2 Timoti 1:8 - Namiae

⁸ Ijefuon ab E Bomana nuvuon ijefuon vuak iji fu e fok ifejdia karauniamo iji kuardiakafa juk revo na fuon ikrejo ijefuon na dibur fijo iji ab gieme juk. Regavo nika igi na vajai fian abejo ijeg ak Godon daro ijia vuak fuon ijefuon vajai fian abene.

2 Timoti 1:8 Iomraidhean Croise

Mak 8:38

Regavo e be erar fu e vuak nun faimo rekro jumo ga vuak nun abe e ise rejknum God ba vierafejo iji nijaidiakro jumo iji Ema ijiebuon Farif igi na una Godon sanainma ijiga anera akaij ijiena una roko ijia nasik una bu giame jukno kiain.

Ruk 9:26

Regavo eraneb bu na jume madu bu vuak nun faikuai jukva Ema ijiebuon Farif igi nasik tavan radkma ijia bu uzaken. Na tavan iji na una nun sanainma ijiga Asoinun ga anera ijiebuon sanainma ijekma roko ijia na ijeg reken.

Jon 15:27

Regavo madu jar vuak nun abe e roin kuardiak ijefuon maiji ja ik anej ijia ja nana oknum unam nun fok jan gie baren.

Jon 19:35

Regavo e iji fu ire fok bu rejo fu ni fuon ijia giainma ijar vuak igi dab isoiga ja dame jak ma vierafekuai fu iji isoin. Regavo vuak irerag fu isoime kuainma iji fuk vierafega vuak iji fuka ma.

Eks 5:41

Bu ar e Jiusbuon e mamkanuk bu vuak kuaivo iji are usem ai makaf ijia ruaknum Godon bomana oimaren. Ijefuon maiji bu Jesuon azan ijia vajai fian abejo ijefuon bu oimaren.

Romens 1:16

Naiji na ma vierafe Godon vuak ma iji fuka ma ga ka darokin. Ijefuon erar fu vuak iji mukoi faime Jesu ma vierafekma God fu e iji keunak. Regavo vuak iji bu e Jius ijieb amur fain revo e Jius bakin iji bu rad fain.

Romens 16:25

No Godon oimarkfuon ijefuon maiji fu aresredo fur ifejdiaga ja jon ma vierafejo ijia jaka giriesame ok. Regavo vuak iji Jesu Kuraison vuak ma iji na abe e nijaidiaoijo ijar ijeg kuain. Regavo usuibe Godon vuak ma iji fuka ma sauime na ruain. Regavo iviakma vuak iji fun e Godon vuak vierafene kuaivo ijieb abe kuaime samafreja non gain. Regavo vuak iji e karauniakfuon iji fu Godri kuainma ijefuon noka vuak iji abe ar iror ijia kuaime samafrega e fok bu God ma vierafekfuon.

Romens 8:36

Regavo ire ise fok bu nuvuon roko iji bun usuibe Godon buk akaij ijia ijeg isoime kuai, God noiji no oifuon ik rejo ijefuon tavan bog e bu no ziegafuok vo no kanuokuai vierafen. Noiji bu maf-sif bu kania bua ijo ijeg bu no kam ijegreoijno kuain.

Romens 9:33

Na ai Jerusarem ijia e be abe mun igeg ijia ruabesek. Regavo mun ijar maniknum e uruvana diak nizukiaknum atog kaniak. Regavo erar fu mun iji ma vierafekma e iji fu tavan rad fuba oifian abekno kuain.

1 Korintiens 1:6

Ja ire ijegrejo iji jan Godon vuak ma iji fu Kuraison kuainma iji no abe nijaidiainva iji jaka abe gigikin vierafej.

2 Korintiens 6:7

Regavo madu no Godon daro ijia vuak fuon ma iji kuaivo bu ijia guov. Regavo madu unam nuvuon no mukorigia rejo iji fu ire magu nuvuon igekin ijefuon no ijia abe Godon vuak ijefuon bijaiv. No Godon vuak ijar magu ga darer igeg kege imut maink ga aizinan ijia kuniaime uri ise iji bu nuvuon roko iji rareknum oij.

