Eks 2:4 - Namiae

⁴ Godon Kaven ijar e fok ijiebuon oij ijia arume nirokiamga bu uri isama kafo bu faivo bakin ijia nanuame kuain.

Eks 2:4 Iomraidhean Croise

Metiu 10:19

Bu ja ijeg tofdiame aferdia vaga jab uri oiserdiamo. Regavo madu jab vuak irerag ja bu kuardiakfuon iji ga madu izeg ja kuardiakva ijefuon oifian abek. Ja tavan ijekin iji biediavo ijia vuak irerag ja una bu kuardiakfuon iji jam jar vierafekva bakin. Regavo vuak iji fu Asoijon ijefuon Kaven Akai ijar vif vajiaga ja kuardiakfuon.

Mak 16:17

Regavo e iji eraneb bu na ma vierafejo iji buka ire sumakin kafo rek. Bu if nun ijia kaven ise iji kiaga bu usem vak vo madu buka isama kafokafo kuaik. Regavo madu tabar jakia vo bu imag ikva iji buba aoik. Regavo e iji eraneb bu na ma vierafejo e ijieb bu e iji adam abejo iji imut nigen namdiaga bu madiakno kiain.

Ruk 1:15

Regavo Godon nifak ijia fuiji fuka ma e bomana reken. Fu vuain ga do kugi kafo fuba ik. Regavo tavan iji bu fu nafekva ijia fuka Kaven Akai ijar oifuon ijia rareken.

Ruk 1:41

Meri fu Erisabet anaiko am ijar Erisebeton defok ijia katin. Regavo Erisabet fuka Kaven Akai ijar oifuon iji samuamo ijefuon fun uri uruvana igia kume, Aiji aka bara uruvana ijiebuon araf ijia if on fuka ma bomana rekfuon. Regavo amon iji fuk if fuon fuka ma bomana reken.

Ruk 1:67

Jonon asoi Zekaraia fu Godon Kaven ijar oifuon ijia arimga fu uri Godon vuak ma igi kuai.

Ruk 21:15

Ijefuon maiji nar oijon ijia ga nigen jon ijia vuak vierafe vajiaga ja e iji bu ja kam vuak gigikin kuardiavo ijiebuon vuak iji karatuame una roin kuardiakfuon.

Ruk 4:1

Tavan iji Jon fu Jodan do ijia Jesu do ruardame barekoga Godon Kaven ijar oifuon ijia arime raren. Rega Kaven Akai iji fun Jesu dab ninarume fun afeme ai moikum namo ijia vakoga Setan fu naki foti (40) ijeg Jesu biesuaoin. Regavo tavan iji fu oinma ijia fuka duok kafo ba ioin. Fu duok ba ioko fun naki foti (40) ijeg barenma buin ijia fuka vasia mukoi guain.

Jon 14:26

Regavo e iji fu ja ifejdiakfuon iji Godon Kaven Akai ijar ga iji fu Asoinun ijar if nun ijia kuaga fu ari jon ruak. Regavo fur ire fok nijaidiaknum ifejdiaga ja vuak fok na kuardiainva iji jaba rumdiagavo ja mukoi vierafeknum ok.

Jon 20:22

Jesu fu ijeg kuardiame fun uri ivuat fuon vajiaknum kia, Kaven Akai igi na vajiavo ijin kef.

Eks 1:5

Ijefuon maiji Jon fu do ijesugin ja ruardiav revo iviakma igi God fu Kaven fuon uniafdiakno kiain.

Eks 1:8

Regavo Godon Kaven fu oijon ijia arikma ja ijia daro abene vuak nun iji amarigia e nijaidiak. Ja e Jerusaremko ijiga e Judiako ijiga e Sameriako ijiga e ar iror ijia karioinva iji nijaidiaok.

Eks 10:46

Ijefuon maiji bu fai e Jius bakin iji buka vuak nanuame kuaiknum Godon oimarev. Rega Fita fu uri kia, E be fuba e igi bu do ruaikrejo iji bijukuriak. Buka izeg Godon Kaven iji no abenva buk ijeg aben. Ijefuodo buka Jesu Kuraison if ijia kege do ruardiak. Areme bu Fita kuava fu naki sibank fu ijia buna fin.

Eks 11:15

Ijegrene na ik vuak kuaivo ijia Godon Kaven fu izeg amur oi nuvuon ijia ruainma ijeg fu oibuon ijia ruain.

