1 Timoti 3:2 - Namiae

² Ijefuon erar fu ik iji rekafa vierafekma iji fuka unam arir maturame fikfuon vo fuka bara besum abekfuon. Regavo fuka koikfuon mukoi samuanamiga e fok bu fu agoik. Regavo madu fu e sumakin iji tavan bog oimarknum aferdiamo ga Godon vuak e iji mukorigia nijaidiamo.

1 Timoti 3:2 Iomraidhean Croise

Ruk 1:6

Bu busik besum E Bomana God fu oimarkfuon ijia karioknum vo buka akai fuon iji ga vuak fuon fok mukor igame karioin.

Ruk 2:36

Regavo barak Godon vuak vierafene kuaimon be bara Ana fu e Fanveron kabaij ga fu e Asan agan be. Fu baru fuon ijek juaivasia imut roin ga nikit nokarok (7) ijeg fine roke baru fuon fu guain. Bara iji fu baru fuon guakoga rad fu fi ruainma iji fu juaivasia uruvana eiti fo (84) barko fu barasren. Fu Godon ar bu ijia arume sirimamejo iji fuba aren. Regavo fu nakik mazak fu duok karoknum Godon sirimamenon.

Romens 12:13

Regavo kaifjon kafo bu sinuom kafo karekuai ijefuon oifian abe oijoga nin on a nainma ijia kafo ke vajia. Regavo madu ni e iji bu aibino ijia roko iji oimarknum aferdia bu jana naoif.

Firifiens 2:15

Ja ijegrekva iji jaka maturaime ok ga e buba ise kafo kege una ja namdiak. Regavo madu jaka maturaime Godon afijaf ijegreoga e iji tavan uruvana oi moik igefuon ise ijesugin reokuai vierafejo iji bu ja giak. Regavo jaka ikuosaij iji no kege nakinma ijia sana vako ijeg ja e ise rejo ijiebuon kafar ijia karikva iji ja ikuosaij ijeg sanaknum Godon vuak ma iji bu karauniakfuon iji nijaidiaf. Ja ijegrekva na ma ijefuon na tavan iji Jesu Kurais fu una roko ijia na joifuon aroikarak. Ijefuon maiji daro nun fok na akozme ik iji na renva iji fuba nisen.

1 Timoti 3:12

Regavo madu e iji sos ifejdiamo iji fuka bara besum abekfuon vo madu fu agbara fuon mukorigia samuagdiakfuon.

1 Timoti 3:8

Regavo madu na una e sos guf ijia ifejdiavo ijiebuon vuak kuardiakrej. Regavo e iji buka vuak ma ijesugin kuaimoijknum vo unam buon bu karijo iji fuka marga e fok bu ijia giame bu agordiakfuon. Regavo buba do kugi iji uruvana ik ga mon ga sinuom kafokafo buonkua vierafene karek.

1 Timoti 4:3

Regavo e iji vuak kufuimene nijaidiavo ijieb nijaidiame kia, Bara savo ijigam duok kafokafo ijo iji fuka ba marenma jab ijeg rekno kiak. Regavo vuak iji fu ma bakin ijefuon maiji fun Godri ire fok fur amardiain. Ijefuon e iji eraneb bu God ma vierafe vo vuak fuon ma iji ma vierafejo iji bu duok iji oimarknum kege sirimamene ikfuon.

1 Timoti 5:10

Regavo fuiji buka e fok ijieb fu ma vierafejo ijefuon maiji unam fuon fu reno iji fu ma ijia ren. Regavo unam ma iji roin am mukoi samuagdia ga e sumakin ifejdiaknum samuagdia vo adumaduigin Godon e iji ifejdiamo. Regavo madu Godon e iji vajai fian abejo iji oi fuon ma ijekma mukorigia ifejdiaknum vo unam ma kafokafo e kafobuon reno.

1 Timoti 5:22

Regavo ja vierafe ja e kafo kega bu e mamkanuk rene sos ijia ikrekva jab migegarek. Regavo amur iji unam buon bu karijo iji giame ni son imut nigen namdiaga bu Kuraison ikref. Regavo a e be aba mukoi gain gavo am kuamga fu e bomana rene fu una ise rekma iji ar isema rene fu abenma ijefuon a ise fuon fateroin aben. Ijefuon iji game nika kekirame unam ma ijesugin rejknum maturaime fi.

1 Timoti 5:9

Regavo bara amun be fu vierafe fu bara amun iji sos ijia ikrejo ijiena fikma iji fuka juaivasia siksti (60) ijeg asime vain revo baru besum jainma ijar ijeg rekfuon.

2 Timoti 2:24

Regavo e iji E Bomana ijefuon ikreno iji fuba e roina musikuaimo revo fuka e fok oijmiaknum adumaduigin vuak nijaidiakfuon.

Taitas 2:2

Regavo e makin iji a nijaidiakma ni kiaga bu e makin igeg vuak ma iji bu faivo ijesugin jajiame kegokfuon. Regavo buka koikbuon vajai buon ga vierafe buon bu kegoijo iji samuagdiak. Regavo buka giriesame Kurais ma vierafeknum e roin oijmiaknum vo giriesame afikin kafokafo iji biediakfuon.

Ibru 13:2

Regavo ni vierafe e ai kafoko bu ar jon ijia ruakva ni e iji aferdiame ar jon ijia vaf. Ijefuon maiji e kafo bu ur e kafo aferdiainva ijia bu Godon anera iji kafo ba mukoi giaknum aferdiain.

Ibru 3:14

No vuak amur no fainva iji mukorigia vierafene kunaim vakva tavan rad ijia no Kuraison sanainma iji fateroin abek.

1 Fita 4:7

Regavo efnun tavan iji ire fok moikigia naoivo iji bu barekfuon iji fun samairen. Ijefuon ni uri ni naraknum vo koikjon mukor samuanamikin ja giriesame Godon sirimameknum karik. Regavo ire ijia ka ma bomana iji nika mukorigia jon oijmanamif. Ja ijeg oijmanamikva ja kaifjon iji bu jon isema rekva ja magiaga una bu oijmiaknum karivak.

1 Fita 4:9

Regavo madu kaifjon iji oimarknum aferdiame ar jon ijia uniaf revo jab una ijefuon kuaik.

1 Fita 5:8

Regavo jab nitubaikgavo uri ni narame koikjo samuanamime nisaiknum karif. Ijefuon maiji fanuf raion ka ma kuriai e jakia bua ino iji fu vasiaguaga fu kurimoino ijegvo e ani jon Setan fu ijeg jon izeg ja Jesu ma vierafejo iji kam iserekafa oin.