Eks 8:3 - Namiae

³ Regavo e Sor e Jesu ma vierafejo ijiebuon unam dab iserekafa ijefuon gire buon ijia ajiemoijknum barubara imut kara kuniairu makaf ijia koreme kam dibur uniain.

Eks 8:3 Iomraidhean Croise

Eks 16:19

Regavo e iji bu bara iji kimenva iji bu gak unam buon bu mon abejo iji bun bijuvga bu uri For ko Sairas kuniaime kam moik iritiame ai makaf e mamkanuk bu kot rejo ijia vain.

Eks 22:19

Fu ijeg kiemga na una kua, E Bomana na tavan uruvana na e Jiusbuon ar bu afuim vuak kuaivo na ijia aru e iji eraneb bu a ma vierafejo iji tofdiaknum kaniava bun gieme vierafen.

Eks 8:2

E God ma vierafejo roinb bu Stiven abe niraifiriknum abe mako ruin.

Eks 9:21

Fu ijeg kuardiamga e fok bu vuak iji faiva buka oiserdiama bu bui kuai, E iji fu ar Jerusarem ijia e iji Jesu ma vierafejo iji kaniamo ijar. Regavo fu igia ruainma iji fu e igi tofdiame una e mamkanuk Godon isuf baroijo ar Jerusarem karinva ijia vakafa fu ijefuon ruainmano kuain.

1 Korintiens 15:9

Regavo e afasor fok ijiebuon uf ijia naiji naka ma e ma bakin. Regavo madu na bu e afasorno kiekfuon iji naba bomana vierafen. Ijefuon maiji naka Godon e ijin kam arafiriavga buka uruvana vajai fian aben.

Garesiens 1:13

Na e Jiusbuon unam bu guriguri rejo ijia izeg na buna finva iji bun kuardiava jan fain. Regavo izeg na oifian bakin Godon e iji kam giriesame uruvana vajai fian abeknum ke mimatame arafiriakrejo jan fain.

Firifiens 3:6

Na vierafero unam iji na renva iji fu ma God oimaikro na ijeg giriesame biom mukorigia reoin. Ijefuon na uri e iji Jesuon unam ma iji ja oijor iji naka ziegafiaknum kaniame vajai fian uruvana vajiain. Na vierafero na Mosison akaij iji mukorigia igiaga e kafob gieme vierafero na Godon nifak ijia na maturaivaro bu ijeg vierafekro na ijeg reoin.

1 Timoti 1:13

Regavo amur naka vuak ise fuisina kuain ga efuon arafiriaknum ire ise buon ren revo fu na kie na fuifuon ikrekno kien. Regavo God fu na gieme ba afikin mien revo fu ise nun gieme aren. Ijefuon maiji naba Jesu Kurais vierafen ijefuon irerag na rejo iji naba vierafeknum ren.

Jeims 2:6

God fun ijegrevo jaiji ja e iji bu sinuom ba zarainva iji jaba oij miav. Regavo erar ma jon ise rejknum ja aferdia e iji kot faivo ijiebuon vako iji bu e iji sinuom zarainva ijieb ijeg rej.