1 Jon 3:2 - Namiae

² Ijefuon e kaifnun ma igie noiji non iviakma Godon afijaf redo rad no ar fu fino ijia vakva nokafu e izekin rekfuon iji noba mukoi vierafen. Regavo no vierafega Jesu fu una ruakma vajai nuvuon iji fu una fuon ijegrega no gak ijefuon maiji Jesu no ni nuvuon ijia gak.

1 Jon 3:2 Iomraidhean Croise

Metiu 5:8

Regavo eraneb tavan bog oibuon buka maturainva iji buka bomana oimarkfuon. Ijefuon maiji e ijekin iji bur God gak.

Ruk 17:30

Ijegvo tavan iji Ema ijiebuon Farif igi na una roko iji fun unam besum ijeg rekfuon.

Ruk 20:36

Ijefuon maiji fun Godri mako guf ijia karauniainma ijefuon bu una uri efuon rene anera igeg buba aoik gavo bum ijia karivak.

Jon 1:12

Regavo e roin bu fu ma vierafene bu fu oijmame afevga fu daro miamga bu Godon afijaf ren.

Jon 11:52

Regavo fu madu e Jius ijesugin buifuon kuainma bakin. Regavo fuka Godon afijaf fok eraneb bu dab atase ar iror igia karioinva ijin aferdiame agan besum rekafa fu iji vierafene kuain.

Jon 17:24

O Asoinun ar e iji kege na vajien ijefuon na vierafe bu nana ar na fikfuon ijia vak revo bu ijia nun sanainma a abe na mienma bu iji gak. Ijefuon maiji a ik anej a moikigi ba amarenma ijia an na oijmien ijefuon a on sanainma ijin abe mien.

Romens 8:16

No vierafe no ma Godon afijaf ijefuon maiji Godon Kaven Akai fu oinuvuon guf ijia fine kaven nuvuon iji kuardiame kia, Jaiji ja Godon afijafno kiam.

Romens 8:18

Na ma vierafega iviakma no ire kafokafo bu nuvuon rega no vajai fian abejo iji fum ma ukakbek. Regavo tavan rad God fu fuon ma iji ga sanainma iji fu kege no vajuokreno ijar fuka ma bomanak.

Romens 8:19

Regavo ire fok God fu amardiainma iji bu tavan iji God fu una afijaf fok kege samafrekfuon bu iji bomana vierafeknum samuav.

Romens 8:29

Regavo e iji God fu usuibe kege unianma iji fun fur kiainmado rad bu Farifuon ijekin rek. E iji bu Godon afijaf reke ga Farif fuon ijar fu e amuifarif rek.

1 Korintiens 13:12

Unam besum ijeg iviakma no Godon unam iji nom isebe kafo giame vierafen. Regavo rad God fu ire fok kege amare barekma ijar noson ire fok samakaf vierafekfuon. Na izeg fu iviakma oinun iji mukoi gieme vierafenma ijeg nak na koiknu ire fok ijeg giame vierafekfuon.

1 Korintiens 15:49

Ijefuon iviakma vajai surif igi no kege oijo iji no e Adamon vajat ijekin iji kege oij. Regavo rad God fu vajai surif nuvuon no kege ar varur ijia karikfuon iji kege vajuok. Vajai surif iji no rad kekfuon iji bu Kuraison surif ijekin rekfuon.

1 Korintiens 2:9

Regavo vuak igi na kuardiavo iji vuak besum iji bun usuibe Godon buk akaij ijia ijeg isoime kuai, Ire iji God fu e iji bu fu oijmavo ijiebuon fu kanaufumdiainma iji fu erar ni fuon ijia giainma bakin. Regavo madu fu erar ire iji fu reno iji fainma bakin ga madu fu erar giame vierafenma bano kuain.

2 Korintiens 3:18

Regavo noiji no oinuvuon iji non karoime una E Bomana iji vajain ijefuon ire iji fu oinuvuon iji okuruinma iji fun baren. Ijefuon e uruvana bun unam izeg no karioijo ijia God fu e izekin iji bun samakaf gav. Ijefuon fun Kaven Akai iji oinuvuon ijia ikreno ijar no kege una ka E Bomana iji aikin ren. Fur no kege una fu aikin ren ijefuon e uruvana bu nakikmazak nuvuon no karioijo ijia bu God fu e izekin bu iji giav.