Efisiens 3:1

Na For na e be Kuraison ik reoijo. Regavo iviakma na dibur igia fijo ijefuon maiji na joisina e roin kuardiame kia, Ja e Jius bakin iji ja Godon eno kiav.

Efisiens 3:13

Regavo e-e naka ejafiame kuardiavno jab igi na joifuon vajai fian abejo ijefuon bomana oifian abek. Regavo igi na vajai fian abejo iji na rad izeg ja Godon sanainma iji fateroin abekuai na iji joifuon vajai fian abej.

Efisiens 4:1

Naiji na e be E Bomana ijefuon ik reoijo ijefuon iviakma na dibur fij. Ijefuon nar ja ejafiame kiavno ni uri unam God fu vierafe ja ijia karikfuon fu kiainma ijia karivaf.

Efisiens 4:17

Na E Bomana ijefuon if ijia ja ejafiame kiavno jab una e iji bu God ba vierafeknum karioinva iji matiak. Ijefuon maiji e iji bu unam ijekin ijia kari ruainva ijiebuon vierafe iji fuka ma buze ijesugin ga nigen buon fuka samafrenma bakin.

Firifiens 1:7

Regavo jaiji naka tavan bog na oinun igia ja vierafeoijo iji fu mardo na ijeg ja vierafeknum fiok. Ijefuon maiji e fok ja nana ik ka mukor igi God fu abe na mienma iji ifejdiev. Ja dibur igi na fijo ijia ga madu na kekokva ijia na Godon vuak ma igi na mafaime abe kuaivo ijia jaka na ifejdien. Ijefuon e fok bu vuak iji faime uri giriesame vuak iji abe anu kunaime ma vierafe.

Firifiens 3:10

Na vierafe naka Kurais unam kafokafo fuon iji ka mukorigia giame vierafek. Regavo madu daro fuon iji fu abe mako ijia una urinma na vierafe naka daro besum ijin abe fuifuon ikrek. Regavo madu na God igavo ijefuon na vierafe naka izeg fu vajai fian kafokafo igia fu abenma ijeg nak na vajai fian kafo abek. Regavo fu guainma ijeg na vierafe unam usuikor nun fuk fu ijeg guak.

Firifiens 4:13

Ijefuon na Jesu Kuraison daro ijia ire ma ga ire ise iji nun roko iji na oimarknum biediame vak.

Korosiens 1:11

Regavo no God sirimamega fu daro fuon iji ka ma bomana ijia daro miaga ja afikin kafo bu jon ruakva ja uri giriesa ireme adumaduigin kegok. Regavo tavan bog oijon guf ijia Asoinuvuon oimardaf. Ijefuon maiji Godri ja kege ma e darokin amardiamga jan aresredo ja ire iji fu ar fuon sanainma ijia kanafume nainma iji ja rad roin kekfuon.

Korosiens 1:24

Na joifuon vajai fian abejo iji na bomana oimarev. Ijefuon iviakma na Kurais vajai fian izeg na abekfuon fu vierafenma iji nan biedia barev. Regavo iviakma na e God ma vierafejo ijiebuon fateroin ijia vajai fian igin abej. Regavo e iji God ma vierafejo iji bu Jesuon sos ijin.

1 Tesaroniens 3:4

Regavo no uria ijia jana karinva ijia non kuardiame kia, Ire ise ijekin bu nuvuon ruakno kiain. Regavo ire ise iji fu nuvuon rekfuon no kiainva iji fun iviakma rena jan giame vierafen.

2 Timoti 1:10

Regavo iviakma Jesu Kurais e iji fu no karaunuok ruainma ijar abe samafren. Regavo fu samafrene nijaiduinma iji fu aoivo ijefuon daro iji abe akozen rega Godon vuak ma iji nom sanainma ijia karivakfuon iji abe nijaiduin.

2 Timoti 1:12

Regavo na vuak ijefuon na ire igi kafokafo vajai fian abej. Ijefuon maiji na Jesu Kurais e iji na ma vierafejo iji nan vierafen. Regavo na vierafe ik iji na Godon vuak ma iji abe kuaimoijo fu mienma iji fu imut tat fuon ijia ma name vake tavan rad fu una ruak.

