Ibru 12:22 - Namiae

²² Regavo Kurais fuba ja aferdiame roke uruor ijekin be moikigia ja imut jon ijia kunaime gain. Regavo ja fu aferdiame Godon samai varur ijia ruain. E saifjon iji bu uruor Zaion Jerusarem mai God e darokin fino ijia Godon guriguri rekuai ruainva ijeg ruain. Regavo ja anera fok bu karinva ijia ruain.

Ibru 12:22 Iomraidhean Croise

Metiu 16:16

Fu ijeg kuardiamga e Saimon Fita fu una kua, Na vierafega aiji aka God iji tavan bog ijia fivako ijefuon Farif. E iji bu usuibe kuai fu ruakno kuainma ijino kuain.

Romens 9:26

Regavo madu buk besum ijia God fu e Jius bakin iji kia, Jaiji ja e nun bano kiainva iji fu una kia, Jaiji ja God iji tavan bog ijia fivako ijefuon afijaf renvano kiain.

Garesiens 4:26

Regavo madu bara Sera Eburamon barak iji fu mai Jerusarem varur ijek aresren ijefuon e iji bu mai ijia karijo iji bu akaij ijefuon rotit ijia karijo bakin. Ijefuon fuiji fu asienuvuon igekin.

Efisiens 2:19

Ijefuon e Jius bakin iji iviakma ja una e ni kafo ga e ai binoko bakin. Regavo ja Godon afijaf renva ijefuon ja efuon ijiena agan besum rene karin.

Firifiens 3:20

Regavo noiji no bu rejo ijegreoijo bakin ijefuon maiji no Godon e. Ijefuon no E Bomana nuvuon Jesu Kurais fu no karaunuinma iji fu varur ijia una ari afeduokafa roko no ijin samuaknum kariok.

1 Tesaroniens 1:9

E fok vuak jon bun faim barenva ijefuon bu izeg no jon vuakga ja oijmuome afeduinva iji bur kuarduin. Regavo madu bur izeg ja god kafokafo kufui iji aregavo una God ma iji tavan bog ijia fivako ijefuon ja anerene ik rejo iji bur kuarduin.

2 Timoti 4:18

Regavo God fu tavan bog ire ise fok kafokafo nun roko ijia keunienmo. Ijefuon fu aferdieme ar varur iji fu samuamo ijia vak. Na tavan bog sirimamega e fok ar iror igia oinva iji bu fu abe aroik. Mare.

Ibru 10:31

God e darokin ijar guome kam unam ise ijia arafiriakfuon iji fuka ma ise.

Ibru 11:10

Regavo Eburam fu mai gigikin iji fu ijia navakfuon iji God fu sakafa kuainma ijia fikafa fu iji vierafene fuka ijin samuame fin.

Ibru 11:16

Regavo moik iji bu arega bu ar ma iji iviamkor varur ijia nisaiv. Regavo God fun ar buon bu ijia funa karikfuon iji amardiainma ijefuon bu kua God nuvuono kuavo iji God fu jufabeno bakin.

Ibru 13:14

Ijefuon maiji e roin bu vierafero ai Jerusarem iji moikigia namo iji noka tavan bog ijia karine God sirimameknum vakro bu iji vierafen revo iji fui bakin. Regavo nom karine ar mai iji varur ijia namo iji fu ruakreno ijin samuakin rad no ijia ma karivak.

Ibru 3:12

Ijefuon uviaifnun vuak iji faime e be fuba oifuon abe dakaroime ire ise iji uruvana vierafegavo God ba ma vierafek. A ijegrekma fur dab dakaroidaga a God e darokin ijia fivako iji aka uzak.

Ibru 9:14

Regavo iji fu fanuf ijiebuon kavuan ijar ijeg ren revo nin izeg Kuraison kavuan ma mukor bomana fu rekfuon iji vierafef. Kaven Akai ijia fine vako ijefuon duadok ijia Kurais fu vajai fuon maturainma iji abe God isuf baroidain. Regavo fanuf ijiebuon kavuan iji bu izeg mukorigia oinuvuon ijia ise no reoijo iji somduokva bakin. Regavo fun Jesur ise ijia no aferduome unam zuarunam vako ijia mukorigia somduodo no God ma ijia fivako ijefuon ikrek.

Jiud 1:14

Regavo vuak ijiebuon iji fun e iji uinre ruainva ijia Adamon sat be e Inok kuavo ijar amur buisina kuain. Regavo Inok fu ijeg kuai, Ni gaf! E Bomana iji fu anera fuon akai ka ma uruvana iji aferdia buna rokno kuain.

Revareson 14:1

Areme na una madu ga Maf-Sif Uka iji fu uruor Zaion ijia manin. Regavo fu manino ijia efuon vuan adred foti fo taosen (144,000) bu ijia funa iren. Regavo variatar buon ijia bu if fuon iji isoin ga Asoifuon ijefuon if isoin.

Revareson 21:10

Fu ijeg kiekoga Kaven Akai ijar na niroikiemga anera ijieb na aferdieme uruor kaf ijefuon buin ijia ajie vain. No ijia ajie useme fun Jerusarem mai akaij iji varur ijia Godri kuaga fu ari rokon iji nijaidien.

Revareson 21:2

Bu bare vako na varur ijia ga Godon mai akai Jerusarem iviamkor ijar varur iji God fino ijia ari rok. Regavo mai iji fuka mukorigia bara naise iji fu baru rekafa kanaufume samuainma igeg ari barufuon biekafa roka na gain.

Revareson 22:19

Regavo eraneb bu vuak igi fu rad rekfuon na buk igia isoinva iji roin fikoregavo busik una kafo isoikva Godri ire in iji sunin bu ine tavan bog ijia karivako iji fu fuifuon nijainma iji abe vak. Regavo madu e iji fu mai akaij iji buk igia isoime kuainva ijia fuba vakfuon.

Revareson 3:12

Regavo na e iji fu mukorigia Setanon unam ise fu biesuamo ijia ba zazain gavo fu giriesame asidiamo iji abe e ikin rega fu tuar gigikin rene God nun ijefuon ar guf ijia manik. Regavo fuba ar iji fu manino iji areme keko vak. Regavo na God nun ijefuon if ijiga Godon ar mai iviamkor ijefuon if Jerusarem kuavo iji oifuon ijia isoikfuon. Regavo ar iji God nun ijar varur ijia kuaga fu ari ruak. Regavo na madu e ijefuon oij ijia if nun iviamkor iji isoik.

Revareson 7:2

Regavo na una tavan ajiemonak ga anera be fu vajai fuon ijia God iji tavan bog ijia fine vako ijefuon anf iji fu vajai fuon ijia nako fu ajieme rok. Anera nokarok ga nokarok (4) iji God fu daro miame kia, Ja moik igeko saof iji vajai fian miakno kiainma iji fu uruvana kumen.