1 Timoti 5:1 - Namiae

^1-2 Regavo a emakin be fu ire be isema rega ab uruvana kuriaikuriaikin kuardamo revo nika oi mafaime isuar asoion igeg kuarda. Regavo am mumogana iji diaifarifon igeg ifejdiame samuagdiamne. Regavo bara barukin iji asieon a oijmiaknum agordiamo igeg ifejdiame samuagdia ga bara naise iji makifon ma igeg mukorigia ifejdiame samuagdiamne.

1 Timoti 5:1 Iomraidhean Croise

Metiu 23:8

Jesu fu ijeg kuardiame kia, Ja koikjo jab kuaik noiji no e nijaidiavo ijino kuaik. Ijefuon maiji e nijaidiamo jon iji fun e besum ijesugin ga e fok iji bu uviaifjon.

Eks 14:23

Bu sos kafokafo ijia oknum vuak ijin kuardiaoin. Bu kuardiaoknum e mamkanuk kafo sos iji samuakfuon iji kege ijia uniaoin. Bu ijegrejknum duok karome buifuon sirimamene e iji kege una E Bomana iji bu ma vierafenva ijefuon imut tat ijia uniafdain.

Eks 15:4

Areme For ko Banabas bun ro Jerusarem ijia usevga e sos ijia karinva ijigam e afasor ijigam sos ijefuon e mamkanuk iji bu oimardiavga bu uri vuak fok God fu buna izeg reoinma iji kuardiain.

Eks 15:6

Areme afasor ijigam sos ijiebuon e mamkanuk iji bu vuak iji abe kuaime markuai besum afuin.

Eks 20:17

Areme For fun ar Miritas ijia fine vuak e Efisisko iji nijiame kia, E sos ijiebuon e mamkanuk iji bu ro fu gafno kiain.

Romens 13:7

Regavo e mamkanuk gaman ijia ik rejo ijieb mon ga ire kafo ja vajiainva bu ijefuon kiakva ni migegare una ef vajiaf. Ijefuon e takes abeoijo e roin bu ja monfuon kiakva ni migegare vajiaf. Revo igia fai naka ja soisoime kuardiavno jaka e mamkanuk jon fok agordiaknum bu nidosiame arordiaf.

Garesiens 6:1

Regavo uviaifnun e God ma vierafeno be fu ise ijar biesuaga fu zazaikma e iji ja Kaven Akai ijefuon daro ijia ikrejo iji ja isuar oi mafaime kabuaikabuaikin ifejdaga fu una unam ma ijia vak. Regavo jak koikjo samuanamiknum ifejdaf. Regavo jab zazaiga ise ijar vo ise ijefkin ijieb ja iviame vaga jak ise rek.

1 Timoti 5:17

Regavo ni e mamkanuk iji eraneb sos ik samuavo iji mukorigia kimene mon buon vajiaknum arordiaf. Regavo ni e mamkanuk kafo ijia bu tavan bog nui bakin Godon vuak iji mukorigia uruvana kuardiaknum nijaidiavo iji ka mukorigia kimejknum arordiaf.

Taitas 2:2

Regavo e makin iji a nijaidiakma ni kiaga bu e makin igeg vuak ma iji bu faivo ijesugin jajiame kegokfuon. Regavo buka koikbuon vajai buon ga vierafe buon bu kegoijo iji samuagdiak. Regavo buka giriesame Kurais ma vierafeknum e roin oijmiaknum vo giriesame afikin kafokafo iji biediakfuon.

Taitas 2:6

Unam besum ijegvo efarif nivek iji ejafiame kuardiaikin buk bu vierafe buon ga unam buon bu kegoijo ijia vajai buon mukorigia samuagdiakfuon.

Jeims 3:17

Regavo vuak ma iji varur gufia rokon iji fuka vuak mukor. Ijefuon vuak iji fu no nijaiduoga no kaifnuvuon vierafeknum isuar adumaduigin oknum ise nuvuon ganamime areknum ifenami ikreknum vuak ma ijesugin nijainamik. Regavo no vuak kuaimokva noba kaifnuvuon kafobuon ise iji gia kuaimok. Regavo madu noba iti nuvuon ijia vuak ma iji kuaiknum vo una unam ise ijia reok.

Jeims 5:14

Regavo erar fu adam abeknum oga ni migegare e sos samuavo iji giaga bu sirimameknum E Bomana ijefuon if ijia oir abe a usemdaf.

1 Fita 5:1

Ijefuon na e mamkanuk sos akai samuavo iji na ja ejafiame kia. Nak na ejon bomana be nar Kurais fu vajai fian abenma iji gain. Regavo madu tavan iji fu una ruakma ijia God e bomana fuon ma iji sanainma ijigam daro iji fu kege e bu Kurais ma vierafejo iji nijaidiakma nak na ijia jana fateroin abek.

2 Jon 1:1

Fas igi e sos samuamo ijar isoin. Fas igi na isoime bara be ijiga afijaf na mukoi oijmiavo iji nijiain. Na nunkua ja oijmiavo bagavo e kafo bu God mukoi vierafejo iji buk ja oijmiav. Ijefuon no vierafe Godon vuak ma iji fu oinuvuon ijia namo iji fuka tavan bog nona navak.

3 Jon 1:1

Fas igi e iji sos samuamo ijar isoime e Gaias e na mukoi oijmamo iji nijain.

Revareson 4:4

Regavo Godon fata irif ijia fata kafo madu tuenti fo (24) ijeg ijia iren. Regavo e uguaikin tuenti fo (24) bu ugon abaikin iji same vo ire kafo gord zin igeg iramo ijia amardiavo iji nigen buon ijia same ijia karin.