1 Timoti 6:3 - Namiae

^3-4 Regavo e roin bu vuak kufui kafo nijaidiaknum vuak ma iji E Bomana nuvuon Jesu Kuraison no nijaidiavo iji bu uzav. E ijegreoijo iji bu aroikaravo ijieb oibuon ijia irtoijen ijefuon bu ire kafo ba vierafeoij. Regavo bu vuak ukakna kafo ga vuak mamkanuk bakin iji kege mijum abene ijefuon musikuaiknum e kafobuon oi kege karoiga bu zienamiv. Regavo bu besum afuim karijo bakin gavo bu vuak ise kafokafo buon kuaiknum e kafo ire bu renva ijin kam kufuimene uruvana buisina vierafen.

1 Timoti 6:3 Iomraidhean Croise

Metiu 22:21

Fu ijeg kuardiamga e mamkanuk iji bu uri kua, Fu e Sisan uikinikno kuain. Bu ijeg kuardavga fu kia, Ijefuon ni giamga irerag iji bu e bomana Sisan kuaikva ni kege una fu vajaf. Regavo irerag iji ja giaga bu Godon kuaikva ni kege una God vajafno kiain.

Romens 16:17

Regavo efnun na vuak ejafiame kuardiavo ijefuon ni mukorigia samuanamiknum kariof. E ise roin jana karinva iji buka unam ja agan besum rene afuime karijo iji kam ataseme kafokafo reoij. Regavo madu buka giriesame oijon kam karoiga ja God uzakuai bu iji reoij. E ijieb bu vuak ma iji ja fainva iji kam arafiriame una vuak buon kufui iji nijaidiav. Ijefuon ni mukorigia e ijekin iji akariaknum of.

1 Tesaroniens 4:8

Regavo God fu Kaven Akai fuon iji abe ja uniafdiainma ijefuon vuak iji no iga abe ja kuardiav. Ijefuon erar fu vuak iji faime uzakma fu emabuon vuak iji uzamo bagavo fu Godon vuak iji uzam.

1 Timoti 1:10

Regavo madu akaij iji bu barubara fudainamiknum ise rekuai vierafejo ijiebuon abeden. Regavo efarif iji bu efarif roina unam ise rejo ijiga e roin kuniaime tome kevaga bu buifuon ikrejo ijigam vuak kufuimejo ijiebuon abeden. Regavo be iji kot guf ijia vuak ma kafo kege karoime kufuimega e bu dibur vako ijigam e kafo Godon akai ma iji kege tuaseknum ba igiame javo ijiebuon akai iji bu abeden.

1 Timoti 1:3

Regavo Timoti na vierafe aka ai Efisis ijia fik. Regavo na amur na Mesedonia vakafie vuak gigikin na kuardame vainva ijeg na una soisoime kuardavo ni igia fi. Ijefuon maiji e roin bu vuak kufui iji Godon vuak ma iji ijekin bakin iji abe nijaidiavo ijefuon na vierafe a kuardiame kuriairega buka arekfuon.

1 Timoti 1:6

Regavo e roin bun unam ma iji na kuainva iji bun uzame una vuak ka ma bakin ijesugin vierafene kuaimoij.

2 Timoti 1:13

Irerag na mimatame nijaidava a fainma iji kege kuniaime samuagdiamne. Regavo giriesame God ma vierafeknum e fok oijmiamne revo ire nokarok (2) iji no Jesu Kuraisna besum rejo ijia no karev.

2 Timoti 4:3

Tavan iji ruakma e uruvana buka vuak ma iji uzame buba mukoi faikfuon. Regavo buka una vajat ijefuon ire iji bu vierafenva iji kegokfuon. Regavo bu madu e iji vuak kufui nijaidiaoijo ijiebuon vaga bur vuak irerag bu faikuai vierafejo iji nijaidiakfuon.

Taitas 1:1

Na For nar fas igi isoime Taitas a nijav. Na Godon ikreoknum vo Jesu Kuraison vuak abe nijaidiaoijo ijefuon bu na afasorno kiev. Regavo naiji fun Godri imut bijieme e iji fur imut bijiainma na ijin ifejdiav. Na bu ifejdiaga bu una buk akaij ijia vuak ma iji faivknum ma vierafene maturaime karivak.

Taitas 1:9

Regavo fuka e Godon vuak ma iji no nijaidiavo iji giriesame anu kuniaimo. Fu ijegreokma ijia fur e roin ifejdiaga bu giriesame ma vierafek. A e ijekin iji abekma fur e iji eraneb bu unam ma iji uzame una e iji vuak ma iji abe kuaimoijo ijiena nigaraioijo ijiebuon ise iji fur visume e fok kuardiak.

Taitas 3:8

Ijefuon Taitas nika vuak irerag na kuardavo iji eon kuardiaikin e iji God ma vierafejo iji bu mukorigia vierafene tavan bog bu unam ma ijesugin keok. Regavo e iji bu nakikmazak ijeg kegokva iji fuka mardo unam buon bu kegoijo ijar e uruvana ifejdiak.