Eks 15:9 - Namiae

⁹ Regavo fu e Jius bakin iji ga no fuba ke ata kafokafo ren. Revo buka fu ma vierafenva ijefuon fu ise buon giame aren.

Eks 15:9 Iomraidhean Croise

Eks 10:15

Fu ijeg kumega vuak be fu una madu kaf gufia kumen. Ire ijekin iji fun usuibe Godri ja ikfuon amardiain ijefuon ab kua duok iji bu iseno kuaik.

Eks 10:34

Fu ijeg kuardame arekoga Fita fun uri anerene kia, Iviakma nan vierafega God fu e roin oimardiaga e roin fu uzamo bakin. Regavo fum e moik kafokafo eraneb fu ma vierafeknum ma rejo iji aferdiam.

Eks 11:12

Bu ijia irekoga Godon Kaven fu na kie, Ab mani vierafek nin buna vakne kien. Areme enun God ma vierafejo e sibank buk bu uri nana vake Koniriason ar ijia usen.

Eks 14:1

Ire iji ar Entiok ijia renma ijeg ar Ikoniam ijia fu una madu ijeg ren. Ijegreko For ko Banabas bu va ar e Jius bu afuime vuak kuaivo ijia arume vuak mukor igia kuaivga e Jius iji abevo e Jius bakin fok bu God ma vierafen.

Eks 14:27

Bu Entiok ijia useme e sos ijia karinva fok afuime vuak fok God fu buna reoinma ijin kuardiaknum izeg fu unam amardiama e Jius bakin iji bu Jesu ma vierafenva ijin kuardiain.

Romens 3:22

God fu e iji bu oibuon ijia Jesu Kurais ma vierafejo ijiebuon ise iji giame aregavo bu karauniame una unam fuon ma ijia uniain. Regavo e fok no Godon nifak ijia no besum. No kafokafo bakin ijefuon maiji e fok no ise uruvana reoijo ijefuon no Godon sanainma iji noba gain.

Romens 3:9

Ijefuon ja izeg vierafej? Ja vierafega e Jius noiji Godon nifak ijia non maturain gavo e Jius bakin iji bu Godon nifak ijia buba maturain? Iji fuka bakin revo e fok no Godon nifak ijia noba maturain revo noka ise uruvana rej. E Jius abevo e Jius bakin iji no besum Godon nifak ijia noba maturain. Regavo vuak iji nan usuibe kuardia ga nijaidiava jan vierafen.

Romens 9:24

God ire iji fu rekma fu e igi no fu kege unuinma iji nuvuon rek. Regavo ire iji fu rekma fu e Jius ijesugin ijegrekma bakin revo fu e Jius bakin igi no madu ijeg rek.

1 Korintiens 1:2

Fas igi na isoinva iji na Godon sos iji ja anadiav. Regavo jaiji fun Godri ik amur ijia ja e akai fuon rene karikfuon fu iji kumen. Regavo madu fun ik amur ijia ja kege una Jesu Kuraisna besum uniain.

1 Korintiens 7:18

Regavo efarif be erar fun surif fuon kana ufu Godon anf iji abeko God fu ijia fu kumenma iji nin ijeg fivakne. Regavo madu erar fuba surif fuon kana ufuko God fu ijia fu kumenma iji fuk nin ijeg fivakne.

Garesiens 3:28

Ijefuon e fok eraneb ja Kuraisna renva iji jan funa besum ren. Ijefuon ja e Jius ga e Jius bakin ga e kafobuon ikrejo ga baru ga barak iji ga e uruvana jab e kafokafo ijeg vierafejo revo jan Jesu Kuraisna besum renva iji vierafef.

Garesiens 5:6

Regavo e iji no Kuraisna besum renva iji ja e vajai jon ijia kania ufume anf nain revo jaba anf nakva iji jab bomana vierafek revo ja e ni kafokaforo jab ijeg vierafejo. Regavo ire besum iji ka ma bomana iji jon ja Kurais ma vierafejo ijar ja ifejdiaga ja e oijmiaknum ma rediakfuon.

Efisiens 3:6

Regavo Godon ire sauivkin iji fu abe sauinma iji God fu Farifuon Jesu kuama fu ari ise nuvuon ijefuon guain. Fu ijegrenma ijefuon maiji fu vierafe fuka e Jius bakin iji abevo e Jius iji kege una agan besum rene uniak. Areme fu kiaga bu unam ma karivako iji God fu Jesu Kuraison duadok ijia miakno kiainma bu iji abekfuon.

Korosiens 3:11

Regavo Kurais fuonkua fur e ni kafokafo iji ka besum karauniamo. Ijefuon fur e Grik ga E Jius ga e iji vajai anf nain ga ba anf nainva ijigam e iji isama kafokafo kuaivo ijigam e kafokafo bu e kafobuon ikrejo ga bu buonkua ikrejo iji Kuraisri e ni kafokafo iji besum karauniain.

1 Fita 1:22

Godon vuak iji tavan bog ijia navako ijar unam iviamkor ma iji abe miain. Regavo ja Godon vuak ma iji ja ma igain ijefuon oijon iji fun mukorigia amardo iviakma jan kaifjon bu God ma vierafejo iji oijmiav. Ijefuon iviakma ni oijon ga daro jon ijekma jon oijmanamif.