Eks 11:30 - Namiae

³⁰ Bu ijegrene ire buon bu kege e Banabas ko Sor vajiavga bur kege vain.

Eks 11:30 Iomraidhean Croise

Eks 12:1

Areme tavan ijia Kin Erod fu e sos vako iji roin tofdia kam arafiriakafa vierafen.

Eks 12:25

Regavo Banabas ko Sor bu Jerusarem ijia ik buon bun re barme e Jon Mak afem una ruain.

Eks 14:23

Bu sos kafokafo ijia oknum vuak ijin kuardiaoin. Bu kuardiaoknum e mamkanuk kafo sos iji samuakfuon iji kege ijia uniaoin. Bu ijegrejknum duok karome buifuon sirimamene e iji kege una E Bomana iji bu ma vierafenva ijefuon imut tat ijia uniafdain.

Eks 15:2

Bu ijeg kuardiavga For ko Banabas bu vuak ijefuon buna uruvana igia musikuaiknum nigarain. Bu ijegrene For ko Banabas ga e Entioko roin bu vierafe bu Jerusarem ijia e afasor ijigam e sos samuavo ijiebuon e mamkanuk iji vuak ijefuon giakuai vain.

Eks 15:23

Bu ijegrene uri fas igi isoime miava bu abe vain. Regavo fas iji bu ijeg isoi, E afasor ijigam e sos ijiebuon e mamkanuk no efjon igi nor e Jius bakin iji God ma vierafejo bu mai Entiok ga moik Siria ga Sirisia ijia karinva iji anadiav.

Eks 15:4

Areme For ko Banabas bun ro Jerusarem ijia usevga e sos ijia karinva ijigam e afasor ijigam sos ijefuon e mamkanuk iji bu oimardiavga bu uri vuak fok God fu buna izeg reoinma iji kuardiain.

Eks 15:6

Areme afasor ijigam sos ijiebuon e mamkanuk iji bu vuak iji abe kuaime markuai besum afuin.

Eks 16:4

Bu ijegrene mai ijia vaknum akai fok e sos ijiebuon e mamkanuk iji bu Jerusarem ijia karine kuainva iji abe e God ma vierafejo iji kuardiain. Bu ijegre barme kia, Ni akaij iji abe amarigia igafno kiain.

Eks 20:17

Areme For fun ar Miritas ijia fine vuak e Efisisko iji nijiame kia, E sos ijiebuon e mamkanuk iji bu ro fu gafno kiain.

Eks 21:18

Areme afarma For fun nona e Jeims gakuai vain revo tavan iji e sos ijiebuon e mamkanuk iji bun ijia afuime karin.

Eks 4:36

E be if fuon Josof kuavo ijar ijeg ren. E afasor ijieb if fuon bu kua, Banabasno kuain revo if Banabas ijefuon ma iji e roin ifejdiamon. Fu e Rivait ga ar bu fu nafenva iji Saifuras.

1 Timoti 4:14

Regavo amur aba anerene ik on rene vuak kuardiamo ijia e Godon vuak vierafene kuaimo be fu ik on a rekfuon iji fun kuardain. Regavo e mamkanuk roin bu imut nigen abedevga God fu ik on ijefuon daro main. Ijefuon daro iji God fu mainma iji ab rubdame nui girek revo ire iji nika mukor igia mimatame re. Regavo nika oion ijekma ikrega e fok bu ik on ma iji a mukorigia rene vako bu iji gak.

1 Timoti 5:17

Regavo ni e mamkanuk iji eraneb sos ik samuavo iji mukorigia kimene mon buon vajiaknum arordiaf. Regavo ni e mamkanuk kafo ijia bu tavan bog nui bakin Godon vuak iji mukorigia uruvana kuardiaknum nijaidiavo iji ka mukorigia kimejknum arordiaf.

1 Timoti 5:19

Regavo e be fu kia e bomana sos samuamo be fu ise be renma kiaga jab uri fu fazdak. Regavo bu e nokarok (2) vo e nokbek (3) ijeg bu kuai e iji fu ise renma kuakva ni vuak buon fai.

Taitas 1:5

Regavo anej ma iji irerafuon aiji na moik Kurit ijia uname ruainva iji a ik buin na ijia are ruainva a iji re barekafa na iji uname ruain. Regavo e sos samuakfuon iji a mai besubesum ijia kekfuon. Regavo vuak irerag na a kuardainva iji ni mukoi vierafe. A vierafekin tavan iji a e sos samuakfuon iji kekma aka e iji fuka unam maturainma ijia kegoino ga bara besum abenma iji abekfuon. Revo afijaf buka Jesu ma vierafeknum eofijaf igiavo ga unam ise kafokafo rejo bakin ijia game abene.

Jeims 5:14

Regavo erar fu adam abeknum oga ni migegare e sos samuavo iji giaga bu sirimameknum E Bomana ijefuon if ijia oir abe a usemdaf.

1 Fita 5:1

Ijefuon na e mamkanuk sos akai samuavo iji na ja ejafiame kia. Nak na ejon bomana be nar Kurais fu vajai fian abenma iji gain. Regavo madu tavan iji fu una ruakma ijia God e bomana fuon ma iji sanainma ijigam daro iji fu kege e bu Kurais ma vierafejo iji nijaidiakma nak na ijia jana fateroin abek.

2 Jon 1:1

Fas igi e sos samuamo ijar isoin. Fas igi na isoime bara be ijiga afijaf na mukoi oijmiavo iji nijiain. Na nunkua ja oijmiavo bagavo e kafo bu God mukoi vierafejo iji buk ja oijmiav. Ijefuon no vierafe Godon vuak ma iji fu oinuvuon ijia namo iji fuka tavan bog nona navak.

3 Jon 1:1

Fas igi e iji sos samuamo ijar isoime e Gaias e na mukoi oijmamo iji nijain.