1 Timoti 1:3 - Namiae

³ Regavo Timoti na vierafe aka ai Efisis ijia fik. Regavo na amur na Mesedonia vakafie vuak gigikin na kuardame vainva ijeg na una soisoime kuardavo ni igia fi. Ijefuon maiji e roin bu vuak kufui iji Godon vuak ma iji ijekin bakin iji abe nijaidiavo ijefuon na vierafe a kuardiame kuriairega buka arekfuon.

1 Timoti 1:3 Iomraidhean Croise

Eks 18:19

Areme bu roke ar Efisis ijia usem For fun bara Firisra ko e Akuira ijin ijia uniame fun va e Jiusbuon ar bu afuime vuak kuaivo ijia vain. Fu va ijia kekome buna vuak amarigia dasume kuaimga bu kua, A nika naki uruvana igia nona fine kuain. Bu ijeg kuava fuba igiain revo fu vakafa uri kia, Godri na kiekma na una giak ruakno kiain. Areme fun sisim abe ar Efisis areme vain.

Romens 15:26

E Jesu Kurais ma vierafejo ai Mesedonia karinva ijigam ai Akaia karinva iji bu oimarknum mon kafo afuin. Mon iji bu afuime Godon e roin ai Jerusarem ijia isema karinva iji nijiain.

Romens 16:17

Regavo efnun na vuak ejafiame kuardiavo ijefuon ni mukorigia samuanamiknum kariof. E ise roin jana karinva iji buka unam ja agan besum rene afuime karijo iji kam ataseme kafokafo reoij. Regavo madu buka giriesame oijon kam karoiga ja God uzakuai bu iji reoij. E ijieb bu vuak ma iji ja fainva iji kam arafiriame una vuak buon kufui iji nijaidiav. Ijefuon ni mukorigia e ijekin iji akariaknum of.

2 Korintiens 11:4

Regavo vuak iji na ijeg kuardiavo ijefuon maiji tavan bog jaka oimarknum karine e kafokafo vuak kufui kafo bu kuardiavo jaka bu fazdiav. Regavo vuak bu kuardiavo iji bu Jesuon vuak na kuardiainva ijefkin iji kuardiavo bakin. Regavo bu kaven nibe ga vuak nibe ijin abe kuardiavo ja ijin faime jajiav. Regavo una Godon Kaven ma iji ga vuak fuon ma iji na kuardiainva iji jan ijia arev.

Efisiens 4:14

Ijefuon noba una madu am ukakna igeg vierafek. Regavo noba ire vanag iji bu saof azan ijia naoikok buibur ijar bu kam ufime unam kafokafo ijia oijo ijeg noba rek. Ijegvo noba karine e ir kufuikin ijiebuon vuak kufui iji bu nijaiduovo iji faik. Ijefuon maiji e iji kufui reoijo iji bu e biesiako bu unam ma ijesugin kegoijo bakin revo bu afikin uruvana biediav.

Firifiens 2:24

Regavo na E Bomana ijar ijeg vierafe miekma nason rad koiknu vua giak.

1 Timoti 4:11

Ijefuon Timoti vuak iji na kuardavo iji abe e iji nijaidia vo soisoime ejafiaga bu vuak iji jakfuon.

1 Timoti 4:6

Regavo Timoti a vuak iji na kuardavo iji kege uviaifnuvuon iji nijaidiakma a ma Jesu Kuraison ikreno. Regavo Godon vuak iji a ma vierafene nijaidiamo ijieb a ifejdaga a on a ma vierafeno ijia a e damuigin rekfuon.

1 Timoti 5:7

Ijefuon na vierafe a e iji God ma vierafejo iji kuardiaga bu agan buon buna gire besum naoivo iji mukoi samuagdiakfuon. Bu mukorigia samuagdiaikin e kafo buba vuak ise kafo bara amun ijiebuon kuaikfuon.

1 Timoti 6:10

Ijefuon noka mon oijmiakva noka unam ise uruvana biediakfuon. Regavo e roin eraneb bu sinuom zaraikfuon iji bomana vierafejo iji buon ma vierafejo iji bun uzame vain. Ijefuon bu unam vajai fian abejo uruvana bun kege una vajai buon ijia ruain.

1 Timoti 6:17

Regavo eraneb moik igefuon sinuom ijia uruvana zaraiga ni kiaga buba aroikarame sinuom buon bomana vierafek. Regavo buba ma vierafero sinuom buon ijieb ifejdiaga bu ma karivakuai kuaiv. Ijefuon maiji tavan iji sinuom buon fok bu barekfuon iji buba vierafen. Ijefuon kiaga bu buon bu ma vierafejo iji bu God e iji tavan bog ire iji no oimarknum karikfuon vajuomo iji mame vierafekfuon.

1 Timoti 6:3

Regavo e roin bu vuak kufui kafo nijaidiaknum vuak ma iji E Bomana nuvuon Jesu Kuraison no nijaidiavo iji bu uzav. E ijegreoijo iji bu aroikaravo ijieb oibuon ijia irtoijen ijefuon bu ire kafo ba vierafeoij. Regavo bu vuak ukakna kafo ga vuak mamkanuk bakin iji kege mijum abene ijefuon musikuaiknum e kafobuon oi kege karoiga bu zienamiv. Regavo bu besum afuim karijo bakin gavo bu vuak ise kafokafo buon kuaiknum e kafo ire bu renva ijin kam kufuimene uruvana buisina vierafen.

2 Timoti 1:18

Regavo fun E Bomana ijar tavan fuon fu vierafenma fu una ruakfuon ijia e iji fu fuon oifian abene ma redakfuon. Ijefuon maiji fu izeg ai Efisis ijia tavan izeg ifejdienma iji ar gain ijefuon an mukorigia vierafen.

2 Jon 1:7

Regavo e uruvana bu moikigia e roin biesia ruain. Regavo e iji bu ruainva iji bu usem e roin kia Jesu fu ma ema bano kuain. E iji ijeg kuaimja ruainva iji bu e roin biesiamoij ijefuon buiji bu Jesu uzav.

Revareson 2:14

Regavo na ise jon kafo ja kuardiako ni faif. E iji ja karinva ijia e roin ja e Beramon vuak iji ma vierafene jav. E Beram fu e Berak iji nijaiga fu e Isrerko iji aferdiaga bu ise rekuai fu iji vierafen. Regavo ise iji e Isrerko bu fanuf iji bu kege kaven ise iji isuf baroijo iji una iknum vo tavan roin bu una barubara buon fudainamiv.

Revareson 2:20

Regavo na ise jon be nijaidiakrejo ni faif. Ja bara Jezeber jaba kuriairev revo ja areko fu irerag fu vierafenma iji nijaidiam. Fu kia fu Godon vuak e nijaidiaoino kiame fu enun iji aferdiame una unam ise ijia nijaidiam. Fu nijaidiame kia, Fun marenmano kiaga bu barubara fudainamiknum fanuf bu kaven ise iji isuf baroijo iji ioij.