Ibru 13:14 - Namiae

¹⁴ Ijefuon maiji e roin bu vierafero ai Jerusarem iji moikigia namo iji noka tavan bog ijia karine God sirimameknum vakro bu iji vierafen revo iji fui bakin. Regavo nom karine ar mai iji varur ijia namo iji fu ruakreno ijin samuakin rad no ijia ma karivak.

Ibru 13:14 Iomraidhean Croise

1 Korintiens 7:29

Ijefuon maiji efnun iviakma igia izeg no karine roko iji fu tavan jaoijaor ijeg na vakma bakin. Ijefuon jab uri ire moik igefuon iji kege uruvana igia giame oijmiak. Regavo nin unam izeg a E Bomana ijefuon ik rekfuon iji mukorigia vierafef. Regavo efarif iji a bara abekma ab uri ire kafokafo rubdiaga barak on ijesugin bomana vierafek. Regavo madu e be a oifian be abekma ab uri oifian iji abe ma bomana vierafek. Regavo madu erar a tavan kafo oimarmo iji ni mukoi vierafero tavan iji oimarvo iji fu rad bakekro ni ijeg vierafene. Regavo e be a sinuom kimene mon abeno iji a mukoi vierafekfuon. Ijefuon maiji ire iji a fine abeno iji bu tavan bog ana naoimvakva bakin. Ijefuon ab ire moik igefuon iji kege uruvana vierafek. Ijefuon maiji ire ni kafokafo fu moikigia rene vako ijefuon ni giriesame unam ma iji a izeg E Bomana ijefuon ik rekfuon iji mukoi vierafene kevakne.

2 Korintiens 4:17

Regavo iviakma igi no afikin abene vajai fian abejo iji fum tavan ivuankbe ijesugin. Regavo bun vajai fian ijieb ifejduoga no Godon ar sanainma ijia tavan bog ijia karivakfuon. Fu ar iji sanainma mukor ijar vajai fian igi no iviakma abejo iji fuka ma asin.

Efisiens 2:19

Ijefuon e Jius bakin iji iviakma ja una e ni kafo ga e ai binoko bakin. Regavo ja Godon afijaf renva ijefuon ja efuon ijiena agan besum rene karin.

Firifiens 3:20

Regavo noiji no bu rejo ijegreoijo bakin ijefuon maiji no Godon e. Ijefuon no E Bomana nuvuon Jesu Kurais fu no karaunuinma iji fu varur ijia una ari afeduokafa roko no ijin samuaknum kariok.

Ibru 12:22

Regavo Kurais fuba ja aferdiame roke uruor ijekin be moikigia ja imut jon ijia kunaime gain. Regavo ja fu aferdiame Godon samai varur ijia ruain. E saifjon iji bu uruor Zaion Jerusarem mai God e darokin fino ijia Godon guriguri rekuai ruainva ijeg ruain. Regavo ja anera fok bu karinva ijia ruain.

Ibru 12:27

Vuak iji fu madu efkin una kuarduinma ijefuon maiji ire moik igefuon iji God fu kege ukikfuon iji bu barkfuon. Regavo ire maiji buba barekgavo bu vek ijia naoime vakfuon.

Ibru 2:5

God fuba anera kafo kege ar iviamkor iji no kuaivo ijia uniame kia, Janim ar ma iji na amar ga bu karikfuon ijia e mamkanuk rene ire fok samuafno kiainma bakin.

Ibru 4:9

Ijefuon no ma vierafe Godri tavan be abedenma iji fu vek namdo Godon e fok no isuar karik. God fu ire fok amardiame barme fu tavan be fu abe finma ijeg no tavan be isuar karikfuon.

Ibru 9:11

Regavo fun Kuraisri iviakma E Bomana isuf baroino rene unam iviamkor no iviakma javo iji ifejduom. Regavo Kurais fu moikigia ar iji ema igieb sainva ijia fine ikreno bakin. Regavo fuka varur ijia ar iji ka ma mukor ema ijieb sainva bakin ijia fine ik ren. Regavo fum efknum e fok ijiebuon ar iji ma akaij ijia kavuan fuon abe ijia usen. Regavo fu maf ga fanuf kafobuon kavuan ijia abe Godon isuf barokafa vainma bakin. Regavo fu kavuan fuon iji abe no karaunuoga no ijia ma karivakafa fu ijefuon vain.

1 Fita 4:7

Regavo efnun tavan iji ire fok moikigia naoivo iji bu barekfuon iji fun samairen. Ijefuon ni uri ni naraknum vo koikjon mukor samuanamikin ja giriesame Godon sirimameknum karik. Regavo ire ijia ka ma bomana iji nika mukorigia jon oijmanamif. Ja ijeg oijmanamikva ja kaifjon iji bu jon isema rekva ja magiaga una bu oijmiaknum karivak.

Revareson 3:12

Regavo na e iji fu mukorigia Setanon unam ise fu biesuamo ijia ba zazain gavo fu giriesame asidiamo iji abe e ikin rega fu tuar gigikin rene God nun ijefuon ar guf ijia manik. Regavo fuba ar iji fu manino iji areme keko vak. Regavo na God nun ijefuon if ijiga Godon ar mai iviamkor ijefuon if Jerusarem kuavo iji oifuon ijia isoikfuon. Regavo ar iji God nun ijar varur ijia kuaga fu ari ruak. Regavo na madu e ijefuon oij ijia if nun iviamkor iji isoik.