Firimon 1:7 - Namiae

⁷ Eko uviainu on a e roin oijmiamo na iji faiga naka oimadien revo madu na on izeg a e oijmiamo na iji faivo naka bomana vajai nairdiem. Ijefuon an ar Godon e ijiebuon oij iji kam karoima bu bomana oimarev.

Firimon 1:7 Iomraidhean Croise

1 Korintiens 16:18

Regavo bu ruainva iji buka izeg bu ja ifejdiava ja oimadiainva ijeg bu madu kaven ijia nak ifejieva naka bomana oimadien. Ijefuon ja uri e ijekin ijin mukorigia agordiaknum vo vuak buon mukoi faikva iji fuka marek.

2 Korintiens 7:13

No jon izeg ja no oijmuovo iji faiga fuka oimaduomga noka daromene ikreoij. Regavo no ijesugin oimarvo bakin gavo noka Taitas fu oimarknum ruainma no ijin gava fuka bomana oimaduin. E uruvana ja oifian fuon ja mukorigia ifejdainva ijefuon fu oimarknum rokga no madu noka bomana oimaduin

2 Korintiens 7:4

Na oimarvo ijefuon maiji naka afikin ma uruvana biediain gavo jar na soisoime ifejdienva ijefuon naka oinun ijia bomana oimarev.

1 Tesaroniens 1:3

No God Asoinuvuon iji no sirimamejo noka ja vierafej. Ijefuon maiji ja Jesu Kurais ma vierafejo ijefuon jaka ik jon mukorigia rej revo madu izeg ja jon oijmanamivo ijefuon jaka vajai fian abeknum ifenamiv. Regavo madu izeg E Bomana Jesu Kurais fu una ruakfuon ja vierafejo iji jaka arevo bakin revo jaka giriesame ma vierafeknum kegoij.

1 Tesaroniens 2:13

Regavo madu ire be ja reja no gainva ijefuon no Godon oimarev. Ire iji ja renva iji no Godon vuak ma iji abe vuakga jaka vuak iji mukoi faime aben. Ja vierafe vuak iji fu emabuon vuak bakin revo fuka Godon vuak ijefuon ja vuak iji aben. Regavo vuak iji fu ma Godon vuak ijefuon e iji ja Jesu ma vierafejo iji God fu oijon ijia ifejdiaga ja e damuigin rek.

1 Tesaroniens 2:19

Regavo oinuvuon iji tavan bog noka bomana vierafeknum joifuon oimarev. Ijefuon Jesu fu una ruakma no irerafuon no nifak fuon ijia ireme aroikaraknum oimarek? Ire kafo bakin revo jan jar vuak fuon ma iji no abe kuardiava ja mukoi faime ma vierafen. Ijefuon E Bomana fu una ruakma ja nona nifak fuon ijia irek.

1 Tesaroniens 3:9

Regavo iviakma no joifuon God oimarev. Ijefuon maiji jar mukorigia oimarknum rejo ijefuon no fuon nifak ijia noka bomana oimarev.

2 Timoti 1:16

Regavo na vierafe E Bomana iji fu e agan uruvana Onesiforason iji fu ma rediak ijefuon maiji fu e-e fur tavan bog na vajai fian abejo fu ifejdien. Regavo na bu tofdieme dibur unienva iji fuba gieme jum.

Firimon 1:20

Ijefuon uviainu ni E Bomana ijefuon if ijia ire ma iji nuifuon rene Onesimas oimarknum afemne. Regavo noiji non besum Kuraisna mazinva ijefuon ni irerag na kuavo ijin rega na oimadiemne.

2 Jon 1:4

Naka uruvana oimadiem ijefuon maiji afon roin buka Asoinuvuon fu kuarduinma ijeg buka unam ma ijia karioij.