Eks 2:9 - Namiae

^9-10 Regavo no e roin no e Fatiako ga Meidko ga Eramko ga Mesafotamiako ga Judiako ga Kafadosiako. Regavo e roin no e Fontasko gavo ar be Eisia uf ijia revo roin Frigiako ga Femfiriako. Regavo roin e Ijiftko ga roin e Ribiako guf ar Sairini samaij ijia ruain. Regavo madu e kamono e Romko ga madu e roin no e Kritko ga Arabiako ijia ruain.

Eks 2:9 Iomraidhean Croise

Eks 16:6

Bun vake moik Firgia ko Garesia guf ijia vako ijia Godon Kaven fu kia, Ja Godon vuak iji jab abe Esia vakno kiamga buba ijia vain.

Eks 18:2

Fu ijia kekome e Jius be bu kua Akuirano kuavo ijiga bara fuon Frisira iji biediain. E Akuira bu mai Fontas ijia nafen rega fu iviakma fu ar Itari areme ruain. Ijefuon maiji E Itaribuon Kin Krodiasri e Jius uruvana ar Rom guf ijia karinva iji fuka kuriairme rotkuriain. Fu kia, Ni uri vafno kiamga Akuira fu ijefuon barafuok uri ar Korint ijia ruain.

Eks 19:10

Bu ijegrevake juaivasia nokarok (3) barko e Jius abevo e Jius bakin iji mai Esia guf ijia karinva iji bu E Bomana ijefuon vuak iji fain.

Eks 19:27

Fu ijegredo rad ik igi no rejo iji fuka iserek. Regavo be iji na vierafega rad ar god Atemis fu fino iji madu fuka ma bakrek. Revo fuon izeg fu bomana renma iji fuka iserek. Regavo god iji bu e uruvana Esia karinva iji abevo e moik uruvana igia karinva iji bu fuon sirimamejno kiain.

Eks 19:31

Regavo madu kaifon roin bu e mamkanuk rene mai iji samuavo roin buk bu For vuak nijame kume, Ab e uruvana bu afuinva ijia vakno kumen.

Eks 2:8

Regavo noiji no isama kafokafo kuaiv revo e Gareriko gafi bu izeg vuak nuvuon kuaiv?

Eks 20:16

For fuba ar Efisis ijia vainma ijefuon maiji fu vierafero fu tavan uruvana fuba ar Esia guf ijia okro fu ijeg vierafene fu ar Efisis asim vain. Regavo fu vierafe fuka migegare va Jerusarem ijia kekokafa fu ijeg vierafen. Ijefuon maiji fu tavan iji bu kua Fentikosno kuavo ijefuon tavan ijia fu buna rekafa vierafen.

Eks 20:18

Fun ijeg kiamga e iji bun rokga fu uri ijeg kuardiain. Fu kia, Amur na ar Esia guf ijia ruainva ijia na izeg jana oinva iji jan vierafen.

Eks 20:4

Areme e Fairuson farif Sofata kuavo e Beriako iji fun fusik vain. Regavo e uruvana buk bu funa vain gavo e iji funa vainva ijiebuon if iji ijeg. E Tesaronaikako nokarok (2) e Aristas ko Sekudas ga e Gaias Debiko ijigam e Timoti ga Taikikas ko Torofimas e moik Esiako ijieb funa vain.

Eks 21:27

Areme vuik besum (1) iji barekreno ijia e Jius kafo ar Esia guf ijia karinva ijieb aru Godon ar ijia For gain. Bu game uri e uruvana ruainva iji biesiavga bu zieme uri For kunain.

Eks 24:18

Na tavan ijia Godon ar ijia aru Godon isuf baroija bu ijia gien. Regavo na ire iji e Jius no rega ise nuvuon fu barekfuon iji nan re barenva ijia bu gien. Regavo e kafo buba ijia aru nana ijegrejknum e kafo buba ijia bijaiknum zienamin.

Eks 27:2

Areme non uri sisim be fu ar Adtramitiam Esia guf saof ijia okreno ijia ajieme non vain. Non vakoga e Aristakas e iji fu ar Tesaronaika Mesedonia guf ijia ruainma iji fun nona vain.

Eks 6:9

Regavo e roin bun ijeg afuivo ijiebuon if bu kua E Oi Mafaiva kuavo ijigam e Jius ar Sairinko ijigam Areksadriako ijigam e Sirisiako ijigam Esiako iji bu ijia ruainva ijieb uri Stivensina kuain.

Eks 7:2

Fu ijeg kuamga Stiven fu uri kia, Uviaifnun ga asoifnun gurie igia faif. God e iji sanainma fuon fuka zin igeg iramo iji fun usuibe sainuvuon Eburam fuba ar Mesofotamia arega Aran vainma ijia fun fu bien. Fu bieme kua, Ni ar on igeko e aganon igi arega uri ar be nar nijaidakrejo ijia vakne kuain.

Romens 16:5

Regavo madu na e iji bu besum ar buon ijia afuime God aroivo iji anadiav. Regavo na e Efainitas na oijmavo iji anaiv. Fuiji fu ai Esia guf ijia fur amur Jesu Kurais ma vierafen.

1 Korintiens 16:19

Regavo igia fai e Godon agan bu ai Esia guf ijia karinva iji bu ja anadiav. Regavo Akuira ko Frisira buk madu bu E Bomana ijefuon if ijia kukma ja anadiav. Regavo madu e iji bu ar buon ijia besum afuime God aroivo iji buk ja anadiav.

2 Korintiens 1:8

Regavo kaifnun igia faif. No ai Esia ijia afikin iji no biediainva iji buka mamkanuk no izeg giriesame asusekfuon bakin no ijin biediain. No afikin iji biediame noka uruvana vajai fian abeknum vierafero non aoikro no ijeg vierafen. Regavo no vierafe noba aoikfuon ijefuon maiji no vierafe God fu e aoivo iji fu kiaga bu una urij. Regavo ire iji bu nuvuon rejo iji no daro nuvuon ijia biduakva bakin. Regavo noka Godon daro ijia biduakuai bu ijefuon nuvuon ren.

2 Timoti 1:15

Regavo an vierafe e fok God ma vierafejo igi Esia guf ijia karinva ijigam e Faijeras ko Emogenis iji na bun uzam vain.

1 Fita 1:1

Na Fita e iji Jesu Kuraison afasor rene vuak fuon abe oijo iji nar fas igi isoime e iji ja God fu ik anej ijia vierafene ke uniainma iji nijiav. Regavo ar jon ma iji fu varur ijia revo jam moik ijia e kafobuon moik Fotunatas ga Geresia ga Kafadosia ga Esia ga Bitinia ijia karij.

Revareson 1:11

Na fai fu ijeg na kuardien, Irerag fok a giamo iji buk ijia isoimne kien. A isoime abe e God ma vierafejo ar mai seven (7) karinva iji nijiamne. Ar mai if buon iji Efisis ga Smairna ga Fegamam ga Taiataira ga Sadis ga Firaderfia ga Reodisia iji nijiamne.

Revareson 1:4

Jon nar vuak igi isoime e Jesu ma vierafejo bu besum afuim sirimamejo mai seven (7) ai Esia guf ijia karijo iji nijiav. Regavo na sirimamega God e iji fu usuibe ijia fine ruainma ijiga madu vek fino ga rad ruakreno iji fu tavan bog ja ma rediame mukorigia ifejdiame samuagdiaga ja afuime kariokfuon. Regavo madu na vierafe Kaven Akaij iji Godon fata ma iji nifak ijia ik seven (7) rejo iji fuk ijeg ja samuagdiakfuon.