

Regavo Jesu Kurais fu koikfuon vuak ma iji abe no muokno kuin. Ire iji fu abe no muokno kuinma iji fu unam ma karivako iji abe muok.

Revareson 13:10

Regavo God fu vierafe ja Jesu Kuraison if ijia dibur karikva iji fu arega ja dibur karik. Regavo madu God fu vierafe bu kaki uikin iji kege ja bijiaga ja aoikva iji fu arega bu ijeg rek. Revo ire ijekin iji bu rad jon rek gavo Godon e iji jaka adumaduigin jon ja ma vierafejo ijia giriesaf.