2 Korintiens 4:17

Regavo iviakma igi no afikin abene vajai fian abejo iji fum tavan ivuankbe ijesugin. Regavo bun vajai fian ijieb ifejduoga no Godon ar sanainma ijia tavan bog ijia karivakfuon. Fu ar iji sanainma mukor ijar vajai fian igi no iviakma abejo iji fuka ma asin.

Garesiens 3:26

Regavo ja e Garesiako uruvana iviakma ja Kurais ma vierafejo ijefuon ja Godon afijaf ren.

Garesiens 4:6

No afuon ijefuon tavan amur iji no Jesu ma vierafenva ijia fu Farif fuon ijefuon Kaven iji unafduomga fu oinuvuon ijia aru fine kume Ate Asoinuno kumen.

Firifiens 3:21

Fu vajai surif nuvuon igi zazaikin ijin iviakma karinva iji kege una ka ma nibe amarduoga noka vajai izeg Jesu fu iviakma abe varur ijia fino iji abek. Regavo iji fu rekfuon iji fu daro fuon ka ma bomana fu ire fok samuagdiamo ijia abe rek.

Korosiens 3:4

Jesu Kuraisri kaven nuvuon fok kega bu nivek karij. Bu karido God fu Jesu abe una e fok samafrediakma ijia fu jak kega ja besum usem samafrek. Regavo ja una usem samafrejo ijia ja Godon sanainma iji fateroin abek.

2 Fita 1:4

Regavo sanainma fuon ijeko daro fuon ijiebuon duadok ijia fu e God ma vierafejo iji ire ma iji fu vajuokafa kuinma iji fun kege vajuin. Fu ijegrenkin e iji moikigia ise vierafeknum reoijo iji buba no kege arafiruokfuon revo bu arega no unam ma fuon iji fateroin abene vo izeg fu fino no madu ijeg kariokfuon.

1 Jon 2:28

Regavo afnun na oijmiavo iji jaka Jesu ma vierafene funa of. Ja funa besum okva tavan rad fu una ruakma jaba uri ise jon ja renva ijefuon fu game jum subinai vak.

1 Jon 2:7

Regavo e kaifnun igie vuak igi na isoi nijiavo iji fu iviamkor bakin revo vuak iji fu usuikor. Regavo vuak iji bu usuibe nijaidiava ja faime ruainva ijin.

1 Jon 3:1

Regavo ni Asoinuvuon iji fu izeg no oijmuinma iji gaf! Fu no oijmuinma iji fuka ma bomana ijefuon noiji fu kuo, Jaiji ja afnuno kuin. Regavo iji fuka ma noiji noka ma Godon afijaf. Regavo e iji moikigia ise reoijo iji bu God buba mukoi vierafenva ijefuon noiji no afijaf ijeg buba mukoi vierafen.

1 Jon 3:10

Regavo izeg no Godon afijaf iji no kafo giakgavo Setanon afijaf iji no kafo giakva unam iji ijeg. Erar fu unam ma iji fu kegoino bakin vo madu kaifijaf fuba mukoi oijmiamo e iji fu Godon am bakin. E iji fu Setanon am ijar ijeg reoin.

1 Jon 3:21

Ijefuon efnun maigie ja vierafega jafak ire ise kafo bakma jaka giriesame Godon nifak ijia vakfuon.

1 Jon 5:1

E be erar fu ma vierafero Jesu fu ma Godri kuama fu moikigia e fok karauniakafa ari ruainmaro fu ijeg vierafeno e iji fu Godon e. Regavo erar fu God mukoi oijmamo e iji fu madu Farifuon Jesu mukoi oijmam.

Revareson 2:28

Regavo madu nar ire ma iji mujur iji suok ajiemo ijekin iji ja vajiakfuon.

Revareson 22:4

Regavo bu ijia uikinik fuon iji ga vo if fuon iji bu variatar buon ijia isoidiak.