Eks 11:24

Regavo e Banabas fuka e ma fu God ma vierafen ga Kaven Akai fuon ijefuon daro iji aben. Ijefuon e uruvana fur oibuon ke karoimga bu una E Bomana iji ma vierafen.

Eks 13:52

Regavo e Jesuon vuak faivo ar Entiok karinva iji fu Godon Kaven ijar oibuon ijia arima bu oimarvknum oin.

Eks 13:9

Fu ijegrekoga e Sor if fuon be For iji fu Godon Kaven ijar oifuon ijia arimga fu uri e iji e masifdiamo iji nikajame kua, Aiji a Setanon farif gavo aka ire ma igiena bijaikreno kuain. Revo madu vajat on fuka ire isekma ijieb ajiemdainva ijefuon aka naikafare E Bomana ijefuon vuak ma iji abe kufuimene kuaimon.

Eks 15:8

Regavo God fun e fok ijiebuon oij iji fun giainma ijefuon fu uri Kaven Akai fuon kege izeg fu no uniafduinma ijeg fu kege e Jius bakin iji uniafdiain. Fu ijegrenkin e fok bu vierafero God fun e Jius bakin iji aferdiame una efuon renmaro bu ijeg vierafek.

Eks 2:11

Regavo e roin no e Jius ga roin no e Jius bakin revo nom e Jiusbuon unam bu rejo no ijeg reoij. Noiji no ar iror ijia ruain revo e iji bu isama nuvuon ijia una karoim ire ma iji God fu renma iji kuarduoga no faivno kuain. E fok bu vuak iji faiva buka oiserdiama bu una bui kuai, Vuak igi bu kuaivo ijefuon maiji ireragno kuain?

Eks 2:3

Areme bu gak ire be mian igeg vuije ikikene e besubesum ijiebuon vajat ijia kiren.

Eks 4:31

Bu ijeg Godon sirimamene barekoga ar iji bu ijia afuinva iji fu dab katin. Fu ijegreko e fok bu Godon Kaven Akai ijar oibuon ijia arimga buka uri anerene Godon vuak iji abe darokma e kuardiain.

Eks 4:8

Bu ijeg kiavga Fita oifuon fu Godon Kaven ijar rarenma ijefuon fu uri kia, E makin gurie ja ire ma iji no izegreja e diak garenma iji fu urinma ja iji gakva ni are no samakaf visu kuardiaf.

Eks 6:3

Ijefuon uviaifnun ni jakikum e uguaikin iji bu Godon Kaven iji igavo ijia kega bur unam iji samuak. Regavo noiji no koiknuvuon Godon sirimameknum ga vuak fuon ijesugin abe e roin kuardiak.

Eks 6:5

E fok buka afasor ijiebuon vuak iji faiva buka oimadiain. Ijefuon bu uri e Stiven e ka God ma vierafeno Godon Kaven Akai iji igamo iji aben. Regavo madu uri e Firif ga e Frokoras ga e Nikano ga e Timon ga e Famenas ga e Nikoraus e be ar Entiok ijia ruainma fu una e Jius ijiena mazinma ijin ken.

Eks 6:8

Stiven e iji ka Godon daro bomana oifuon ijia arinma ijar ire sumakin fok rejknum ire ma iji e fok ijiebuon ren.

Eks 7:55

Regavo Stiven e ka Godon Kaven Akai ijar oifuon ijia raren ijefuon fu gafeg varur gufia ga God fino ijia fuka sanako Jesu fu una Godon imut maink ijia fin.

Eks 8:17

Areme Fita ko Jonbi e iji imut nigen namdiava bu Godon Kaven iji aben.

Eks 9:17

Ijefuon Ananaias fun va ar ijia kekome aru imut fuon ijia Sor kunaime kua, Sor uviainu na E Bomana ijar na kiemga na ruain. Jesu e iji a igia ruakafa roko unam gafia a gainma ijar fu una ni on iji amarega kaven fuon iji fu oion ijia ari a samuagdakafa fu iji kiema na igia ruain.

Romens 15:13

Na joifuon Godon sirimamej. Ijefuon maiji na vierafe God fur oijon ijia vierafe vajiaga ja kaifjon ijiena afuime oimarknum karivak. Regavo ja fu ma vierafejo ijefuon fu Kaven Akai fuon ijefuon daro ijia ifejdia vo samuagdiak. Fur samuagdiaga ja tavan uruvana ire ma ijesugin fu oijon ijia vierafe vajiaga ja oimarknum vierafek.

