2 Timoti 1:3 - Namiae

³ Na Godon oimarme saifnun bu renva ijeg na oinun ijekma fuifuon ikrej. Regavo na nakikmazak nun na sirimamejo na tavan uruvana a vierafe vo Godon oimarev.

2 Timoti 1:3 Iomraidhean Croise

Eks 22:3

Naiji na e Jius gavo bu ar Tasas Sisiria guf ijia nafedien revo bu aferdieme igia Jerusarem rokga na e Gamarieron rotit ijia sikur ren. Regavo bu e makin ijiebuon akai uruvana bun amarigia nijaidieva na fain. Regavo izeg ja Godon ik reoijo ijeg nak naka ijeg amarigia giriesa ikreoij.

Eks 23:1

For fu e mamkanuk ijia karinva iji giame kia, uviaifnu oinun igi fu e bes samuagdiemo ijefuon nakikmazak na God vierafeoijo iji fuka mukorigia marenmano kiain.

Eks 24:14

Ijefuon vuak na a kuardakfuon iji izeg na saifnuvuon ijiebuon God iji sirimamene unam iji bu kua kufuino kuaivo na ijin jajiav. Regavo na madu Mosison akai uruvana ma vierafeknum e Godon vuak vierafene kuaivo ijiebuon vuak iji bu buk ijia isoinva na iji ma vierafej.

Eks 24:16

Ijefuon na tavan uruvana naka nui giriesame God ga e ijiebuon nifak ijia naka giriesame ire ma iji na oinun igia vierafenva iji reoij.

Eks 26:4

Na vek eukak ijia na anerene ire uruvana na rene ruainva iji e Jius bun vierafen. Regavo madu izeg na vek eukak ijia moik nun ijia fiknum Jerusarem ijia fioinva iji bun vierafen.

Eks 27:23

Ijefuon maiji God iji fu na ifejdieknum na tavan bog fuon sirimamejo ijar anera fuon kuama fu ivia naki nun ruain. Fu arime na kie, For ab juk ani e Romkobuon e bomana Sisan nifak ijia manine kot reno kien. Regavo madu fu kie, Fun Godri fuon izeg fu e mardiamon ijia fu e iji ana sisim ijia vako iji samuagdiainmano kien.

Romens 9:1

Efnun na vuak be madu kuardiakrej. Naiji na Jesu Kuraisk besum renva ijefuon vuak irerag na kuaivo iji na kufuimejo bakin. Na Kaven Akai iji fu oinun ijia ik reno ijefuon vuak irerag na kuaivo iji na kufuimejo bakin.

2 Korintiens 1:12

No ire ijiebuon no bomana aroikaravo ijefuon no oinuvuon ijekma noka ma kuardiav. Regavo ik anej ijia ire igi no kuardiakrejo iji fu Godri ifejduomga ire fok no moikigia reoknum vo jon reoinva iji noka ma vierafeknum reoin. Regavo iji no renva iji no e moikigia oijo ijiebuon vierafenva ijia renva bakin. Revo ire fok no reoinva iji fun Godri no ma reduome daro muokoga no ire ijin reoin.

Garesiens 1:14

Regavo e Jiusbuon sos ijia unam izeg bu guriguri rejo ijia kaifnun nana besum ofrenva iji nar asidiain. Na saifnuvuon ijiebuon unam ijia naka kaifnun iji asidiame giriesa ren.

1 Tesaroniens 3:10

No nakikmazak no oinuvuon ijekma Godon sirimamene kuaga fur ifejduoga no una uikinik jon giakuai no iji vierafen. No vua giame unam kafo ja oijon ijia ma vierafe vo jaba giriesame kegoijo iji una nijaidiakuai no iji Godon sirimamej.

1 Timoti 1:19

Regavo on a God ma vierafeno iji mukoi kunaim giriesaikin a unam fuon ma iji giame ijia jame kekfuon. Regavo e roin bu unam ma iji bu vierafejo iji bun uzain ijefuon buon bu ma vierafejo iji bun kam arafiriain. Regavo e nokarok (2) Aimenaias ko Areksada nan kege Setan vajaido fur kege arafiriame vaga bu ijia giame buba una Kuraison if abe jufdiakfuon ijia kuaimok.

1 Timoti 1:5

Regavo na vierafe aka kuriairega bu vuak kufui iji bu kuaivo iji buka aregavo oijmanamivo ijar abega fu oibuon ijia rarekfuon. Regavo oibuon fu maturaikma vierafe buon fu samafrega ma vierafejo buon iji fuka ma darokin rekfuon.

1 Timoti 5:5

Regavo bara amun ma be e bu samuagdiavo bakin iji fuka God ma vierafene tavan bog nakikmazak Godri ifejdakafa fu sirimameno.

2 Timoti 1:5

Na on a ma vierafeno iji nan vierafen. On a ma vierafeno iji fu sat on Rois ko asieon Iunesbuon oij ijia amur nainma ijar una oion ijia nam.

2 Timoti 3:15

Regavo a vek am ukakbe ijia Godon vuak bu usuibe isoinva iji bun nijaidain. Vuak iji bu nijaidiainva ijieb e iji bu Jesu Kurais ma vierafejo iji fu ijeg karauniak.

Ibru 13:8

Jesu Kurais fu nibe reno bakin fu niar ga ivia ga tavan bog ijia fivak.