1 Timoti 3:7 - Namiae

⁷ Regavo madu e be fu e bomana rekafa vierafekma fuka unam ma ijia fine roko ijin abekin e God ma vierafejo bakin iji bu game mukoi vierafene agordak. Regavo fu unam fuon fu isema fioga Setan fu biesuame if fuon abe arafirikma fu bomana jumga ik fuon fu reno iji fu migegare iserek.

1 Timoti 3:7 Iomraidhean Croise

Mak 4:11

Bu ijeg kuardavga Jesu fu una kia, Na unam sauivkin God fu izeg efuon ijiebuon oij iji samuagdiamo iji nan e iji ja na jajievo iji kuardiame nijaidiain. Regavo e iji buba na jajievo iji vuak iji na ke bijame kuardiak.

Eks 10:22

Fu ijeg kiamga bu kua, No Konirias e bijaivo ijiebuon e bomana ijar kuoma no ruain. Regavo e iji fuka ma amarigia reoknum God ma vierafeno gavo e Jius fok bu fu agoiv. Ijefuon Godon anera iji fu Konirias kua, Ni a kuaga a ar fuon ijia roga fu vuak on a kuaimon iji faimne kuain. Areme Fita fun e iji aferdia ar guf ijia aru funa naoikuai vain. Regavo afarma Fita fun urine buna vakoga e Jofako roin God ma vierafejo iji bu funa vain.

Eks 22:12

Regavo ar Damaskas ijia e be if fuon Ananaias fuka God mukoi vierafeknum akai nuvuon uruvana igiamo. Regavo madu e Jius uruvana ar Damaskas ijia karinva iji bu fu dab nidoiv.

Eks 6:3

Ijefuon uviaifnun ni jakikum e uguaikin iji bu Godon Kaven iji igavo ijia kega bur unam iji samuak. Regavo noiji no koiknuvuon Godon sirimameknum ga vuak fuon ijesugin abe e roin kuardiak.

1 Korintiens 10:32

Regavo unam kafo ja kegoijo ijia jab e Jius ga e Jius bakin ga e kafo God ma vierafejo ijiebuon vierafe iji kam arafiriak.

1 Korintiens 5:12

Regavo igi fai na For nar e iji bu God ma vierafejo bakin ijiebuon unam bu kegoijo iji giame kuaikva iji fuba maren. Regavo e iji fu unam buon iji kege mazim giakfuon iji fun Godri fuonkua. Regavo e iji bu jana besum afuiknum una ise rejo iji jaka koikjo kege giakfuon. Regavo e iji fu uf jon ijia ise reno iji nika fu kuriaireme nisarega fu keko vakfuon.

2 Korintiens 6:3

Regavo noba ire ise kafo rega e binob ik nuvuon igi no rejo iji kam iserduok. Buba kuaik For fu Godon ikreno revo fu unam ise iji reoinon ijefuon noba Kuraison vuak iji fu nijaiduomo iji igakno kuaik.

2 Korintiens 8:21

No vierafe noka unam ma ijesugin rekuai vierafen. Noka unam ma iji E Bomana nuvuon fu oimaimo ijia rejknum ga madu ema oimardiavo ijia rekuai vierafen.

Korosiens 4:5

Regavo ja e iji bu vuak ma iji ba ma vierafejo ijiena ire kafokafo ja reoijo ijia mukorigia vierafene reof. Regavo ja God ma vierafejo ijefuon ja tavan abe vuak kuardiakva iji mukorigia vierafeknum e fok samakaf nijaidiaga bu giaro ja God ma vierafejoro bu ijeg vierafek.

1 Tesaroniens 4:12

Ijefuon ja unam iji mukorigia abekva e iji buba Jesu ma vierafejo iji bu unam jon faivknum giame bu ja agordiak. Regavo ja imut jon ijia ik rejo ijefuon jab ire kafofuon e roin sirvek.

1 Timoti 3:6

Regavo e iji fuka iviakma igef God ma vierafejo iji jab kuaga fu e bomana rene sos samuak. Ijefuon maiji fuka koikfuon abe aroikarame ajiega God fu abe afikin mak. Regavo God Setan fu izeg aroikarame koikfuon abe ajiemga fu abe arafirinma ijeg fu e iji abe arafirik.

1 Timoti 5:14

Ijefuon na vierafega bara amun nivek iji buka una baru jajiame am nafene ar samuakfuon. Regavo bu ijegrekva e ani nuvuon iji God ma vierafejo bakin bu vuak ise kafo buba e iji God ma vierafejo ijiebuon kuaik.

2 Timoti 2:26

Regavo buka Godon unam ma iji vierafekgavo Setanon unam iji fu vajai fian abekfuon ijar kiaga bu igame jaga fu kege dibur igeg uniainma iji areme usem vakfuon.

Taitas 2:5

Regavo buka koikbuon vajai buon samuaknum vo oibuon ijia ire ma ijesugin vierafeok. Regavo buka bara iji ar buon iji mukoi samuagdiavo ijin rene barufijaf iji igia vo bara suaikin rek. Bu ijegrenkin e bu unam buon bu kegoijo ijia giame buba una vuak ma igi Godon ruainma ijefuon vuak ise kafo kuaik.

Taitas 2:8

Regavo vuak ma ijesugin kuaimoga e ani nuvuon bu ijia faime jume buba una vuak ise kafo vuak iji no nijaidiavo ijefuon kuaik.

3 Jon 1:12

Regavo e fok buka Demitriason unam ma fu reno iji dab aroime fuisina kuaimoij. Regavo e fok bu vierafega fuiji fuka vuak ma ijesugin kuaim. Regavo no madu no vierafe irerag Demitrias fu reno iji no vierafe fu unam ma ijesugin reoin. Regavo jan vierafe no tavan bog no vuak kufui kuaimoijo bakin ijefuon irerag no fuisina kuaivo iji noka ma kuaiv.