Ibru 5:12 - Namiae

¹² Ja usuibe God ma vierafene ruain ijefuon iviakma ja e kafo nijaidiakfuon revo jaka ba aresren. Jaka vek am ukakna iji bu mut ga do vierafejo ijeg ja vek zazaido e kafo bu una vuak amur iji ja nijaidiakfuon.

Ibru 5:12 Iomraidhean Croise

Metiu 17:17

Fu ijeg kuardamga Jesu fu uri kia, E guri ka nonamimoknum God ba ma vierafejo gurie igia faif. Ja vierafega na juaivasia izeg jana fioke ja ijia una God ma vierafek? Am iji afeme igia roga na gavno kiain.

Mak 9:19

Fu ijeg kumega Jesu fu una roin kua, E guri nivek karinva gurie jon ma vierafejo iji fuka ma ukaknak. Na tavan izeg jana fiknum vuak nijaidiaga ja ijia mukorigia ma vierafek? Am iji afeme roga na gavno kiamga bu afeme Jesu fino ijia ruain. Bu afem rokga kaven ise iji fu Jesu game keko vakafa uri am iji kana dab akozemga fu moik ijia dijeme jiekeknum itatan arin.

Eks 7:38

Mosis fu saifnuvuon e Isrerko ijiena ai moikum namo ijia besum buna oinma ijin. Regavo madu uruor Sainai ijia anera ijar Godon vuak ma iji abe fu mavga fu abe no karaunuokafa ruainma ijin.

Romens 3:2

Ijefuon ma be iji Godon akaij iji e Mosisri abe e Jius iji miain.

1 Korintiens 14:19

Regavo na ar iji bu sirimamejo guf ijia Jesu Kuraison e fok bu afuinva ijia naba ijeg isama kafokafo ijia kuardiak. Regavo nam uri vuak e bu faime vierafekfuon ijesugin kuardiak. Ijefuon na isama e bu faivo ijia Godon vuak ma iji sibank kuardiakva iji fu marek. Regavo na uri isama e buba faivo ijia vuak uruvana kuardiakva iji fuka ba maren.

1 Korintiens 14:20

Efnun jab uri am ukakna igeg vierafek. Regavo ni am ukakna iji buba ise kafo rekuai vierafejo ijeg jak ise kafo jab rekuai vierafek. Regavo jon izeg ja Kurais ma vierafejo ijia nika e damuigin igeg vierafeof.

Garesiens 4:3

Unam besum ijeg Kurais fuba ruainma ijia noiji no ijeg ren. No vierafero bu akai ga kaven ise ga unam usuikor moik igefuon iji no kunuom kiruinma ijieb no karaunuokro no iji jajiame ikreoin.

Firifiens 3:1

Ijefuon efnun ni E Bomana iji oimardaf. Regavo igia faif na vuak iji na amur isoim nijiainva iji madu kuardiakva fube afikin abe miak. Regavo vuak ijar ja samuagdiaga ja e iji bu ise rejknum ja biesiakfuon iji giame kekirakfuon.

Korosiens 3:16

Regavo nika mukorigia tavan bog jon ja nijainamivo ijia Kuraison vuak iji oijon ijia vierafef. Regavo unam be iji ja oijon ijia God vierafekfuon iji ja dua oimarevo iji urukfuon. Regavo be iji dua iji Kaven Akai ijar nijaidiaga ja roinva ijia God rokafaknum oimardaf.

Ibru 10:32

Regavo nin amur izeg ja karioinva iji vierafef. Amur iji ja Kuraison vuak fainva iji jaka ire uruvana kafokafo ijia vajai fian aben revo jaka ba zazain.

Ibru 5:11

Jesu ko Mekisidekbuon vuak iji no kuardiavo iji fuka ma bomana. Regavo na nijaidiakva fuka ma gigikin ja vierafekva bakin ijefuon maiji vuak ja faivo iji jaka saroime vierafej.

Ibru 5:13

E kafo eraneb bu vek vuak soigin faikuai vierafejo iji buiji buka vek am ukakna iji bu mut ijo ijekin. Ijefuon bu ire izi fu ma ga izi fu ise iji buba mukoi vierafen.

Ibru 6:1

Ijefuon noba vuak iji no amur faime God ma vierafenva iji tavan bog abe karine kuaik. Regavo noka uri vuak igi kaven nuvuon ifejdaga fu daro abekfuon iji vierafek. Regavo jab uri ire ise iji bu ja kam arafiriako ja tavan bog God kuardako fu ise jon giame aremon ijia vak. Regavo madu jab uri God ma vierafejo ijefuon anej ma ijin dab tavan bog kuaimok.

1 Fita 2:2

Regavo jan izeg E Bomana fu ja mardiainma iji jan game aben. Ijefuon izeg am ukakna bu mut buon muinbakin iji ikuai vierafejo ijeg vo ja e God ma vierafejo iji jak kaven jon iji bu Godon vuak ma iji mut igeg ikuai vierafekfuon. Ja mut ijekin iji kaven jon ijiebuon iji ikva kaven jon iji bu daro abe karikin rad ja mukorigia Godna karivak.

1 Fita 4:11

Ijefuon erar a Godon vuak iji e roin kuardiaokma ni Godon daro ijia vuak fuon ma ijesugin kuardiamne. Regavo erar a e roin ifejdiakma ni daro fuon iji fu mainma ijin abe e iji ifejdiamne. Regavo ire fok ja ijegreokva e iji bu Jesuon if ijia God nidoik. Regavo na vierafe bu tavan bog Godon oimare ga fur daro fuon ijia ire fok samuagdiame vak. Mare.