1 Timoti 3:1 - Namiae

¹ Timoti na vuak ma be kuardak. Efarif kafo ijia karinva bu vierafe bu sos iji samuakuai vierafekva iji na vierafe ik iji bu rekuai vierafenva iji fuka ik mukor.

1 Timoti 3:1 Iomraidhean Croise

Ruk 15:10

Ijegvo igia faif. Godon anera iji bu e iji erar fu ise fuon areme una oi dakaroime Godon roko iji buka fuifuon bomana oimarevno kiain.

Eks 1:20

Regavo vuak iji bu buk Sams ijia ijeg isoi, Ar fuon iji e be fuba ijia fikno kuain. Regavo vuak be bu madu ijeg isoi, E be fuka ik fuon fu reno iji abekno kuain.

Eks 20:28

Ijefuon ni koikjo samuanamiknum ga ni e iji fu Godon Kaven kege ja uniafdiainma iji mukoi samuagdaf. Regavo e iji Godon farif Jesu fu kavuan fuon ijia bu kimenma iji bu sos ijia karinva iji mukoi samuagdiaf.

Romens 11:13

Regavo vuak igi na una e Jius bakin iji ja kuardiakrej. Naiji fu Godri e Jius bakin iji joifuon kiema na uri jon ruain. Ijefuon na God ik irerag fu na kiema na ruainva na iji bomana vierafene rej.

Efisiens 4:12

Fu vierafero fu ijegrenki Godon e fok eraneb bu Jesu Kurais ma vierafejo iji bu daro abe mukorigia kanafume samuaknum fuifuon ik re vakafa fu ijeg ren. Regavo iji fu renma ijefuon maiji fu vierafe bu efuon mukorigia ifejdiaga bu unam fuon ijia bu e darokin rene karikafa fu ijeg ren.

Firifiens 1:1

Na For nar Timoti e iji no Jesu Kuraison ikreoijo nor fas igi isoin. No isoime Godon e iji ja mai Firifai ijia oi besum rene Jesu Kurais ma vierafejo ijigam e mamkanuk jon ijigam e iji bu e roin ifejdiavo iji ja nijiav.

1 Tesaroniens 5:14

Regavo no madu una vuak gigikin be kuardiav. Ni e iji bu ik buon rekuai uzavo iji una kuardiaknum e iji bu juvo iji vuak kuardia ejafiaknum e zazaikin iji ifejdiaf. Regavo ni e fok ijiena isuarigia oimafaime buna karine ik re vaf.

1 Timoti 1:15

Regavo vuak igi fuka ma ijefuon noka mukorigia faime ma vierafekfuon. Vuak iji igin Jesu Kurais fu moikigia ari ruainma iji fu e ise rejo iji karauniakafa ari ruain. Regavo e be nar amur ise uruvana rene e uruvana asidiain. Regavo God fu ise fok na amur renva ijefuon fuba arafirien. Na ise uruvana ren gavo fu fuon adumaduigin e ifejdiamo iji abe na nijaidien. Fu ijeg adumaduigin rega e roin bu game vierafero fu buon ijegrekuai kuaime buk bu God ma vierafene unam ma karivako ijin abek.

2 Timoti 2:11

Vuak igi fu ma, No do ruainva ijia no unam usuikor iji non kanava fu Jesuk guain ijefuon no una uri funa karik.

Taitas 1:7

Regavo vierafe e iji sos samuakfuon iji fu Godon ik iji samuakreno ijefuon fub ise kafo reok. Regavo e iji fub tavan bog vierafero fu fur e bomanaro aroikarak. Regavo e iji fuka ba migegare uri zieknum do kugin ioknum bijaimoknum ga ire uruvana fuon karkafa vierafeno ijin.

Taitas 3:8

Ijefuon Taitas nika vuak irerag na kuardavo iji eon kuardiaikin e iji God ma vierafejo iji bu mukorigia vierafene tavan bog bu unam ma ijesugin keok. Regavo e iji bu nakikmazak ijeg kegokva iji fuka mardo unam buon bu kegoijo ijar e uruvana ifejdiak.

Ibru 12:15

Regavo nika mukorigia vierafekin e be fuba Godon ma iji fu ifejdiamo iji arek. Regavo jab ise kafo e roin kege vajai fian miakfuon iji rek. Ja ijeg rekva ja e uruvana God ma vierafejo iji aferdiame Godon nifak ijia ise redo ijar bu kam arafiriak.

1 Fita 2:25

Ur ja Kurais ba vierafenva ijefuon ja uri maf-sif bu tavan uruvana sauivo ijeg rej revo iviakma jan una karoim Kurais e iji fu kaven jon samuagdiamo ijefuon ruain.

1 Fita 4:15

Regavo jab e kania bu aoik ga jab niesa ga jab unam ise iji rek revo madu jab uri e kafobuon ik iji rareme rek. Ja ijegrene uri ijefuon vajai fian abekva iji ja koikjon isema ren.

1 Fita 5:2

Regavo e iji sos samuavo iji ja e roin samuagdiavo iji mukorigia e iji fu maf-sif iji samuagdiamo ijeg jak Godon e iji samuagdiaf. Regavo jab vierafero bu eb kuardiaga ja ijesugin rekuai vierafejo revo jaka oijon ijia ma vierafene mukoi oi mafaime ref. Ijefuon maiji God fu vierafe jaka ijeg rekfuon. Ja e iji samuagdiakva jab oi isema vierafene mon ijesugin karkuaime ik iji rejo revo jaka oijon ijia ma vierafene mukorigia ik iji reof.