Ibru 10:30 - Namiae

³⁰ No vierafe Godri e iji kege ma isenisegin igia arafiriak. Ijefuon maiji fun Godri koikfuon buk akaij ijia kuai, Na koiknun una e iji bu ise rejo iji roib ise rediak. Regavo na una roib ise buon ijefuon arafiriak. Regavo buk kafar be ijia fu madu una vuak be ijeg kuai, E Bomana ijar efuon ijiebuon ise iji kege mazim giakno kuain.

Ibru 10:30 Iomraidhean Croise

Romens 12:19

Regavo efnun e kafo bu ise kafo jon rekva jab una vef roin buon ise rekuai vierafek revo ni arega fu Godri e iji ziegafiame kam arafiriak. Ijefuon maiji God fun usuibe buk akai fuon bu isoinva ijia fu ijeg kuai, Erar fu ise kafo rekma God na e darokido nar una vef roin fuon ise rek.

Romens 13:4

Regavo e mamkanuk iji bun Godri kege uniainma ijefuon bu ja mukoi samuagdiav. Regavo ja ise kafo rekva ni e jon mamkanuk iji giame juf. Ijefuon maiji buiji bu daro nado bu ise jon ja renva ijefuon ja kam vajai fian vajiak. Regavo e mamkanuk iji bun usuibe Godri kege uniainma ijefuon bu Godon ik rej. Ijefuon bu e iji ise rejo iji kege vajai fian vajiaga bu ijia giame vierafero God fu e ijekin iji fu ziegafiamoro bu ijeg vierafek.

2 Korintiens 5:10

Ijefuon maiji tavan ijia e fok no Jesu Kuraison nifak ijia iregakva fu ire fok no renva iji kege mazim giakfuon. Rene Jesu fu e besubesum fuon izeg fu moikigia fioknum mukoi reoin vo fu isema kegoinma fu ijia giaknum kam vajai fian vajiaknum ga karauniak.