Eks 22:5 - Namiae

⁵ Regavo ja vierafe na kufuimekva ni e Godon isuf baroijo ijiebuon e mamkanuk ijigam e mamkanuk fok kiaga na biesia vo na ma kuaivga bur kuardiaga ja faif. Ijefuon maiji bur fas isoime na nijieme kieva na va ar Damaskas ijia keko e Jius iji Jesu ma vierafejo ijia karinva iji tofdiav. Na ijeg kuniaim kam sen ijia tofdiame aferdia una ar Jerusarem roga bu kam arafiriav.

Eks 22:5 Iomraidhean Croise

Ruk 22:66

Bu ijegrene vake tavan afaremga e aiko ijiebuon e mamkanuk ijigam e Godon isuf baroijo ijiebuon e mamkanuk ijigam e vuak akai nijaidiavo iji bu besum afuikoga bu Jesu afem ijia ruain.

Eks 1:15

Naki sibank barekoga e fok vuan adred tuenti (120) Jesu mukoi vierafejo bu una besum afuiko Fita fu vuak kuardiakafa uri kia, Efnun Godon vuak bu usuibe isoinva fuka ma riaren. Regavo vuak iji fu usuibe Godon Kaven ijar Devidon ir ijia kuainma iji izeg Judas fu e ani ijiebuon unam amarega bu Jesu tokfuon.

Eks 13:26

Regavo efnun e Eburamon uifarif ijigam e Jius bakin eraneb ja igia ato same God aroivo igi vuak igi izeg Jesu fu e karauniakfuon iji fu nuvuifuon nijuin.

Eks 2:29

Ijefuon efnun vuak igi na sai nuvuon e Devidon vuak iji abe samakaf kuardiakrej. Fu guama bu abe mako ruin revo mako fuon iviakma no vek gav.

Eks 22:1

E uviaifnun abevo asoifnun igie na ire ise be jon renva bakin ijefuon na vuak igi kuardiakno ni faifno kiain.

Eks 23:1

For fu e mamkanuk ijia karinva iji giame kia, uviaifnu oinun igi fu e bes samuagdiemo ijefuon nakikmazak na God vierafeoijo iji fuka mukorigia marenmano kiain.

Eks 23:6

For fu gia e mamkanuk iji afuinva ijia e roin bu e Ferisis ga roin bu e Sejusis. Ijefuon fu giame uri e mamkanuk iji afuinva iji kia, Efnun naiji na e Ferisis ga na e Ferisis ijiebuon farif revo na e mamkanuk igiebuon nifak igia manijo ijefuon maiji na vierafega God fu e iji aoinva iji fu kiaga bu una urikfuon ijefuon na iji igia manine vuak nun kuaim irasevno kiain.

Eks 26:10

Regavo iji nan ar Jerusarem ijia ijeg ren. Na e Godon isuf baroijo ijiebuon e mamkanuk ijieb daro mievga na Godon e iji bu Jesu ma vierafejo iji kafo kam dibur uniain. Rega madu na e ijiena vuak kuaim iganamivo bu e iji kam kaniava bu aoin.

Eks 26:11

Tavan uruvana na ar bu afuim vuak kuaivo ijia aru e iji kam ire kafo reja bu vajai fian abeknum biesiaga a bu Jesu vierafeoijo iji bu arevro na ijeg ren. Regavo madu bu na ka mukoi ziegafiainva ijefuon tavan kafo na e ai kafobuon mai kafokafo ijia va e iji aferdiame uruvana igia vajai fian vajiain.

Eks 26:12

Na ijegreoijo ijefuon e Godon isuf baroijo ijiebuon e mamkanuk iji bu daro mieme kieva na ar Damaskas ijia vain.

Eks 28:17

Bu ijegre vake naki nokbek (3) barko For fun Jius e aiko ijiebuon e mamkanuk iji kiama bu besum afuin. Bu afuivga fu uri vuak be ijeg kuardiain. Fu kia, uviaifnun igie na ire ise kafo naba enuvuon igiebuon ren. Regavo madu na unam usuikor saifnuvuon bu kegoijo iji bu nijaiduinva no reoijo na ijefuon ire ise kafo na ba reoin. Regavo bum na abe Jerusarem ijia dibur unieme ivia bu na abe una e Romko igi miain.

Eks 28:21

For fun ijeg kuardiamga Jius e mamkanuk iji bu kua, Noiji no fas kafo noba Judia ijia oisina ken. Regavo madu enuvuon God ma vierafejo roin bu ijia ruain ga bu vuak ise kafo oisina buba kuarduin.

Eks 3:17

Regavo e gurie na giamga jaka ba ma vierafejo ijefuon ja e mamkanuk jon ijiena Jesu dab ijeg ren.

Eks 4:5

Regavo afarma e Jius ijiebuon e mamkanuk ijigam e aikor ijiebuon e mamkanuk ijigam e vuak akai nijaidiavo iji bu una ar Jerusarem ijia besum afuin.

Eks 5:21

Rega e afasor iji bu anera ijefuon ir iji abene suok nakitu bun Godon ar ijia aru ireme e nijaidiav. Regavo e bomana Godon isuf baroino ijigam e roin fu ifejdiavo iji bu e Jiusbuon e mamkanuk fok kumejga bu besum afuin. Areme bu e kiava bu e afasor bu dibur uniainva iji aferdiakuai vain.

Eks 9:14

Regavo igia fu ruainma iji fu e mamkanuk Godon isuf baroijo iji kiamga bu igakva fu igia Damaskas e a ma vierafejo iji tomdiakafa fu ruainmano kuain.

Garesiens 1:13

Na e Jiusbuon unam bu guriguri rejo ijia izeg na buna finva iji bun kuardiava jan fain. Regavo izeg na oifian bakin Godon e iji kam giriesame uruvana vajai fian abeknum ke mimatame arafiriakrejo jan fain.

Firifiens 3:6

Na vierafero unam iji na renva iji fu ma God oimaikro na ijeg giriesame biom mukorigia reoin. Ijefuon na uri e iji Jesuon unam ma iji ja oijor iji naka ziegafiaknum kaniame vajai fian uruvana vajiain. Na vierafero na Mosison akaij iji mukorigia igiaga e kafob gieme vierafero na Godon nifak ijia na maturaivaro bu ijeg vierafekro na ijeg reoin.

1 Timoti 4:14

Regavo amur aba anerene ik on rene vuak kuardiamo ijia e Godon vuak vierafene kuaimo be fu ik on a rekfuon iji fun kuardain. Regavo e mamkanuk roin bu imut nigen abedevga God fu ik on ijefuon daro main. Ijefuon daro iji God fu mainma iji ab rubdame nui girek revo ire iji nika mukor igia mimatame re. Regavo nika oion ijekma ikrega e fok bu ik on ma iji a mukorigia rene vako bu iji gak.