Ibru 13:20 - Namiae

²⁰ Regavo na sirimamega God e iji e ifejdiaga bu afuime karioijo iji fu ja ifejdiak. Ijefuon maiji fu E Bomana Jesu Kurais Farifuon besum iji kuama fu guame una urin. Regavo fu Jesur e fok igi no maf-sif ijeg oijo iji mukorigia samuagduome kavuan fuon abe useme unam iviamkor iji no Godna besum karikfuon iji amaren.

Ibru 13:20 Iomraidhean Croise

Mak 14:24

Bu ijga Jesu fu kia, Ire iji fu kavuan nun igekin. Kavuan nun ijar usega God fu ijia unam iviamkor iji fu e fok ijiebuon ise iji giame arekro kuainma iji fu kavuan nun azan ijia e fok ijiebuon ise iji somdia korekfuon.

Ruk 22:20

Areme fun madu una uri kafus iji abe do vuain abe ijia useme abe miame kia, Vuain igi fu unam iviamkor iji God fu joifuon amardiakfuon ijefuon anf ijin. Ijefuon na guame kavuan nun iji na joifuon use ga ijia ja vierafero nar unam jon amarva ja una Godna besum renro ja ijeg vierafek.

Jon 10:11

Ijefuon maiji na e maf-sif mukoi samuagdiamo iji nar oimarknum maf-sif nun ijiebuon guak.

Jon 10:14

Regavo naiji na e maf-sif mukoi samuagdiavo. Asoinun iji na fun vierafen gavo nak na Asoinun iji nan vierafen. Unam besum ijeg maf-sif nun iji na bun vierafen gavo nak bu nan vierafen. Ijefuon na oimarknum buifuon guakafie vierafen.

Eks 13:30

Regavo Godri fu keunama fu una uri tavan uruvana fu e iji bu funa ar Gareri ijia una Jerusarem vainva iji biediamga bu fu gain. Ijefuon iviakma e iji fu gainva ijieb e Isrerko iji kia Jesu bun gainvano kiain gavo noiji nom vuak fuon ma iji abe jon ruain.

Eks 17:31

Regavo fu tavan iji fu fine e uruvana ijiebuon ise iji ke mazim giame e ma iji ke kafo uniakfuon iji fun abeden. Regavo no vierafe vuak iji God fu kuainma iji fu rekfuon. Ijefuon maiji e iji fu fine e uruvana ijiebuon ise iji ke mazim giakfuon iji fun guamga God fu keunama fu una urina non gain.

Eks 2:24

Jesu fu vajai fian abega Godri fu keunama fu una urin. Ijefuon maiji Jesu fuka izeg una zuarunam ijia manikma bakin.

Eks 2:32

Regavo God fu Jesu kuama fu una urina no e fok ni nuvuon ijia non gain.

Eks 3:15

Ja e iji fu unam ma karivako iji e fok ijiebuon amarenma iji ja areko bu kanain. Regavo Godri keunamga fu una urinma iji nor Jonk gain.

Eks 4:10

Rega e fok guri karinva ijigam e Isrerko fok jaka mukoi faif. E igi manino iji Jesu e Nasaretko iji ja kanava fu guain ga Godri kuama fu una urinma ijefuon if ijia fu main.

Eks 5:30

Saifnuvuon ijiebuon God ijar Jesu ja abe kuros kanava fu guaga fur daro mama fu una urin.

Romens 10:7

Regavo madu jab oijon ijia vierafene kuai, Erar va zuarunam kekome Jesu Kurais afem roga fur no karaunuokno kuaik.

Romens 15:33

Regavo na vierafe na Godon sirimamega fur tavan bog ja ifejdiaga ja mukorigia afuime kariok. Mare!

Romens 16:20

Ijefuon ja ijegrekva God iji fu tavan bog e ifejdiako bu afuime karioijo ijar daro miaga ja uri giriesame Setanon daro iji abe gareg akozek. Regavo madu fu ifejdiaga jab e iji bu jana karine ise kafokafo kegoijo ijiebuon vuak iji igiak.

Romens 8:11

Regavo Godon Kaven fu oijon ijia fikma na vierafe vajai surif jon bu aoikrejo iji Godri kiaga bu una urik. Ijefuon maiji God besum ijar Jesu fu guamga fu kuama fu una urin. Ijefuon fu Kaven fuon ijefuon duadok ijia ja kiaga ja una urik.

1 Korintiens 15:15

Regavo God Kurais fun ma guamga fu kuama fu una urinma ijefuon no vuak iji abe kuaimoij. Regavo e iji aoivo iji God fuba kiaga bu una urijobatie jaka una no kuo, Vuak iji ja kuaimoijo iji jaka kufuimeoijno kuok.

