Ibru 4:3 - Namiae

³ Regavo eraneb no God ma vierafejo nor moik iji isuar afuime karikfuon ijia vakfuon. Ijefuon maiji God fun buk akaij ijia e iji buba fu ma vierafejo ijiebuon fu ijeg kuai, Naka bomana ziev ijefuon na if nun ijia kuranamime vuak gigikin kuai buba moik iji na miaga bu isuar karikno kuainva ijia vak. Regavo ik anej ijia God fu moik igeko varur ijek amardiame barme fun isuar fine bu samuagdiam.

Ibru 4:3 Iomraidhean Croise

Metiu 13:35

Ijefuon vuak izeg e Aisaia e Godon vuak vierafene kuaimon fu usuibe kuainma iji fun ijekma aresren. Regavo vuak fu kuainma iji bu ijeg isoi, Na e iji vuak kuardiakva naba vuak ijiebuon maiji samakaf kuardiagavo vuak fok naka ke bijiame kuardiak. Na vuak ma iji fok sauivkin iji God fu ik ire fok igi ba amardiainma ijia bu sauime naoivo iji naka kuardiame nijaidiaga e bu faikno kuain.

Metiu 25:34

Areme rad E Bomana nar uri e maturainva iji ij maink nun ijia karinva iji kiak, Jaiji fun Asoinun ijar daro miain. Ijefuon ni ro ar ma iji sanainma God fu ik anej fu moik ga varur igi ba amarenma ijia fu joifuon amardiainma iji abe karifno kiak.

Efisiens 1:4

Regavo God fu moikigi fu vek ba amarenma ijia fun Jesu Kuraison duadok ijia no kege unuoga no una efuon rekro vierafen. Fu vierafero no nifak fuon ijia no e akai re vo madu noba ise kafo rekro fu ijeg vierafen.

Ibru 3:11

Na bomana zienva ijefuon na if nun ijia kuranamime vuak gigikin kuardiame kia buba moik iji na miaga bu isuar karikfuon ijia vakno kuain.

Ibru 3:14

No vuak amur no fainva iji mukorigia vierafene kunaim vakva tavan rad ijia no Kuraison sanainma iji fateroin abek.

1 Fita 1:20

Fun Godri vek ik anej ijia fu ire kafo fuba amardiainma ijia fu Jesu e karauniakfuon iji abe unain. Regavo Kurais fun iviakma tavan radkma igaijar joifuon roka jan gain.