Ibru 13:4 - Namiae

⁴ Regavo tavan bog unam iji barubara sanamivo iji nika abe bomana vierafene agoiknum vo jab ebuon bara turak. Ijefuon maiji God fu e iji e kafokafo bara turavo ijiga barubara bu fudainamime unam ise kafokafo vierafejo iji fu kam arafiriak.

Ibru 13:4 Iomraidhean Croise

1 Korintiens 6:18

Ijefuon na iji kuardiame kia barubara fudainamivo iji fuka ma bakin ijefuon nika unam ma ijia agordiaf. Regavo igia fai ire ise kafo e iji bu reoijo iji bu vajai buon arafiriavo bakin. Regavo e iji bu barabaru fudainamime ise rejo ijar buka ma ise rej. Ijefuon maiji bu vajai buon iji buka mukorigia kam arafiriav. Revo madu unam iji bu Kuraisna besum mazinva iji bun dab mukorigia arafiriv.

1 Korintiens 6:9

Regavo kaifnun ni mukoi vierafef e ise ijekin iji buba Godon e iji fu oibuon iji samuagdiamo ijiena karikfuon. Ijefuon ja rubdiavo iji arekga jaka mukorigia vierafe of. Ijefuon maiji igia fai e iji barabaru fudainamime unam ise rejo ga god kufui iji sirimamejo ga ebuon bara turavo iji buba Godon e ijiena karik. Regavo madu efarif buon fudainamine unam ise rejo ga e niekin ga e iji e kafobuon sinuom iji karkuai uruvana vierafejo iji buk buba Godon e ijiena karik. Regavo madu e iji do kugi ine nigen iservo ga e iji bu besum oknum ebuon ire niesavo ga e iji bu e roin uruvana kuardiame kam buzeifdiavo iji buba Godon e ijiena karik. E iji bu unam ijegreoijo iji buba rad God e iji fu oi buon iji samuagdiamo ijiena karik.

1 Korintiens 7:38

Ijefuon efarif erar fu bara abenma iji fu sibank unam ma ijia ren. Regavo efarif erar fuba bara abenma iji fuka mukorigia ren.

1 Korintiens 9:5

Regavo no ar kafokafo ijia useme vako e barakin iji buka ma ijefuon bu barafijaf Jesu ma vierafejo iji aferdiame nona vuak. Revo iji no vuako iji noka bomana vierafe ja duok iknum no vajuok. No nuvuonkua ijegrejo bakigavo afasor roin abevo E Bomana ijefuon uviaifijaf ga e Fita buk madu bu ijeg reoij.

2 Korintiens 5:10

Ijefuon maiji tavan ijia e fok no Jesu Kuraison nifak ijia iregakva fu ire fok no renva iji kege mazim giakfuon. Rene Jesu fu e besubesum fuon izeg fu moikigia fioknum mukoi reoin vo fu isema kegoinma fu ijia giaknum kam vajai fian vajiaknum ga karauniak.

Garesiens 5:19

Regavo no samakaf vierafega vajai nuvuon fu vierafenma iji no unam ise fok rejknum ire fok jufduokfuon fu ijesugin rekafa vierafen. Regavo ire iji fu vierafeno iji efarif roin bu e kafobuon bara tura ga bara roin bu bara kafobuon baru ijiena naoiv. Regavo madu barubara buba sanaminva ijia bu buon fudanamivo ijigam bara roin gia riezaga a oi isema vierafeno ijin. Regavo kafo iji bu god kufui ijiebuon sirimamejo ga zuaigiaknum musikuaiknum zienamime deajir abene bijaivo ijigam zie vo ire uruvana buonkua karvo ijin. Regavo agan bu ata kafokafo kariknum oi besum vierafejo bakin ijigam e kafobuon ire iji karekuai vierafej. Regavo bu do kugi ine nigen isereknum vo duok uruvana ine jer foiknum baru bara unam ise reoijo ijigam vuak ise uruvana kuaiknum uruvana irovajame ire ise kafokafo ijekin rej. Na amur kuardiainva ijeg na una kuardiav eraneb bu ijegrejknum kariokva e iji bu iviakma Godon afijaf rekva bado bu e iji God fu oibuon ijia samuagdiakfuon ijiena mazikva bakin.

