Eks 4:21 - Namiae

^21-22 Regavo God fu ire sumakin iji rega e fok buka una Godon oimarme fu aroin. Ijefuon maiji e iji bu ire sumakin iji fuon reja fu una urinma iji fu eof ga juaivasia foti (40) ijeg baren. Revo e Jius ijiebuon e mamkanuk iji bu unam ise iji giame bu Fita ko Jon ke dibur uniakfuon iji nisaiga fuka bakin. Ijefuon bum kuriaireme kia, Rad jab una ijegrekno kiame areva bu usem vain.

Eks 4:21 Iomraidhean Croise

Metiu 15:31

Jesu fu ijeg amardiamga e iji ai kirariainva iji bun una uri oko e iji ni zuriadiainva iji bu una ni narakoga e iji vua ba kuaivo iji bu una vuak kuain. Fu ijegrena e fok bu iji gava buka oiserdiamga bu uri e Isrerkobuon God ijin dab aroin.

Metiu 21:46

Ijefuon bu uri Jesu kunaime tokuai vierafen. Gavo e fok ijia ruainva iji bu vierafega Jesu fuka ma e iji Godon vuak vierafene kuaimon ijin. Ijefuon e mamkanuk iji buka jume ire kafo buba fuon ren.

Metiu 9:33

Bu e iji afeme rokga Jesu fu migegare kaven ise iji kuamga fu e iji areme keko vako e iji fu ijia una vuak kuain. Fu una vuak kuaimga e fok buka oiserdiamga bu kuai, No usuibe ar Isrer igia ire ijekin be noka ba gainvano kuain.

Metiu 9:8

Fun vako e fok bu iji gava buka dejufdiamga bu uri God dab aroin. Ijefuon maiji God fu e moikigia oijo iji daro miaga bu ire sumakin ijekin iji rej.

Ruk 13:17

Jesu vuak ijeg fu kuainma ijar e ani fuon bu faiva buka jufdiain gavo e uruvana roin bu ire sumakin iji fu renma ijefuon fuon oimardain.

Ruk 20:19

Ijefuon e vuak akai nijaidiavo iji abevo e Godon isuf baroijo ijiebuon e mamkanuk iji bu vierafe buka migegare Jesu kunaim tokuai vierafen. Ijefuon maiji bu vierafega vuak iji fu bijame kuainma iji fu buisina kuain. Regavo bu una e ijia ruainva iji juin.

Ruk 20:6

Regavo madu no kuak daro iji fu emab mainvano kuakva no vierafega e uruvana igia irenva buka mun tuame kanuokno kuain. Ijefuon maiji e fok bu vierafega Jon fun ma e Godon vuak vierafene kuaimon ijin.

Ruk 22:2

Tavan iji fun samairega e mamkanuk Godon isuf baroijo iji abevo e vuak akai nijaidiavo iji bu uri unam izeg bu Jesu kanakfuon iji nisain. Regavo vuak iji buba abe kuaime samafren ijefuon maiji bu e uruvana ijia ruainva iji juin.

Ruk 5:26

Fu ijegrega e uruvana buka bomana oiserdiamga bu uri juknum Godon oimarme kuai, Noka ivia ire sumakin iji gainvano kuain.

Eks 4:17

Regavo noka vuak iji bu e kuardiavo iji bijuk. Regavo no arekva buka vuak iji abe una e roin kuardiame ira vak. Ijefuon noka kuriairega buba una Jesuon if ijia kurame vuak kafo kuaimokfuon.

Eks 5:13

Regavo e roin bu juinva ijefuon buba ifejdiain gavo bum unam iji bu rejo iji ke arordiav.

Eks 5:26

Fu ijeg kiamga e juokarijo iji samuagdiamo iji fu efuon juokarinva ijiena va e afasor iji bu Godon ar bomana ijia aru irem e nijaidiavo iji isuar aru aferdia usem ruain. Bu ijegrenva ijefuon maiji bu vierafega bu kuriaikuriaikin kuardiakva e iji karinva ijieb uri mun tuame bu kaniak. Ijefuon bum isuar aferdiame ebuon mamkanuk ijiebuon vain. Bu aferdia gamia usevga e bomana Godon isuf baroino iji fu uri kia, No vuak gigikin ja kuardiame kia, Jab Jesuon if ijia e roin nijaidiavno kiain.

Eks 5:40

E fok karinva iji bu e Gamerieron vuak iji abene uri e afasor iji kumeja bu una aru rokga bu fijiame kia, Jab rad una Jesuon if ijia e nijaidiavno kiame uniavga bu usem vain.