Eks 23:6 - Namiae

⁶ For fu gia e mamkanuk iji afuinva ijia e roin bu e Ferisis ga roin bu e Sejusis. Ijefuon fu giame uri e mamkanuk iji afuinva iji kia, Efnun naiji na e Ferisis ga na e Ferisis ijiebuon farif revo na e mamkanuk igiebuon nifak igia manijo ijefuon maiji na vierafega God fu e iji aoinva iji fu kiaga bu una urikfuon ijefuon na iji igia manine vuak nun kuaim irasevno kiain.

Eks 23:6 Iomraidhean Croise

Metiu 10:16

Regavo igia faif. Jaiji na um kukoro igeg kege e ise siroij kuriai e jakiavo igekin uf ijia uniaga ja vak. Ijefuon ja va ik reokva ni amarigia jon samuanamiknum oij asusame kabuaikabuaikin ik jon ma ijesugin reof. Regavo jab uri bijaiknum vo ire ise kafo rega bu ja kam arafiriak.

Metiu 22:23

Areme tavan besum ijia e Sejusis roin bu Jesu fino ijia ruain. (Regavo e iji ruainva iji bu e iji aoime una urijo iji buba ma vierafej). Ijefuon bu useme Jesu duna ijeg kua, E nijaidiamon Mosis fu kuo, E be erar fu bara abe fu am kafo ba tuanaga fu guakma uviaifuon iji fuka bara amun iji fusik abe fuifuon am tuanakno kuin.

Metiu 3:7

Regavo una e Feresis ijiga e Sejusis uruvana bu do ruaikuai fuon rokga fu giame uri kia, E gari ka isema vierafeoknum aroikaraoijo garie, Ja vierafero jan ma reoido God fuba rad ja kam arafiriakro ja ijeg vierafej. Jon izeg ja e biesiaoknum aroikaravo iji aref. Regavo ni una asume amarigia reoga e fok bu vierafero ja ise jon ja rejo iji jan arenvaro bu ijeg vierafef.

Eks 22:3

Naiji na e Jius gavo bu ar Tasas Sisiria guf ijia nafedien revo bu aferdieme igia Jerusarem rokga na e Gamarieron rotit ijia sikur ren. Regavo bu e makin ijiebuon akai uruvana bun amarigia nijaidieva na fain. Regavo izeg ja Godon ik reoijo ijeg nak naka ijeg amarigia giriesa ikreoij.

Eks 22:30

Areme afarma e bijaivo ijiebuon e bomana iji fu vuak ma iji e Jius iji bu irerafuon For dab arafirivo iji fuba fainma ijefuon una mukoi faikafa vierafen. Ijefuon fu kiama bu For sen imut iji bu toinva iji irasen. Areme fu madu kiamga e Godon isuf baroijo ijiebuon e mamkanuk ijigam e Jius ijiebuon e mamkanuk uruvana ijia karinva iji bu besum afuivga fun For kuamga fu e ijiena vuak fuon kuaim irasen.

Eks 22:5

Regavo ja vierafe na kufuimekva ni e Godon isuf baroijo ijiebuon e mamkanuk ijigam e mamkanuk fok kiaga na biesia vo na ma kuaivga bur kuardiaga ja faif. Ijefuon maiji bur fas isoime na nijieme kieva na va ar Damaskas ijia keko e Jius iji Jesu ma vierafejo ijia karinva iji tofdiav. Na ijeg kuniaim kam sen ijia tofdiame aferdia una ar Jerusarem roga bu kam arafiriav.

Eks 23:1

For fu e mamkanuk ijia karinva iji giame kia, uviaifnu oinun igi fu e bes samuagdiemo ijefuon nakikmazak na God vierafeoijo iji fuka mukorigia marenmano kiain.

Eks 23:15

Ijefuon iviakma ni e mamkanuk jon ijiena vuak e Romkobuon e bomana iji biesua fu For afem igia roga ja vuak fuon ma iji faik. Revo fu vek igia ruakafa roko ijia no unam ijia fu kanakno kiain.

Eks 23:20

Rega e nivek iji fun uri kua, E Jius e uruvana bun vuak kuaime fainamido niar bu a biesuaga a For afem gami e Jiusbuon e mamkanuk bu karinva ijia vaga bu Foron vuak ma iji faikno kuain.

Eks 23:7

For fu ijeg kiamga e Ferisis iji abevo e Sejusis iji bun uri bui musikuaime dab atame roinroin ren.

Eks 24:15

Rega izeg bu God ma vierafejo nak na ijeg vierafeknum vo madu na vierafero e fok aoinva ma ga ise bu una urikro na ijeg vierafej.

Eks 24:21

Regavo vuak besum igi nan nar ma nifak buon ijia kumenva ijin na vierafero e iji aoinva iji bu una urikro na ijeg vierafene kumen. Ijefuon ivia na nifak on igia ise nun iji a kuardavno kuain.

Eks 28:20

Ijefuon na ja giame jana vuak iji kuaikafie vierafen. Ijefuon maiji na e iji e Isrerko bu samuavo ijefuon afikin iji nar abejo ijefuon ivia na igia senkma manijno kiain.

Firifiens 3:5

Ijegvo naiji bu nafedienva iji vuik besum (1) barko ijia bu vajai surif nun iji kanie ufu anf abedien. Regavo eofnun iji bu e Isrerko bu e Bezimanon uifarif ga saifnun iji bu ma e Ibrukor. Revo naiji na E Ferisi ijefuon maiji na Mosison akaij iji mukorigia vierafene reoin. Regavo madu na saifnuvuon ijiebuon akai ijigam unam usuikor buon iji bu nijaidienva iji naka mukorigia igiame ijia jajiain.

Korosiens 1:5

Amur ijia Godon vuak ma iji fu jon vuainma ijia jan ire ma iji God fu jon rekfuon iji jan fainva ijefuon ja ma vierafej. Regavo ire iji God fu joifuon varur ijia kanafuknum joifuon samuamo ja iji vierafejo ijar ja kam oi karoiga ja ijefuon ma vierafeknum oijmiav.

Ibru 6:19

Regavo noka darokma ma vierafega God fu no karaunuok. Ijefuon ire ise kafo bu nuvuon ruakva no vierafe noka giriesame irekfuon. Fun Jesur izeg e iji e isuf baroijo ijiebuon e bomana iji fu efuon ijiebuon fateroin ijia ar ka ma akaij ijia aru vako ijeg ren. Fun fur unam iji no Godon nifak ijia aru vakfuon iji fur dajaduin. Fu Jesu E Bomana nuvuon ijar izeg e Mekisidek fu renma ijeg fur e isuf baroino rene fivakfuon.