1 Korintiens 6:14

Regavo no aoikva God fu daro fuon ijia izeg fu E Bomana Jesu Kurais kuama fu una urinma ijeg fu kuoga no una urikfuon.

2 Korintiens 13:11

Regavo kaifnun iviakma na ja anadiav. Irerag na kuardiainva ijesugin rene unam ma ijia maturaime oi besum vierafeknum afuime kariof. Ja ijegrekva Godon oijmiamo ijiga afuimo fuon iji fu tavan bog jana navak.

2 Korintiens 4:14

Regavo no vierafega God fu E Bomana Jesu keunama fu una urinma ijeg fu madu no karaunuoga no funa una urik. Fu ijegreare fu afeduoga no jana besum nifak fuon ijia irek.

Garesiens 1:1

Na afasor For e iji Jesu Kuraison daro abene vuak fuon kuaimoijo iji nar fas igi isoime ja nijiav. Na emab kienva bakin gavo bu God Asoij ijiga Jesu Kurais e iji fu guamga Godri keunama fu una urinma ijieb kiega na vuak ma iji kuardiav.

Firifiens 4:9

Ire iji na ir nun ijia nijaidiava ja fainva ijiga ire iji na reja ja gienva iji kege mimataf. Ja ire iji kege mimatakva God fu tavan bog ja ifejdiame samuagdiaga ja afuime karik.

Korosiens 2:12

Tavan iji ja do ruainva ijia jan Jesuna aoiva God fu kege mako ruinma ijekin. Regavo tavan iji Jesu fu una mako ijia urinma ijia God fun una karauniama ja Jesuna urinva ijekin. Ire iji fu renma iji ja Godon daro iji ma vierafejo ijefuon fu iji ren.

1 Tesaroniens 1:10

Regavo madu ja Godon Farif Jesu fu guamga God fu keunama fu una urinma iji fu una kaf gufia ari ruakreno ja iji samuav. Regavo tavan rad fu una ruakma God fu e iji bu ise rejo iji fu ziegafiame ke arafiriak. Regavo noiji fun Jesur karaunuinma ijefuon fuba no kege e ijiena arafuruok.

1 Tesaroniens 5:23

Na sirimamene God iji fu mukorigia samuagduoko no afuime karijo iji kuaga fur oijon kege amardiaga buka mukorigia mardiak. Regavo madu na kuaga fur vajai jon ga kaven jon ga oijon ja vierafejo iji mukorigia ifejdiaga ire ise kafo buba unam jon kam arafiriak. No God kua fu ijeg ja samuagdia vake tavan iji E Bomana Jesu Kurais fu una ruakfuon iji abek.

2 Tesaroniens 3:16

Regavo na sirimamene E Bomana nuvuon kuardak. Fur tavan bog ifejduo no afuime karijo ijefuon na kuaga fu koikfuon ire kafokafo ja reoijo ijia ifejdiaga ja tavan bog afuime ok.

Ibru 10:29

Unam besum ijegvo eraneb bu Jesu Godon Farif iji abe buzeivo iji God fu kam unam ise ijia arafiriak. Regavo madu eraneb bu Jesuon kavuan iji fu e ijiebuon ise iji sokafa useme unam iviamkor iji abe marenma iji ba abe ikin igeg vierafejo iji God fu kam vajai fian miak. Regavo madu fu e iji bu Godon Kaven Akaij iji fu ma rediamo ijefuon vuak ise kuaivo iji God fuka unam ma ise ijia vajai fian miakfuon.

Ibru 9:20

Mosis fu ijegrejknum e iji kuardiame kia, Kavuan ijar akaij igi abe marenmado ja God fu kiainma iji igakno kiain.

1 Fita 1:21

Ja iviakma God mukorigia vierafe ijefuon maiji Kuraisri unam jon ma iji amaren. Regavo Kurais fu guamga Godri keunama fu una uriga fu dab aroime nidoin. Ijefuon iviakma oijon fok ja God fu rad una ro ifejdiakfuon ja iji ma vierafeknum karij.

1 Fita 2:25

Ur ja Kurais ba vierafenva ijefuon ja uri maf-sif bu tavan uruvana sauivo ijeg rej revo iviakma jan una karoim Kurais e iji fu kaven jon samuagdiamo ijefuon ruain.

1 Fita 5:4

Ja ijegrekva E Bomana iji fu ja e mamkanuk iji ja samuagdiamo iji fu tavan iji fu una ruakma fu izeg ja fuifuon mukorigia ikrenva fu iji giakma fu fuon sanainma ma iji fu barekfuon bakin iji abe miak.