Efisiens 5:5

Regavo vuak igi na kuardiakrejo iji fuka mano ni mukorigia faif. Erar fu sinuom ga mon iji bomana oijmiaknum uruvana vierafeno iji fu e iji bu God kufui iji sirimamejo fu ijeg ren. Revo erar bu oifuon ijia ire ise muigin iji vierafeoino ga barubara fudainamime unam ise rejo e iji buba una e iji God ko Kurais bu oibuon iji samuagdiavo ijiena mazim karik.

1 Tesaroniens 4:6

Regavo erar fu unam ise iji rene e kafobuon bara turamo iji fu kaifuon ijefuon ise rejknum unam fuon ma iji fu kegoino iji abe arafirim. Regavo vuak iji non usuibe ju kuardiame kia, Eraneb bu unam ise ijekin iji rekva E Bomana fu e iji kam arafiriakno kiain.

1 Timoti 3:12

Regavo madu e iji sos ifejdiamo iji fuka bara besum abekfuon vo madu fu agbara fuon mukorigia samuagdiakfuon.

1 Timoti 3:2

Ijefuon erar fu ik iji rekafa vierafekma iji fuka unam arir maturame fikfuon vo fuka bara besum abekfuon. Regavo fuka koikfuon mukoi samuanamiga e fok bu fu agoik. Regavo madu fu e sumakin iji tavan bog oimarknum aferdiamo ga Godon vuak e iji mukorigia nijaidiamo.

1 Timoti 3:4

Regavo e be fu vierafe fu e bomana be rene sos samuakma fuka amur aganfuon gire besum karinva iji mukorigia samuagdiaknum afijaf nijaidiaga bu iganamiknum uguar faime fu mukoi agordak.

1 Timoti 4:3

Regavo e iji vuak kufuimene nijaidiavo ijieb nijaidiame kia, Bara savo ijigam duok kafokafo ijo iji fuka ba marenma jab ijeg rekno kiak. Regavo vuak iji fu ma bakin ijefuon maiji fun Godri ire fok fur amardiain. Ijefuon e iji eraneb bu God ma vierafe vo vuak fuon ma iji ma vierafejo iji bu duok iji oimarknum kege sirimamene ikfuon.

1 Timoti 5:14

Ijefuon na vierafega bara amun nivek iji buka una baru jajiame am nafene ar samuakfuon. Regavo bu ijegrekva e ani nuvuon iji God ma vierafejo bakin bu vuak ise kafo buba e iji God ma vierafejo ijiebuon kuaik.

Ibru 12:16

Regavo nika mukorigia ganamif e be fub unam ise barubara oknum vo Godon if abe arafirik. Iso fu renma ijeg jab God fu kuainma iji abe ukakbe vierafene rubdiak. E Iso fu farif amur fu asoifuon ijefuon sinuom iji fur kekfuon revo fu vasiaguamga ire ma iji fok fu rad kekfuon iji fuim una diar fuon ijefuon ire sibank iji kimen.

Revareson 22:15

Regavo mai ijefuon makaf ga aror ijia bu e iji unam ise reoijo ijigam e iji zuainavo ijieb ijia ok. Regavo madu e iji bu barubara buon fudainamime unam ise rejo ijigam e roin kaniavo ijieb ijia ok. Regavo madu e iji bu kaven kufui imut ijia amardiainva iji oijmiavo ijigam e iji bu vuak kufui kuaimoijo ijiga unam kufui iji kegoijo ijieb ijia ok. Bu e fok ire ise ijekin ijia reoijo iji buba Godon mai iviamkor ijia aruk revo bu makaf ijia ok.