Ibru 11:33 - Namiae

^33-34 Bu ma vierafenva ijefuon bu moik roin ijia e roin kania kuriame moik buon aben. Bu unam ma iji renva ijefuon bu ire iji God fu kuainma iji ken. Bu ire raion ijiebuon ir bijukuriaknum mian faruikin naino iji mafaiknum e kafob bijia kaniakfuon ijia bu subime usem vain. Bu e ma zazaikin revo rad buka e darokin rene e ai kafoko ijiebuon e bijaivo iji kaniava bu aoin.

Ibru 11:33 Iomraidhean Croise

Garesiens 3:16

Ijegvo vuak irerag igi iviakma na kuardiakrejo iji fuka ijekin. Godon vuak iji fu Eburam ga uifarif fuon iji kuardiain. Godon vuak ijia God e uifarif iji fu kuainma iji fuba e fok ijiebuon kuain. Regavo fum e besum Jesu Kuraison fu bijame kuain.

2 Timoti 4:17

Regavo E Bomana iji fu na ifejdieme daro miemga na Godon vuak maiji fok kuardiain. Na kuardiava e Jius bakin mai Rom ijia ar kotrejo guf ijia karinva iji bu vuak iji fain. Bu faivga God fu e iji bu na kaniekuai vierafenva ijia keunien.

Ibru 10:36

Jaka oi mafaime nakikmazak God ma vierafef. Ja izeg God irerag fu vierafenma iji rekva ja ire iji God fu kuainma iji kekfuon.

Ibru 11:17

Eburam fu God ma vierafenma ijefuon God fu biesuamga fu farifuon Aisek abe isuf baroikafa vierafen. Regavo God fu Eburam amur kua, Na am farif Aisek mak revo am besum ijar saifijaf uruvana tuanakno kuain. Regavo Eburam fu am farif besum ijin abe isuf baroikafa vierafen.

Jeims 2:18

Regavo e be fu kuok, Jaiji jaka ma vierafeoin revo na ma ijesugin kegoijno kuok. Regavo igia faif e be fu ma ijesugin vierafeoknum vo unam ma iji fuba kegoino iji ja izeg vierafen? Revo igia faif. A ire ma igi no reoijo a iji guokma a ijia izeg no God ma vierafejo ijin giak.

1 Fita 5:8

Regavo jab nitubaikgavo uri ni narame koikjo samuanamime nisaiknum karif. Ijefuon maiji fanuf raion ka ma kuriai e jakia bua ino iji fu vasiaguaga fu kurimoino ijegvo e ani jon Setan fu ijeg jon izeg ja Jesu ma vierafejo iji kam iserekafa oin.