1 Korintiens 12:10

Regavo madu fu Kaven Akai besum ijar e roin daro miaga bu uri ire sumakin kafokafo ema bu rejo bakin iji rej. Regavo madu fu una e roin daro miaga bu Godon ir ijia vuak faime una e roin kuardiav. Regavo madu fu e roin daro miaga bu uri e iji bu Godon Kaven abe vo bu kaven ise abenva bu iji samakaf giame kiav. Regavo madu fu Kaven besum ijar e roin daro miaga bu uri isama kafokafo bu ba vierafenva ijia kuaiv. Regavo madu fu e roin daro miaga bu e iji isama kafokafo ijia kuaivo ijiebuon vuak iji ke karoime e iji Kurais ma vierafejo ijia afuinva iji kuardiaga bu faiv.

1 Korintiens 13:1

Na vierafe na uri ire sumakin rene e fokbuon isama iji abevo anera fokbuon isama iji faime kuaimokafie vierafen revo naba una kaifnun roin oijmiakva iji isama kafokafo na kuaikafie vierafejo buka ma bakin revo buka buzer.

1 Korintiens 13:8

Regavo ik kafokafo iji Kaven Akai ijar kege no vajuome daro muoga no reoijo iji buka ma ikin. Regavo tavan abekma ik iji no reoijo iji bu barek. Regavo ire iji ka ma ikin ga tavan rad barekma bakin iji e oijmiavo ijin. Kaven ijar ik kafokafo muome kuo, Godon vuak ma iji abe kuaiknum e kafobuon isama ijia kuaiknum Godon vuak ma iji abe e roin nijaidiafno kuin revo iji fok tavan rad buka barek.

1 Korintiens 14:18

Naka Godon bomana oimarek. Ijefuon maiji na nunkua fijo God fuka daro miega na isama kafokafo ijia mukorigia sirimamej. Ijefuon na vierafega unam ijeg no rejo ijia naka nar ja mukorigia asidiain.

1 Korintiens 14:5

Regavo na vierafe nun iji be kuardiako ni faif. Na vierafe Kaven Akai fu daro miaga ja isama jaba faivo ijia kuaikva iji fun maren. Regavo na vierafe Kaven Akai iji fu madu daro miaga ja uri Godon vuak iji abe e kuardiakfuon. Ijefuon maiji ik ijar fuka ma bomanak. Regavo una isama kafo ijia kuaimokfuon iji fu ma bakin. Ijefuon maiji a e be fu vuak a kuaimon iji fuba abe dakaroime e iji mukoi nijaidiakma vuak on fu izeg bu ifejdiakma bakin. Ijefuon vuak on a kuaimon iji fuka ma bakin.

Efisiens 3:19

Iji fuka ma God izeg fu e oijmiamo iji fu erar mukorigia game vierafenma bakin. Regavo no joifuon sirimamega ja koikjon uri unam izeg Jesu Kurais fu ja oijmiamo iji mukorigia game vierafek. Regavo na sirimamega Godon ma iji fok fu oijon ijia rare vo madu jaka fu aikin rek.

Efisiens 5:18

Regavo ja do kugi iji ine nigen iservo iji nika aref. Ijefuon maiji do kugi ijar unam jon ja ma karivakfuon iji kam arafiriak. Revo nika Kaven Akai ijar abega fu tavan bog oijon guf ijia rare ga fur ijia fine ja samuagdiaf.

Efisiens 6:18

Regavo ire fok ja rekva iji ni arega Kaven Akai ijar nijaidaga ni ijia jame sirimamef. Ijefuon jab dazme karikfuon gavo jaka uri samuaknum karik. Regavo tavan kafokafo ijia ja sirimamejo ijia ni e iji God ma vierafejo ijiebuon sirimamef.

1 Fita 1:12

Regavo Kaven Akai fu kia vuak ma iji fu usuibe kuardiainma iji fu tavan buon ijia rekma bakin gavo fu tavan jon ijia rekno kiain. Ijefuon iviakma vuak ma iji Kurais fu no karaunuinma iji e bu ja kuardiavo iji bu Kaven Akaij iji fu kaf gufia ari ruainma ijefuon daro ijia kuardiain. Regavo Godon kaven dakin iji buk bu vuak besum iji faikuai vierafen.