Eks 17:23 - Namiae

²³ Regavo na mai jon guf ijia aru oknum ar uruvana ja god jon sirimamejo ijia na giaga fata be ja isuf baroijo ijefuon buin ijia ja vuak kafo God be jaba gainva ijefuon isoin. Regavo iji ja fuon sirimamejo iji jaba gain revo iviakma nar ja kuardiakrej.

Eks 17:23 Iomraidhean Croise

Metiu 15:9

Regavo madu buon bu sirimamene na vierafeoijo iji ma iji fuka bakin. Ijefuon maiji bu Godon akaij iji e nijaidiavo bakigavo bu ema ijiebuon akaij iji kege e nijaidiavno kuain.

Jon 17:25

Asoinun ma ijesugin kegoino e iji moikigia karioijo iji bu a buba mukoi vierafen gavo na a nan mukoi vierafen. Regavo madu e vuak nun faivo iji buk bu ma vierafega ar na kiema na moikigia ruain.

Jon 17:3

Regavo unam ma karivako iji fu ijeg. E bu una a vierafe a God ma besum ijia fino iji ga na Jesu Kurais iji ar kiema na ruainva bu ijeg ma vierafekva bu unam ma karivako iji abek.

Jon 4:22

Regavo ja e Sameriako iji ja erafon sirimamejo iji jaba mukoi vierafeknum sirimamej. Regavo e Jius noiji no erafon sirimameknum aroivo iji non mukoi vierafen. Ijefuon maiji God fu e fok karauniakfuon iji fu e Jius ijia kuamga fu ari ruain.

Jon 8:54

Bu ijeg kuardavga fu kia, Na uri koiknu nun sanainma iji abe aroikva iji na vierafe fuba marek. Regavo e iji fu nun sanainma iji abe arordiekfuon iji fun Asoinun e iji ja kume fuka God jonno kumejo ijar fuonkua arordiek.

Eks 17:30

Usuibe e uruvana buba Godon ma iji gainva ijefuon bu isema reoijor fuba ke arafiriakafa vierafeno bakin. Regavo iviakma fun e fok karioinva iji kiamga bu unam ise iji bu reoijo iji areme una oi karoime unam ma ijia karioin.

Romens 1:28

God fu giamga e fok bu unam ma iji fu vierafenma iji buba javga fu arekoga e iji bu oibuon iji buba mukoi vierafene reoin. God fu bu arenma ijefuon ire ise iji bu vek ijia reoij.

1 Korintiens 1:21

Ijefuon God fu fuon vierafenma ijia fu e iji bu buon bu mukoi vierafejo ijia God gakuai giriesavo ijiebuon vierafe iji fuka mukorigia bijukuriain. Fu ijegrediagavo una e iji bu vuak fuon ma iji ma vierafejo iji fu karauniam. Regavo vuak iji e bu abe ma vierafejo iji e moik igekor bu vierafero fu isero bu ijeg vierafej.

1 Korintiens 8:5

E roin bu vierafero god iji ema imut amardiainva iji buka ma uruvana moikigia ga varur gufia karinvaro bu ijeg vierafene buon sirimamej. Regavo no vierafega God Asoinuvuon iji fuka ma besum ijesugin. Fur ire fok amardiain ga fur no amarduinma ijefuon no fuon vierafenma ijesugin jame keok. Regavo madu E Bomana nuvuon fun Jesu Kurais fuonkua. God fu Jesu ik fuon fu mainma iji fu ire fok amareknum samuagdiakro main. Ijefuon noiji no Jesu Kuraison azan ijia no ni uria karine rok.

Efisiens 2:12

Regavo ja usuibe tavan besum Jesu Kurais jaba mukoi vierafen. Jaba Godon e iji fu usuibe kege uniainma igegrenva ijefuon jaiji ja e Jius bakin igeg kari ruain. Jaba Godon Akai iji fu usuibe efuon ijiena iganamikafa fu kuainma iji guf ijia kari ruain. Regavo ja moikigia jaba God vierafeknum karioin. Regavo madu ire ka ma mamkanuk kafo God fu rad jon rekfuon iji jaba vierafeknum kari ruain.

2 Tesaroniens 2:4

Regavo e iji ma ise reoinon iji fuka kaven kafokafo ga god kafokafo ema bu sirimamejo ijiebuon vuak ise kuaiknum bu kam buze ifdiak. Fu ijegrene fuka koikfuon dab e ma rene una ire uruvana samuagdiak. Fu ijegrejknum vo madu fuka va Godon ar ijia aru fine e uruvana kuardiame kiak fuiji fuka Godno kiak.

1 Timoti 1:17

Regavo na sirimamene God aroiknum if fuon abe ajiek. Regavo fu E Bomana God ma iji no gavo bakin gavo fum tavan bog ijia fivak. Regavo na vierafe noka if fuon sanainma iji abe tavan bog aroime vakfuon.

1 Jon 5:20

Regavo fun Jesu Godon Farif ijar ari moikigia nona oknum nijaiduinma ijefuon no God ma vierafej. Noiji no God ma ijiga Farif fuon Jesu Kuraisna karioij. God iji fu God ma ga fuiji fu unam ma karivako ijin.