Ibru 2:17 - Namiae

¹⁷ Jesu fum ema iji karauniakafa ari ruain ijefuon fuka una ema igegrene una uviaifijaf igi no aikin ren. Fu e isuf baroijo ijiebuon e bomana igegrene rir ijia manine e fok ijiebuon oifian abe una God ma vierafene ire fuon fok mukorigia ren. Regavo iji fu ijegrenma iji fu e fok ijiebuon ise iji abekafa fu ijeg ren.

Ibru 2:17 Iomraidhean Croise

Romens 15:17

Regavo naiji na Jesu Kuraison e revo na Godon ik rene vuak fuon ma iji abe e Jius bakin iji kuardiavo ijefuon na Godon bomana oimarev.

Romens 5:10

Ur no Godna noba afuime karin revo no e ani fuon ren. Regavo iviakma fun Farifuon Jesur nuvuofuon guame unam nuvuon amaren ijefuon no una Godna afuime karij. Regavo madu iviakma Jesu Kurais fu vek fino ijefuon fur daro fuon ijia tavan bog no samuagduokfuon.

Efisiens 2:16

Regavo e Jius iji abevo e Jius bakin iji bu buon zienamiknum junamivo iji fun Jesu Kuraisri unam ijin abe iserekafa buifuon kuros ijia guain. Fu kuros iji fu guainma ijia fu bu aferdiame una Godon agan besum ren.

Korosiens 1:21

Ur ja oijon ijia isema vierafeknum ise uruvana reoijo ijefuon ja God nuigafame e ani fuon ren.

Ibru 10:21

Jesu fu ma enuvuon isuf baroino fu Godon e iji samuagdiam. Ijefuon noka oinuvuon ijia maturai vo ka ma vierafeknum God samaij ijia vak. Ijefuon maiji izeg no do ma ijia vajai nuvuon iji ruardiavo ijeg no vierafega ise nuvuon fun Jesur kavuan fuon ijia somduin. Ijefuon noka ma vierafevo juvknum Godon nifak iji vak.

Ibru 2:11

Jesur e fok ise buon iji somdiame baren. Regavo fuga e iji fu ise buon somdiama bu maturainva iji bun una agan besum ren. Ijefuon Jesu fuba jum gavo fu aroikaraknum kia, Ja diaifnuno kiain.

Ibru 2:14

Godon afijaf iji bum ema ijefuon Jesu fuk fum ijeg ema ren. Revo fu kuros ijia guame una urinma ijia fu Setan e iji fu aoinva iji fu darokma samuagdiamo iji dab arafirin.

Ibru 2:16

Regavo iji fuka ma fu anera iji ifejdiamo bakin revo fu e Eburamon uifarif iji mukorigia ifejdiamo.

Ibru 3:1

Ijefuon uviaifnun God ma vierafejo igi Godri kege afuime kumenma igie ni Jesu e iji Godri kuama fu afasor igegrene roka no vuak fuon abe kuaimoijo revo fuk fu nuvuifuon e isuf baroinon igegreno iji vierafef.

Ibru 3:2

Fu Godri fu abega fu ma vierafene Godon ik ren. Fu unam besum izeg Mosisri ma vierafene Godon e ijiebuon ikrenma ijeg ik ren.

Ibru 3:5

Mosis fum ema revo fu ma vierafene Godon ikreknum efuon mukorigia oi mafaime samuagdiaknum ire iji God fu rad Jesuon rekfuon ijin abe nijaidiain.

Ibru 4:14

E Bomana Jesu Kurais Godon Farif iji nuvuon isuf baroino iji fun nuvuifuon una varur gufia Godon sanainma ijia vain. Ijefuon no Jesu e iji no ma vierafejo ijefuon vuak iji giriesame kunai vakfuon.

Ibru 4:15

Jesu E Bomana e iji nuvuifuon isuf baroino iji fu oifian nuvuon kafokafo iji giame vierafeno iji fu igia nona oin. Ijefuon maiji Setan fu no biesuomo ijeg fu Jesu ise rekafa fu biesua gain revo Jesu fuba ise be ren.

Ibru 5:1

E iji Godon isuf baroijo iji bu Godri ema iji kega bu Godon e ijiebuon fateroin ijia Godon isuf kege rok. Regavo isuf iji bu kege roko iji bu e iji ise kafokafo renva ijiebuon fateroin ijia God isuf baroidaga fu giame arekafa bu kege rok.

Ibru 5:10

Ijefuon maiji Godri kuamga fu izeg e Mekisidek fu renma ijeg fu e bomana isuf baroino ren.

Ibru 5:2

E iji Godon isuf baroijo iji bu e iji ba mukoi vierafene rejo ijiga e iji unam ise kafokafo rejo iji kege isuar oi mafaime kiagiav. Ijefuon maiji e iji isuf baroijo buk bu e zazaikin bu samakaf Setan fu tavan kafo biesiamoni bu ise rekuai vierafej.

Ibru 5:5

Unam besum ijeg vo Kurais fuba koikfuon aroikarame e iji Godon isuf baroinon iji renma bakin revo fun Godri fu aben ijefuon fu iji ren. Regavo Kuraison vuak iji bun Godon buk ijia ijeg isoime kuai, Aiji a Farinun ga ivia nan Asoion renvano kuain. Regavo vuak ijefkin be fuba e isuf baroijo iji roin kuardiain.

Ibru 7:26

E Bomana isuf baroino Jesu fuka ma e iji no mukorigia ifejduomo ijin. Fuiji fuka ma e akai ga fu ire ise reno bakin revo ka e maturain revo fu e ise reoinva ijeg fioinma bakin. Fun varur asim ajieme ma varur kaf ijia ajie fin.

Ibru 7:28

Mosison akaij ijia bu e iji ba maturainva kega bu isuf baroijo. Regavo rad Godon vuak iji fu if fuon ijia kuranamime ma gigikin kuainma iji fu rad samafrenma ijar Farifuon maturainma ga tavan bog ijia fivako ijin aben.

Ibru 8:1

Regavo vuak fok na kuardiainva anej iji E Bomana isuf baroino nuvuon iji fun God ka ma darokin varur ijia fino ijefuon imut maink ijia fin.

Ibru 8:3

E iji isuf baroijo iji bu e iji ise reoijo ijiebuon isuf God baroijo ijefuon Kurais fuk fuka isuf kafo kege Godon isuf barok.

Ibru 9:11

Regavo fun Kuraisri iviakma E Bomana isuf baroino rene unam iviamkor no iviakma javo iji ifejduom. Regavo Kurais fu moikigia ar iji ema igieb sainva ijia fine ikreno bakin. Regavo fuka varur ijia ar iji ka ma mukor ema ijieb sainva bakin ijia fine ik ren. Regavo fum efknum e fok ijiebuon ar iji ma akaij ijia kavuan fuon abe ijia usen. Regavo fu maf ga fanuf kafobuon kavuan ijia abe Godon isuf barokafa vainma bakin. Regavo fu kavuan fuon iji abe no karaunuoga no ijia ma karivakafa fu ijefuon vain.