2 Timoti 1:16

Regavo na vierafe E Bomana iji fu e agan uruvana Onesiforason iji fu ma rediak ijefuon maiji fu e-e fur tavan bog na vajai fian abejo fu ifejdien. Regavo na bu tofdieme dibur unienva iji fuba gieme jum.

2 Timoti 2:3

Regavo uri afikin igi no abejo iji fateroin abe e bijaivo bu bijaime vajai fian abejo ijeg Jesu Kuraison vuak iji abe e roin nijaidiaknum vajai fian abene.

2 Timoti 2:8

Godon vuak ma iji na e fok kuardiavo iji e Jesu Kurais Devidon uifarif fu guame una urinma ijefuon vuak no vierafeknum ikref.

2 Timoti 2:9

Na Godon vuak iji na nijaidiavo ijefuon vajai fian abejo iji nan roke buin igi e bu kege tofdiame dibur uniavo ijia ruain. Regavo Godon vuak iji buba abe tome abeden revo bu vek ar iror ijia nijainamiv.

2 Timoti 4:17

Regavo E Bomana iji fu na ifejdieme daro miemga na Godon vuak maiji fok kuardiain. Na kuardiava e Jius bakin mai Rom ijia ar kotrejo guf ijia karinva iji bu vuak iji fain. Bu faivga God fu e iji bu na kaniekuai vierafenva ijia keunien.

2 Timoti 4:5

Regavo Timoti aiji ire kafo bu on rekva iji aka koikon samuanamik. Regavo unam ise kafokafo bu on roga a vajai fian abeno ijia ni oi mafaime vajai fian abene. Regavo nika Godon vuak iji abe e nijaidia vo ik iji E Bomana fu mainma iji kege mukorigia samuaknum reoine.

1 Fita 1:5

No fu ma vierafe ijefuon fu daro fuon ijia no mukorigia samuagduo vake tavan radkma ijia fu no karaunuo barek.

1 Jon 4:14

Regavo madu fu Farifuon kuama fu moikigia ari e fok karauniakafa ari roka no koiknuvuon gavknum vuak fuon non abe e roin kuardiaoin.

Jiud 1:24

God e iji fu no karaunuinma ijefuon fuon oimaref. Fur ja mukorigia samuagdiaga jaba jon ja ma vierafejo ijia zazaime ari kaniak. Regavo fur aferdiaga ja ise kafo bakin ja maturaime oimarknum ar fuon sanainma fu tavan bog daro fuon ijia samuame fivakfuon ijia karik.

Revareson 1:2

Regavo Jon fu Godon vuak ma ijiga Jesu Kurais ire iji fu nijaimga fu giainma iji abe e fok kuardiain.

Revareson 1:9

No Jesuon if ijia no agan besum renva ijefuon naiji uviaijon. No makai fuon ijia javo ijefuon no vajai fian abej. Regavo no adumaduigin tavan iji Kurais fu una moikigi samuakfuon no iji samuav. Bu na aferdieme do uf moik daturaik namo bu kuai Fatmos kuavo ijia unien. Ijefuon maiji na Godon vuak ijiga vuak ma iji Jesu Kurais fu nijaidiainma iji nijaidiavga bu aferdieme ijia unien.

Revareson 12:11

Regavo e kaifnuvuon iji God ma vierafejo iji bun Jesu Kuraison kavuan ga vuak fuon ma iji bu e nijaidiaoijo ijar Setanon daro iji asin. Ijefuon moikigia bu karijo iji buba bomana oijmain revo bu vierafe buka Jesu Kuraison vajai fian abene aoikuai bu iji bomana vierafej.

Revareson 19:10

Na fu manino ijia dijeme fuon ato same sirimamekreja fu kie, Ab nun ato same sirimamegavo ni una Godon sirimamene. Ijefuon maiji na e be a aikin. No besum kaifnuvuon no Godon ikrene Jesuon vuak ma iji ma vierafene kuardiaoin. Regavo e iji Godon vuak vierafene e kuardiaoijo ijiebuon ik ma iji bu rejo iji bu Jesu Kuraison vuak iji abe e kuardiaoijo.