2 Timoti 1:5 - Namiae

⁵ Na on a ma vierafeno iji nan vierafen. On a ma vierafeno iji fu sat on Rois ko asieon Iunesbuon oij ijia amur nainma ijar una oion ijia nam.

2 Timoti 1:5 Iomraidhean Croise

Jon 1:47

Areme Jesu fu gak Natanior fu samaij ijia vakga fu uri kua, E gari fu ma e Isrerko buon uifarif revo fu e ir kufuikin bano kuain.

Eks 16:1

Areme For fun vake ar Debi ko Ristra ijia kekoin. Regavo e be God ma vierafeno be if fuon Timoti fu ijia fin. E iji asiefuon iji fuk fu God ma vierafeno revo fu bara Jius ga asoifuon fu Grik.

Eks 26:26

Kin Agrifa vuak nun kafo na sauime kuardavo bakin revo vuak uruvana naka iga visu kuardav. Ijefuon maiji a vuak uruvana an faim baren. Na vierafega a ire iji besubesum an gia baren ijefuon maiji buba sauime ren gavo buka samakaf ijia reja an giain.

Romens 14:14

Regavo naiji na E Bomana Jesu jaoijo ijefuon na ma vierafega God fu irerag fok no ikfuon iji fuka ma ijesugin amardiain. Ire fok bu ma ijesugin ga e kafo bu vierafega ire roin bu buifuon fu ise ijefuon buba ij. Regavo bu ijegrekva noba giame kiak.

Romens 14:5

Regavo madu e kafo bu vierafega fun marenma ijefuon bu tavan besum abe God aroiv. Regavo e roin bu vierafega fun marenma ijefuon bu tavan kafokafo bu God aroiknum oij. Regavo e besubesum no koiknuvuon irerag kafokafo no kegokva iji no koiknuvuon nigen nuvuon ijia vierafene keok.

Romens 15:14

Regavo efnun na nunkua ma vierafega jan ire ma ijesugin e kaifjon ijiebuon rej. Regavo madu irerag kafokafo God fu kiainma iji jan mukoi vierafene rej. Regavo madu jan koikjo una kaifjon ijiena nijainamiv.

Romens 4:21

Fu ma vierafero God irerag fu fuon rekafa kuainma iji fu rekro fu ijeg vierafen.

Romens 8:38

Na ma vierafega Godon oijmuomo iji fu tavan bog nona navakfuon ga fu erar abe gareg akozekma bakin. No nivek kari ga non aoinva iji Godon oijmuomo iji fu vek nona navak. Regavo Godon anera ijigam kaven darokin kafo buba God fu no oijmuomo iji abe gareg akozekva bakin. Regavo madu bu ire kafo iji bu iviakma rejo ga rad rekrejo ijieb God fu no oijmuomo iji abe gareg akozekma bakin. Regavo bu ire kafo varur gufia ga moikigia naoivo ijieb Godon oijmuomo iji abe gareg akozekva bakin. Regavo madu bu ire kafo Godri amardiainma ijieb fuon fu no oijmuomo iji abe gareg akozekva bakin. Godon oijmuomo iji fu tavan bog nona ijeg navak. God fu E Bomana nuvuon Jesu Kuraison duadok ijia fuka no bomana oijmuin. Ijefuon fu erar izeg God iji fu no oijmuomo iji abe gareg akozekma bakin.

2 Korintiens 6:6

Regavo madu unam nuvuon no karioijo iji noka mukorigia maturaime karioknum mukorigia vierafene reoij. Regavo madu noka kabuaikabuaikin karioknum e fok mardiaknum oijmanamime karioij. Revo ire fok no reoijo iji noka e fok mukorigia oijmiaknum ga madu fun Godon Kaven Akai ijar ifejduoko no ijeg reoij.

1 Timoti 1:5

Regavo na vierafe aka kuriairega bu vuak kufui iji bu kuaivo iji buka aregavo oijmanamivo ijar abega fu oibuon ijia rarekfuon. Regavo oibuon fu maturaikma vierafe buon fu samafrega ma vierafejo buon iji fuka ma darokin rekfuon.

1 Timoti 4:6

Regavo Timoti a vuak iji na kuardavo iji kege uviaifnuvuon iji nijaidiakma a ma Jesu Kuraison ikreno. Regavo Godon vuak iji a ma vierafene nijaidiamo ijieb a ifejdaga a on a ma vierafeno ijia a e damuigin rekfuon.

2 Timoti 1:12

Regavo na vuak ijefuon na ire igi kafokafo vajai fian abej. Ijefuon maiji na Jesu Kurais e iji na ma vierafejo iji nan vierafen. Regavo na vierafe ik iji na Godon vuak ma iji abe kuaimoijo fu mienma iji fu imut tat fuon ijia ma name vake tavan rad fu una ruak.

2 Timoti 3:15

Regavo a vek am ukakbe ijia Godon vuak bu usuibe isoinva iji bun nijaidain. Vuak iji bu nijaidiainva ijieb e iji bu Jesu Kurais ma vierafejo iji fu ijeg karauniak.

Ibru 11:13

God fu ire iji fu kiainma iji fuba vajiain revo bum vek God ma vierafene samuaoijo ijia bu aoin. Regavo God fu kiainma iji bu giame vierafero bu uriado bu ruakro buka oimarknum samuain. Revo iji bu ijegrenva iji no vierafe e iji bu e moik igeko bakin revo bum moikigia tavan ivuankbe karikuai ruain.

Ibru 6:9

Kaifnun na oijmiavo iji na vierafe vuak iji na abe ja kuardiavo iji na vierafe fu jon bakin. Regavo jaiji jan biom una ma rej ijefuon maiji ja moik ma iji ire fok bu ma tavuame sunin kirainma ijekin. Na vierafe ja ire ma iji e bu God ma vierafejo God fu bu karauniainma ijeg rekfuon.

1 Fita 1:22

Godon vuak iji tavan bog ijia navako ijar unam iviamkor ma iji abe miain. Regavo ja Godon vuak ma iji ja ma igain ijefuon oijon iji fun mukorigia amardo iviakma jan kaifjon bu God ma vierafejo iji oijmiav. Ijefuon iviakma ni oijon ga daro jon ijekma jon oijmanamif.