Ibru 4:14 - Namiae

¹⁴ E Bomana Jesu Kurais Godon Farif iji nuvuon isuf baroino iji fun nuvuifuon una varur gufia Godon sanainma ijia vain. Ijefuon no Jesu e iji no ma vierafejo ijefuon vuak iji giriesame kunai vakfuon.

Ibru 4:14 Iomraidhean Croise

Metiu 4:3

Fu vasiaguainma ijia Setan fu kekome kua, A ma Godon fariga ni urine mun guri naoivo iji kiaga bu una duok rega a kege ine kuain.

Mak 1:1

Vuak igefuon anej ma iji Jesu Kurais fu Godon Farif. Regavo vua fuon iji bun izeg Asaia e iji Godon vuak vierafene kuaimon fu kuainma iji bu ijeg isoi, God fu Farifuon kume, Vuak nun iji faimne kumen. Nar e vuak nun abe oinon be kuaga fu amur unam on iji amarekega a rad vak.

Mak 16:19

Jesu fu vuak ijin kuardiame rad fu uri varur ijia va Godon ij maink ijia fin. Regavo e vuak fuon faivo iji bun usem ai kafokafo ijia Jesuon vuak ma iji abe e fok kuardiaoin. Bu kuardiavga e fok buka Jesu ma vierafen ijefuon maiji bu buonkua ikreoinva bakin gavo fu E Bomana ijar ifejdiako bu ire sumakin uruvana reoin.

Ruk 24:51

Fu ijeg manine buifuo sirimameko Asoifuon God fun ijia fu abe una varur ijia ajie vain.

Eks 1:11

Bu ijia ireme uri kia, E Gareriko gurie ja irerafuon ijia irem varur gufia nisaiv? Igi iviakma Jesu fu varur gufia ajie vaka ja gainva ijeg fu una roga ja gakno kiain.

Eks 3:21

Jesu fu kaf gafia fike God fu ire fok iviamkor amarega fu ijar una ruak. Regavo vuak iji fu Godri usuibe e vuak fuon vierafene kuaivo ijiebuon ir ijia kuain. Regavo madu e Mosis fu kuainma ijeg, God fu e vuak fuon kuardiaoino be unaga fu na ruainva ijeg ruak. Regavo e iji fu ejon igia be ijefuon jaka vuak irerag fu kuardiakma iji mukoi faifno kiain.

Romens 8:34

Regavo fu erar una guome ise nuvuon no renva ijefuon kuokma bakin. Ijefuon maiji fu Jesu Kuraisri nuvuifuon Godon sirimamen. Fun Jesu Kurais e iji fu ise nuvuon ijefuon guamga God kuama fu una uri ij maink fuon ijia fino ijar ise nuvuon no renva ijefuon God soisoime kuardam.

2 Korintiens 12:2

Na vierafe juaivasia fotin (14) barenma ijia e God ma vierafeno be fu varur kaf ijia ajie vain. (Revo iji fu vainma iji kafu nimamaime vain ga fu ema ijar koikfuon ajie vainma iji naba vierafen. Regavo unam iji fu Godri fuonkua game vierafen). Regavo na ma vierafe varur gufia Godon ar ma iji bu kua Faradaisno kuavo ijia fu vainma ijia fu ire kafo giaknum fain. Regavo ire iji fu fainma ijiga giainma iji fu izeg dab kuardiame nijaidiakma bakin. Revo madu fun Godri bijuido fuba e kuardiak.

2 Korintiens 9:13

E uruvana bu ja rejo iji giame Godon oimarek. Ijefuon maiji ja Jesu Kuraison vuak ijesugin nijaidiavo bakin gavo jaka vuak ijin jame e uruvana ifejdiame sinuom jon iji buna vajuinamiv.

Efisiens 4:10

Ijefuonvo e besum iji ari ruainma ijar una madu ajieme varur kaf iji asime vain. Regavo fur fine ire fok moikigia naoivo iji abevo varur gufia naoivo iji samuagdiam.

Ibru 1:8

Regavo madu God fu Farifuon ijefuon iji fu buk akaij ijia fu ijeg kuai, Ar tavan bog God rene ijia fine maturaime arir e fok mukorigia samuagdiame vak.

