Ibru 13:17 - Namiae

¹⁷ Regavo ni e mamkanuk unam ma iji bu Kaven ijefuon ijia ifejdiavo iji irerag bu kiavo iji igiame ref. Regavo ik buon iji bu oijon iji samuavo ijefuon God fu ik iji bu rejo ijefuon bu kege mazim giak. Regavo ja bu igiakva bu oimarknum ik buon mukoi rek. Revo ja buba igiakva bu oifiaigma ik buon isema rekva bu izeg ja mukorigia ifejdiakva bakin.

Ibru 13:17 Iomraidhean Croise

Ruk 16:2

Ijefuon fu e iji kumena fu rokga fu kua, Eko na vuak on be ijeg fainva iji a irerag iji ren? Ni ik on a izeg renma iji kuardie na faiv. Ijefuon maiji aiji a una nuifuon ikreknum ire nun fok samuagdiakma bano kuain.

Eks 20:28

Ijefuon ni koikjo samuanamiknum ga ni e iji fu Godon Kaven kege ja uniafdiainma iji mukoi samuagdaf. Regavo e iji Godon farif Jesu fu kavuan fuon ijia bu kimenma iji bu sos ijia karinva iji mukoi samuagdiaf.

Romens 14:12

Ijefuon noiji no izeg sauikva bakin gavo noka Godon nifak ijia ireme ise nuvuon fok no renva ijin visume kuardak.

Efisiens 5:21

Regavo ni Kurais ja igame abe E Bomana kuame nidoivo ijeg una jon iganamime nidoinamif.

Firifiens 1:4

Tavan bog na e fok joifuon na nun sirimamejo iji naka oimarknum sirimamej. Ijefuon maiji ja ik anej ijia Jesu Kuraison vuak ma iji na kuardiava ja faime uri na ire kafokafo nijieknum biduakienva iji ja vek rene rok.

Firifiens 2:12

Ijefuon efnun Jesu Kurais fu asoifuon igainma ijeg na ijia jana fiko ja God igain. Regavo iviakma igi na ja uniame ruainva ijia nika God mukorigia igaf. Nika God agoiknum giriesame unam iji God oimaikfuon ijesugin ikrene vake barga ijar ja karauniak.

Firifiens 2:29

Regavo na kua fu una ja giak vuakma ni Jesuon if ijia fu oimardaknum afef. Regavo e fu aikin ijin arordiame oimarknum aferdiaf. Ijefuon maiji fuka Kuraison ikrene fuka guainma ijia ga fu una urin. Regavo madu izeg jar na ifejdiekuai vierafejo iji fur jon fateroin ijia uri ifejdieme Kuraison ik ren.

Firifiens 3:18

Regavo e roin ijia oijo unam buon iji buka be. Regavo tavan bog na e ijiebuon naka kuardiava jan fain revo ivia na una madu nido nun igekma ja kuardiav. E uruvana ijia karijo ijiebuon unam bu kegoijo iji buka ma ise. E ijekin iji bu Godon vuak ma iji uzaknum Jesu kuros ijia fu guainma iji dab buzeiv.

Firifiens 4:1

Ijefuon efnun na tavan bog ja oijmiavo ijefuon naka una ja giakro vierafen. Regavo naka unam jon izeg ja mukoi kegoijo ijefuon ka aroikaraknum jon oimarev. Ijefuon nika oi besum rene jon izeg ja God ma vierafejo ijia giriesame karif.

2 Tesaroniens 3:14

Regavo e kafo ijia eraneb vuak igi no fas igia isoime kuardiavo iji ba abe mimatame kegokva ni e ijin mukorigia giame agordiaf. A fu game agoikafakma fu koikfuon ijia game juk.

1 Timoti 5:17

Regavo ni e mamkanuk iji eraneb sos ik samuavo iji mukorigia kimene mon buon vajiaknum arordiaf. Regavo ni e mamkanuk kafo ijia bu tavan bog nui bakin Godon vuak iji mukorigia uruvana kuardiaknum nijaidiavo iji ka mukorigia kimejknum arordiaf.

Ibru 13:24

Regavo ni e mamkanuk jon iji bu ja samuagdiavo ijiga Godon e fok ijia karinva iji nuvuifuon anadiaf. Regavo madu e Itariko God ma vierafejo roin nana igia karinva iji bu ja anadiav.

Ibru 13:7

Regavo uviaifnun ni e mamkanuk jon iji bu Godon vuak iji abe ja kuardiainva iji izeg bu karioinva ijiga izeg bu Kurais ma vierafene mimatainva ijin vierafene uri bu kenva ijeg ka ma vierafef.

Jeims 4:7

Ijefuon ni una karoime Godon vuak iji igiaknum vo irerag fu vierafenma ijia keof. Regavo ni giriesame Setan rarega fu ja areme vak.

1 Fita 5:5

Ijefuon e nivek iji e makin jon iji igiaf. Regavo jaka tavan bog adumaduigin oknum vo jon mukoi ifenamiknum of. Ijefuon maiji Godon buk iji bu usuibe isoinva ijia fu kuai, God fu e iji adumaduigin oijo iji fu mardiakgavo e iji bu aroikaraoijo iji fu nuigafiakno kuain.