Eks 8:20 - Namiae

²⁰ Fu ijeg kiamga Fita fu uri kua, A Godon ire ma iji mon ijia kimekafa vierafeno iji fuka ma ise. Ijefuon na vierafega a mon on ijek mian vak.

Eks 8:20 Iomraidhean Croise

Metiu 10:8

Ja va vuak iji kuardiaknum vo e adagin iji amardia bu una madiaknum vo e aoivo iji kia bu una urif. Regavo madu e iji bu adam refrosi abejo iji amardia bu una madiav. Regavo madu ni e iji bu kaven ise ijieb ninarukiainva ijin kuriaireme kiaga bu e iji areme usem vaf. Regavo igia faif. Daro nun igi na vajiainva iji ja mon kime kenva bakin. Ijefuon irerag ja va kegoijo iji jab una vef ijefuon ire kafo karekuai vierafek.

Metiu 15:19

E iji fu oifuon ijia ire ise vierafeno iji fu e kaniaga bu aoiknum ebuon bara turaknum ebuon sinuom niesamo ijin. Regavo madu vuak kufuimeknum una e kafobuon vuak ise buisina kuaivo ijin.

Eks 1:18

Regavo mon iji Judas fu unam ise ijia abenma iji fu abe moik be kimen. Regavo moik iji fu kimenma iji fu ijia ari kanamga fu detavuame guain.

Eks 10:45

E Jius God ma vierafejo iji bu Fitana ruainva iji buka oiserdiain ijefuon maiji Godon Kaven fu ari madu e iji Jius bakin ijiebuon oij ijia ruain.

Eks 11:17

No ma vierafega God fu ire ma iji fu e igi no Jesu ma vierafejo iji reduomo ijeg fu una e Jius bakin iji buon rediain. Revo naiji nam ema ijefuon na ire iji God fu renma iji na irerafuon unam fuon iji bijukva bakin.

Eks 2:38

Rega Fita fu uri kia, E besubesum jaka oi karoime ise jon iji nuigafiakfuon. Ja ijegrega e be fu ja ke Jesuon if ijia do ruardiaga God fu ise jon giame arega ja Kaven Akai iji abejno kiain.

Eks 8:22

Rega a unam ise iji a vierafenma iji nuigafiame una Godon ruakma fuka ise on iji giame arek.

Jeims 5:3

Regavo madu ire gord ga sirva jon zin igeg iravo iji bu dedirik. Regavo sinuom iji dedirinma ijieb rad tavan iji God fu fine e fok ijiebuon ise bu renva iji giakfuon ijia bu una karoime mian igegrene ire fok naine ja kam arafiriak. Ijefuon maiji moikigia ja karine sinuom uruvana kege ar jon ijia nainva iji fu mian igeg ja naikafa samuagdiam.

Revareson 18:15

E bisnis rejo bu mai ijia bisnis rejknum sinuom zarainva iji buka aibe ijia ireme gak. Ijefuon maiji bu iji fu vajai fian abeno iji game buka jume ka aibe ijia ireme niraiknum oifiaigma gak.