Ibru 10:12

Regavo fun Kuraison vajat iji fu abe efknum nuvuifuon isuf baroinma ijar e fok ijiebuon ise bu renva iji fun okurain. Areme fun Godon sanainma imut maink varur ijia Godk fine ire fok samuagdiam.

Ibru 10:23

Regavo noka vuak ma iji no ma vierafejo ijiga kuaivo iji mukorigia kuniaime giriesak. Ijefuon maiji no ma vierafe God vuak fu kuainma iji fu rekafa samuain.

Ibru 10:29

Unam besum ijegvo eraneb bu Jesu Godon Farif iji abe buzeivo iji God fu kam unam ise ijia arafiriak. Regavo madu eraneb bu Jesuon kavuan iji fu e ijiebuon ise iji sokafa useme unam iviamkor iji abe marenma iji ba abe ikin igeg vierafejo iji God fu kam vajai fian miak. Regavo madu fu e iji bu Godon Kaven Akaij iji fu ma rediamo ijefuon vuak ise kuaivo iji God fuka unam ma ise ijia vajai fian miakfuon.

Ibru 12:2

Regavo ni roga no Jesu e nigen nuvuon iji fu izeg no nijaiduoga no God ma vierafejo ijin abe nivariar ijia abedeme nikaja vaf. Fu kuros iji game fu areme vainma bakin revo oimarvo iji fu rad biekfuon fu iji samuainma ijefuon fu vajai fian abene jufdiakfuon iji fuba jum. Regavo iviakma fu Godon ij maink fata fuon ma ijia fin.

Ibru 2:1

Vuak Jesu fu anera asidiainma iji fuka ma ijefuon noka vuak iji no fainva iji mukorigia vierafene kunaim karikin noba oi karoime una kafokafo vierafek.

Ibru 2:17

Jesu fum ema iji karauniakafa ari ruain ijefuon fuka una ema igegrene una uviaifijaf igi no aikin ren. Fu e isuf baroijo ijiebuon e bomana igegrene rir ijia manine e fok ijiebuon oifian abe una God ma vierafene ire fuon fok mukorigia ren. Regavo iji fu ijegrenma iji fu e fok ijiebuon ise iji abekafa fu ijeg ren.

Ibru 3:1

Ijefuon uviaifnun God ma vierafejo igi Godri kege afuime kumenma igie ni Jesu e iji Godri kuama fu afasor igegrene roka no vuak fuon abe kuaimoijo revo fuk fu nuvuifuon e isuf baroinon igegreno iji vierafef.

Ibru 3:14

No vuak amur no fainva iji mukorigia vierafene kunaim vakva tavan rad ijia no Kuraison sanainma iji fateroin abek.

Ibru 6:6

Regavo buka una Kurais ma nuigafame vainva iji bu izeg una oi karoime roga God fu ise buon giame arekma bakin. Ijefuon maiji e iji buka izeg tavan iji e Jius bu Kurais Godon Farif iji abe e nifak ijia kuros kanava fu jufabekafa bu renva bu ijeg rej.

Ibru 7:3

Regavo buk akaij ijia e saifijaf ga eofijaf ijiebuon if buba isoin. Regavo madu buk ijia Mekisidek bu ivez nafen ga fu tavan fu guainma iji buba isoin. Ijefuon fu Godon Farif ijekin ijefuon maiji fu tavan uruvana e isuf baroino rene ijia fivak.

Ibru 8:1

Regavo vuak fok na kuardiainva anej iji E Bomana isuf baroino nuvuon iji fun God ka ma darokin varur ijia fino ijefuon imut maink ijia fin.

Ibru 9:24

Kurais fu ar iji ma akai ema ijieb varur gufia sainva fu ijekin ijia aru vainma bakin. Regavo fuka ar ma iji varur ijia aru vain. Ijefuon iviakma fu nuvuifuon Godk fine vuak nuvuon iji God kuardam.

1 Fita 3:22

Regavo iviakma Kurais fun kaf gufia Godon ij maink ijia ar bomana be abe fin. Fu ijia fikok Godon kaven dakin ijiga kaven mamkanuk kafo bu kaven roin samuagdiavo iji bu fu igav.