Eks 19:26 - Namiae

²⁶ Regavo iviakma jan koikjo e iji bu kua Forno kuavo iji irerag fu reno iji jan faivknum gain. Fu kuai god iji bu e imut ijia amardiainva iji bu god ma bano kuaim. E iji fuka ijegreoijknum e uruvana biesiako e Efisisko igi abevo e moik Esia guf ijia karinva uruvana buka una vuak fuon abej.

Eks 19:26 Iomraidhean Croise

Eks 17:29

Regavo jan Godon afijaf renva ijefuon jab vierafero ema kafo bu aresredo bu ire gord ga sirva ga mun ijia kege God ma iji amarekro jab ijeg vierafek.

Eks 18:19

Areme bu roke ar Efisis ijia usem For fun bara Firisra ko e Akuira ijin ijia uniame fun va e Jiusbuon ar bu afuime vuak kuaivo ijia vain. Fu va ijia kekome buna vuak amarigia dasume kuaimga bu kua, A nika naki uruvana igia nona fine kuain. Bu ijeg kuava fuba igiain revo fu vakafa uri kia, Godri na kiekma na una giak ruakno kiain. Areme fun sisim abe ar Efisis areme vain.

Eks 19:1

Ijegrene Aforas fu vek mai Korint ijia fiko For fu moik Frigia guf ijia urame vake mai Efisis ijia kekoin. Fu ijia kekome e Jesuon vuak faivo iji biediame kia, Ja tavan iji ja Jesu ma vierafenva ijia jabe Godon Kaven abenvano kiain? Fu ijeg kiamga bu kua, No Godon Kaven iji noba vierafenvano kuain.

Eks 19:10

Bu ijegrevake juaivasia nokarok (3) barko e Jius abevo e Jius bakin iji mai Esia guf ijia karinva iji bu E Bomana ijefuon vuak iji fain.

Eks 19:25

Ijefuon fu efuon ik rejo uruvana abevo e kafo ik ijekin rejo ijin kumena bu besum afuin. Bu afuivga fu uri kia, E gurie ik igi no rejo iji noka mon mukor amarvo iji jan vierafen.

1 Korintiens 12:2

Jan vierafe ur jaba God sirimameknum kari ruainva ijia ja e iji bu god kufui ijiebuon sirimamejo iji jajiame unam buon aben. Ja ijegreoinva ijefuon unam ise buon ijar ja kema ja dasuaime una unam ise kafokafo reoin.

1 Korintiens 8:4

Na madu una vuak kafo fanuf iji bu kege god kufui iji isuf baroijo iji bu karme ijo ijefuon kuardiak. No fanuf iji no kege ijo ijefuon maiji no ma vierafega ire iji bu imut amardiainva iji bu god ma bakin gavo buka god kufuij. Regavo God ma iji no vierafe fun ma besum ijesugin.

Garesiens 4:8

Usuibe jaba God ma vierafenva ijefuon moik igefuon kaven kafokafo bu god ma bakin ijieb ja samuagdiain.

1 Tesaroniens 1:9

E fok vuak jon bun faim barenva ijefuon bu izeg no jon vuakga ja oijmuome afeduinva iji bur kuarduin. Regavo madu bur izeg ja god kafokafo kufui iji aregavo una God ma iji tavan bog ijia fivako ijefuon ja anerene ik rejo iji bur kuarduin.

Revareson 9:20

Regavo e iji ire ise ijieb ba kaniainva iji buba ire iji bu imut ijia amardiainva iji nuigafiame subim vain. Regavo bu vek kaven ise ga ire iji bu in ijigam gord ga sirva ga mun ijia amardiainva iji bu ire kafo giaknum ga kativo ga vuak faivo bakin ijiebuon sirimamej.