Eks 15:7 - Namiae

⁷ Bu vuak iji dab kuaime siguvga Fita fu uri kia, Efnun jan vierafe usuibe God fu ja uf ijia fu na kiema na uri vuak ma iji abe e Jius bakin iji kuardiava bu vuak iji faime ma vierafenvano kiain.

Eks 15:7 Iomraidhean Croise

Jon 15:16

Regavo jaiji jam jar nun ruainva bakin gavo nar ja kenvano ni va tavan bog if nun ijia unam ma ijesugin kegokfuon. Ja ijegrenki ja ire kafofuon if nun ijia Asoinun kuakva fu ifejdiak.

Jon 3:27

Bu ijeg kuardavga Jon fu una kia, Fu erar daro fuon ijia ire ijekin kafo reokma bakin gavo fun Godri kuakma fu moikigia ire ijekin iji reok.

Eks 1:24

Bu e iji kege Godon sirimamene kua, E bomana a e fok ijiebuon oij iji ar giamon ijefuon e nokarok (2) igi giame e a vierafenma iji nijaiduomne. E Judas fu vuak on abe oinon ijia fu ik fuon iji areme ar fu vakfuon ijia vainmano ni erar fu ar fuon abekfuon iji nijaiduomne kuain.

Eks 10:19

Bu ijegreko Fita fu vek ijia fine ire iji fu nimamaime gainma iji vierafeno ijia Godon Kaven fu kua, Saimon e nokbek (3) bu a nisaivno ni uri una moik ijia ari vakne kuain. Regavo ab mani vierafek gavo nin buna vakne. Ijefuon maiji e iji nar kiava bu ruainvano kuain.

Eks 13:2

E ijieb bu E Bomana ijefuon e iji ifejdiame sirimameknum duok karovga Godon Kaven ijar kia, E Banabas ko Sor iji kege garia be uniainki bu ik be na kiainva bu iji rekno kiain.

Eks 15:2

Bu ijeg kuardiavga For ko Banabas bu vuak ijefuon buna uruvana igia musikuaiknum nigarain. Bu ijegrene For ko Banabas ga e Entioko roin bu vierafe bu Jerusarem ijia e afasor ijigam e sos samuavo ijiebuon e mamkanuk iji vuak ijefuon giakuai vain.

Eks 15:39

Ijefuon Banabas ko For bu bui musikuaime bun unanamime vain. Regavo Banabas fun uri Jon Mak afem sisim abe ar Saifuras ijia vakga For fun e Sairas afem vakrega e God ma vierafejo bu kia, Ni Godon ma iji abe ofno kiain.

Eks 20:24

Regavo na vierafega naba koiknu vajai nun bomana vierafek. Na vierafega na ik nun E Bomana Jesu fu miema na ruainva iji re barek. Ik iji fu mienma iji fu kie, Ni vuak ma iji God fu fuon izeg fu ma rediamo ijia fu e uruvana karauniamo iji kuardiamne kien.

Eks 21:16

No vako e Jesuon vuak faivo kafo ar Sesariako iji bu nona vainvado bun no aferduome e iji no fuon vako ijefuon ar ijia vain. E iji if fuon iji Nason fu e ar Saifurasko gavo fu usuibe fu God ma vierafeno.

Eks 3:18

Usuibe God e iji bu vuak fuon vierafene kuaivo ijiebuon ir ijia kuai, E be gafia Godon ruakma fu vajai fian abekno kuainma ijefuon fu areko bu ijeg ren.

Eks 4:25

Ar usuibe Kaven on ijefuon duadok ijia sai nuvuon eon ikreno e Devidon ir ijia kuai, Irerafuon e Jius bakin iji bu Godon deajir abejno kuain. Unam ukakna iji bu Godon bui sivisanamivo iji fu una buzerek. Regavo e Kin roin ga e mamkanuk iji moik kafokafo samuagdiavo iji bu una besum afuime vuak kuaim iganamime E Bomana iji ga e iji God fu kuama fu ari ruainma ijiena bijaikuai vierafekno kuain.

Eks 9:15

Fu ijeg kuamga E bomana iji fu kua, Ni uri va gamne na fu kuaga fu nuifuon ik rene if nun iji abe ar iror ijia Kin ijigam e Jius iji kuardiaga bu if nun iji abe ma vierafek.

Firifiens 2:14

Regavo ik fuon fok ja rekva jab vuak kafo ijefuon kuaiknum vo ik ijefuon musikuaiknum ikrek.